ДНКнын модели. Архив

Британиялыктардын ДНКсын изилдөөсү семиздиктин жана шизофрениянын генин табууга жардам берди

30
(жаңыланган 15:06 19.10.2015)
Британиялыктандын он миң геному генетиктерге шизофрения менен семиздиктин ашынган формаларынын өрчүшүнө жооп бере турган, майда мутацияларга дуушар болуучу бир нече генди аныктап табууга жардам берди.

БИШКЕК, 18-окт. – Sputnik. Улуу Британиянын 10 миң жашоочусунун ДНКларындагы майда мутацияларды изилдөө семиздиктин жана шизофрениянын өрчүшүнө алып келүүчү гендерди аныктоого мүмкүндүк берди деп айтылат Annals of Human Genetics журналына жарыяланган макалада.

"Эгер эки адамдын ДНКсын салыштыра турган болсоңор, аларда миллиондогон майда айырмалар бар экенин табасыңар. Алардын көптүгүнөн кайсы мутациялар оорунун өрчүү коркунучун көбөйтөрүн аныктоо кыйын. Бирок, эгер көп сандагы адамдардын геномдорун салыштырса, кайсы өзгөрүүлөр кандай кесепеттерге алып келерин акырындап көрүүгө болот", — дейт Лондондун университеттик колледжинен генетик Дэвид Кертис (David Curtis).

Өз изилдөөсүндө Кертис жана анын кесиптештери эң кеңири генетикалык изилдөө жүргүзүп, анын алкагында 10 миңден ашык түрдүү курактагы жана социалдык абалдагы британиялыктардын ДНК түзүлүштөрүн жана геномдорундагы майда мутацияларды талдап чыгышкан. 

Дени сак адамдардан тышкары, бул долбоордо бала кезинен эле байкала баштаган шизофрениядан жана ашыкча семиздиктен жабыркоочу эки миңдей киши катышкан. Окумуштуулар аларды тиги же бул дарттын өрчүшүнө байланыштуу болгон кайсы бир гендик бузулуштарды табуу үчүн изилдешкен. 

Кертис жана анын кесиптештери аныктагандай, семиздиктин өрчүшүнlө MC4R, CRHR1 жана SNORD115 деп аталган гендер болот экен. Булардын сейрек кездешүүчү версиялары ашыкча салмактуулуктан жабыр тарткан адамдарда болот экен. Кызыктуусу, акыркы ген өтө аз кездеше турган жана Прадера-Вилли деп аталуучу бөтөнчө бир синдромго себепкер экен. Бул дартка туш болгондор дайыма курсагы ачып тургандай сезимде болот жана дээрлик баары тең өтө эле ашыкча семиздиктен жабыркашат.

Британиялык шизофрениктердин геномдорун салыштыруу бул психикалык оорунун көп түрлөрүнүн өрчүшү NLGN2 гениндеги мутацияга байланыштуу болот экен. Макаланын авторлору чечмелегендей, ДНКнын бул бөлүгү мээдеги нейрондордун синапстары өз ара импульстарды туура беришине жооп берет, ал эми андагы мутациялар бул процессти бузуп, шизофрениянын өөрчүшүнө алып келет. 

Аталган гендерден тышкары, британиялык генетиктер геномдордун семиздикке жана психикалык башка ооруларга кайсы бир жагынан байланышту болушу мүмкүн делген ондогон башка бөлүктөрүн ажыратып белгилешти. Мындай мутациялар жөнүндө окумуштуулар кийинки макалаларында айтып берүүнү убада кылышкан.

30
Белгилер:
геном, дарт, мутация, ген, ДНК
Тема боюнча
Италиялык окумуштуулар ВИЧтен коргоочу белокту аныкташты
Окумуштуулар йога менен машыгуу артритти жеңүүгө жардам берерин аныкташты
Беларуссиянын Президенти Александр Лукашенко Минск шаарындагы шайлоо участогунда добуш берип турат

Белоруссия: президенттик шайлоодо Лукашенко алдыда. Exit poll, БШКнын жыйынтыгы

11
(жаңыланган 23:51 09.08.2020)
Президент аталган өлкөдө беш жыл мөөнөткө шайланат. Бул сапар эң көп добуш алган адам 2025-жылга чейин Белоруссияны башкарып турмакчы.

БИШКЕК, 9-авг. — Sputnik. Белоруссияда өткөн президенттик шайлоодо Александр Лукашенко добуштардын 82 пайызын алды. Бул туурасында БШКнын төрайымы Лидия Ермошинага шилтеме кылып Sputnik Ближнее зарубежье кабарлады.

"БШКнын алгачкы маалыматы боюнча Лукашенко беш аймакта биринчи келет жатат, добуштардын саны 82 пайызды көрсөттү. Тихановскаяныкы 5 пайызга жакын", — деп айтылат маалыматта.

Эске салсак, бүгүн Белоруссияда мамлекет башчыны тандашты.  Борбордук шайлоо комиссиясы  президенттик шайлоо өттү деп түшкө чейин эле тааныды. Алардын маалыматында, жергиликтүү убакыт боюнча 12:00гө карата шайлоочулардын 54 пайызы болочоктогу мамлекет башчыга добуш берген.

Ал эми exit poll жыйынтыгы бир аз айырмаланат: 

  • Александр Лукашенко — 79,7 пайыз
  • Светлана Тихановская - 6,8 пайыз;
  • Анна Канопацкая - 2,3 пайыз;
  • Андрей Дмитриев - 1,1 пайыз;
  • Сергей Черечень - 0,9 пайыз.

Президент аталган өлкөдө 5 жыл мөөнөткө шайланат. Бул сапар эң көп добуш алган адам 2025-жылга чейин бийликтин башында турмакчы.

Капа болом. Лукашенко кайрадан президенттик шайлоого катышат

Бүгүн талапкерлердин ичинен эң көп добуш алган Лукашенко Белоруссияны 26 жылдан бери башкарып келет.

11
Белгилер:
добуш берүү, президенттик шайлоо, Александр Лукашенко, Белоруссия
Тема боюнча
Бүгүн Белоруссияда президенттик шайлоо болуп жатат
Парламенттик шайлоого катышууну каалаган партиялардын кожоюндары кимдер? Тизме

Тоголото чаап, эсин оодарып... UFC Vegas 6 беттешиндеги сестенткен учурлардын видеосу

18
(жаңыланган 23:23 09.08.2020)
Бүгүн таңда АКШнын Лас-Вегас шаарында UFC уюмунун Vegas 6 мелдеши жыйынтыкталды. Мелдештеги башкы кармаш оор салмактагы мушкерлер АКШлык Деррик Льюис менен россиялык Алексей Олейниктин беттеши болду.

Мындан сырткары, бири экинчисин жыга коюп, аеосуз сабаган жана катардагы карддардагы беттештер өттү.

Мелдештин урунттуу учурларынан видео тасманы UFC Russia уюму өзүнүн Youtube каналына жарыялады.

Тепкилей берип жанын көзүнө көргөздү. ММА мушкерлеринин беттешинин видеосу

Мелдештин башкы беттешинде оор салмактагы мушкер (120 килограмм) Деррик Льюис Удав каймана аты менен таанымал россиялык Алексей Олейникти экинчи раундда нокаутка кетирип, жеңип алды.

18
Белгилер:
нокаут, мелдеш, UFC
Тема боюнча
UFC: бирин-бири аябай... Жарым жеңил салмактагы дивизиончулар беттешкен видео