Аскердик окуу учурунда. Архив

Кытайда терроризмге каршы ШКУ мамлекеттеринин биргелешкен окуусу өтүүдө

41
(жаңыланган 15:31 14.10.2015)
Катышуучулар интернет түйүнүндө террористтик уюмдардын бузуку иш-аракеттерин табуу, алдын-алуу жана ага бөгөт коюу боюнча атайын иш-чараларды пландап, даярдоо жана жүргүзүү боюнча тажрыйбаларды мыктылашты.

БИШКЕК, 14-окт. — Sputnik. Кытайда терроризмге бөгөт коюу максатында Шанхай кызматташтык уюмуна мүчө мамлекеттердин компетентүү органдарынын биринчи биргелешкен "Сямынь-2015" штабдык окуусу өтүп жатканын УКМК билдирди.

Маалыматка ылайык, иш-чара интернет түйүнүн террористтик, сепаратисттик жана экстремисттик максатта колдонууга каршы багытталган. 

Окуунун негизги максаттары болуп ШКУ мамлекеттеринин укук коргоо органдарынын өз ара натыйжалуу иштешүүнүн жол-жоболорун жакшыртуу, укуктук өңүттөрдү, уюштуруу жана техникалык мүмкүнчүлүктөрдү колдонуу, терс аракеттерге бөгөт коюу маселелери каралат.

Катышуучулар интернет түйүнүндө террористтик уюмдардын бузуку иш-аракеттерин табуу, алдын-алуу жана ага бөгөт коюу боюнча атайын иш-чараларды пландап, даярдоо жана жүргүзүү боюнча тажрыйбаларды мыктылашты.

"Сямынь-2015" окуусуна катышкан делегация жетекчилери иш-чаранын жогорку деңгээлде даярдалганын белгилеп, терроризмдин баардык көрүнүштөрү менен күрөшүү, тынчтыкты жана чөлкөмдөгү коопсуздукту сактоо боюнча мындай иш-чараларды дайыма жүргүзүүгө даярдыгын билдиришти.

41
Белгилер:
Кытай, ШКУ, терроризм, экстремизм, машыгуу, аскердик окуу, сепаратизм
Тема боюнча
Баткенде окуучулар арасында аскердик эстафета өттү
Суусундук кармаган кыздар. Архивдик сүрөт

Ден соолукту талкалаган суусундук. Дарыгердин эскертүүсү

184
Дарыгер кадимки сууну да качан гана чаңкаганда ичүү керектигин айткан. Бирок аны көп ичүү эмнеси менен кооптуу экендигин тактаган эмес.

БИШКЕК, 17-окт. — Sputnik. Адамдын ден соолугуна коркунуч жаратып, диабеттен тарта онкологиялык ооруну чакырган азыктардын бири газдалган таттуу суусундуктар экенин дарыгер жана теле алып баруучу Александр Мясников айтып берген. Бул туурасында РИА Новости жазды.

Адистин айтымына караганда, баарынан кооптуусу газдалган суусундук.

"Диабетти жаратып, кишини семиртип, акырында онкологиялык ооруга алып барып такайт. Бул чындыгында ден соолукту талкалоочу жолдордун бири. Остеопороздон тарта онкология, жүрөк, кан тамыр ооруларын жаратат", — деп түшүндүргөн Мясников.

Дарыгер кадимки сууну да качан гана чаңкаганда ичүү керектигин айткан. Бирок сууну көп ичүү эмнеси менен кооптуу экендигин тактаган эмес.

Мясников чай менен кофенин пайдалуу жактарын да эске сала кеткен. Кофе жүрөк, кан тамыр илдеттеринин, боор оорунун алдын аларын айтса, көк чайдын онкологияга каршы күрөшүү артыкчылыгын белгилеген.

Буга чейин россиялык онколог Елена Смирнова жоон ичеги рагына кабылуу тобокелчилигин арттырган суусундуктарды тизмектеп айтып берген. 

184
Белгилер:
Россия, ден соолук, суусундук, зыян
Тема боюнча
Боору жарабай калган. 1,5 литр коланы 10 мүнөттө ичкен киши каза болду
UFC чемпиону Валентина Шевченко. Архивдик сүрөт

Валентина Шевченко Холли Берринин тасмасында кимдин ролун ойногон. Сүрөт

84
UFC чемпиону Шевченко Голливуд жылдызы Холли Берри менен тасмада спорттогу каршылаштардан болушат. Тасманын премьерасы 23-октябрда Netflix сервисинде көрсөтүлөт.

БИШКЕК, 17-окт. — Sputnik. UFC уюмунун эң жеңил салмактагы чемпиону, кыргызстандык Валентина Шевченко Instagram баракчасында Bruised ("В синяках", "Көгала болгондо") тасмасын тартуу учурундагы сүрөттөр менен бөлүштү.

Тасманын премьерасы 23-октябрда Netflix сервисинде болмокчу. Анда Шевченко башкы ролдогу Жекинин, тагыраагы, Холли Берринин спорттогу атаандашы болот. Сценарий боюнча, Жекинин карьерасы кичинекей уулу менен мамилесин оңдогондон кийин жанданат.

Шевченко Lady Killer (Киши өлтүргүч аял) каймана аты бар мушкердин ролун аткарат. Жеки маанилүү беттеште аны менен кармашып, мурдагы атак-даңкын кайтаргысы келет.

"Bruised тасмасында Lady Killer ролунда", — деп жазган Валентина.

Кинонун трейлери интернетке 14-октябрда чыккан. Тасма өзү 2019-жылдын декабрында тартылып бүткөн.

84
Белгилер:
UFC, Валентина Шевченко, тасма, роль, мушкер, беттешүү
Тема боюнча
Шевченко катышкан Холли Берринин тасмасынын трейлери чыкты. Видео
Татынакай! Шевченко Холли Берринин тасмасы боюнча маектеги сүрөтүн жарыялады