Медиктер алгачкы жасалма жүрөктү даярдашты

© Sputnik / Михаил Фомичев / Медиабанкка өтүүЖүрөккө операция учурунда. Архив
Жүрөккө операция учурунда. Архив - Sputnik Кыргызстан
Жазылуу
АКШнын медиктери менен физиктери өзүнүн касиеттери жагынан поролонго окшош жана жасалма жүрөк, кекиртек, ал тургай, кол жасоого жарактуу бөтөнчө бир материал ойлоп табышты.

БИШКЕК, 16-окт. – Sputnik. Корнелль университетинин физиктери поролонго окшогон, өтө серпилгич материал иштеп чыгышты. Анын мындай өзгөчөлүктөрү жүрөк, кекиртек, ал тургай, кол жасоого да жарактуу кылат деп айтылат Advanced Materials журналында жарык көргөн макалада. 

"Мындан тышкары, азыр биз ушул материалдан жасалма кол даярдоо жагынан бир топ алга жылдык. Мындай сырттан кийиле турган протездерди даярдоо бир топ жеңил, себеби аларды иштеп чыгууда ички органдарды жасоодогудай жаныбарлар менен ыктыярчыларга тест жүргүзүүгө карата АКШ бийлигинин уруксаты талап кылынбайт", — дейт Роберт Шепард (Robert Shepard) Итаканын Корнелль университетинен (АКШ).

Шепард жана анын кесиптештери сырткы көрүнүшү жана ныктыгы жагынан поролонго окшогон укмуштай ийкемдүү материал ойлоп таап, аны толук кандуу жасалма жүрөк жасоого пайдаланышты. Мындай жүрөк канды тамырлардан соруп кайра чыгарууга жөндөмдүү. 

Операционная лампа. Архивное фото - Sputnik Кыргызстан
Ош шаарында адамдарга жүрөктү кантип сактоону үйрөтүшөт
Шепард белгилегендей, өз табияты боюнча алардын иштеп чыкканы кадимки эле силикон, анын ичинде химиялык реактивдердин жана бөтөнчө бир 3D ыкмасынын жардамы жардамы менен көп сандагы көңдөйчөлөр жасалган. Эгер ошол көңдөйлөрдү суюктук менен толтурса, мындай материал, окумуштуунун айтымында, узун-туурасынан үч эсе чоңойгонго жөндөмдүү. 

Формасын, көлөмүн жана көңдөйчөлөрдүн катнаш деңгээлин өзгөртүү менен, бул материалды белгилүү тарапты карай ийилтип же жыйрылтууга болот. Ушул ой менен Шепард жана анын кесиптештери андан адамдын жасалма жүрөгүн жасап көрүштү. 

Бир нече жолу ийгиликсиз "көчүрмөлөрдөн" кийин макаланын авторлору толук кандуу иштей турган жүрөктү чогултушту. Ал бир идиштен экинчи идишке сууну адамдын жүрөгү канды өткөргөндөй эле соруп өткөрдү. Окумуштуулар муну менен эле токтобостон, материалды адамдын созулуп, жыйрылып турууга жөндөмдү кекиртегин да жасап көрүштү.

Министрлик жүрөккө бекер жасалуучу операцияны соодалаган дарыгерлер боюнча түшүндүрмө бербейт
Шепарддын айтымында, бул табылга медициналык практикага тезирээк киргизилишин каалаган дарыгерлер менен бейтаптар кайрыла башташты. Ал тургай, окумуштууларга тажрыйба жүргүзүүгө өз жардамдарын сунуштап, АКШнын тийиштүү органдары жасалма жүрөк менен кекиртекти тезирээк жактырышын тездетүүнү убада кылышты. 

Шепард аталган материалды жана андан жасалган жүрөк менен кекиртекти пайдаланууга киргизүү үчүн уруксат тез эле берилет деген ишеничте, себеби, силикон мурдатан эле адамдын ден соолугу үчүн коркунучсуз деп таанылган. Ошонтсе да, буга бир нече жыл кетет деп эсептейт окумуштуу, себеби анын тобу бардык зарыл клиникалык сыноолорду аягына чыгарып, кошумча терс таасир бербей турганына ынанышы керек.

Жаңылыктар түрмөгү
0