Клинтондун жашыруун кат алышуусу: Блэр Каддафини коргоого аракет кылган

© Sputnik / Сергей Пятаков / Медиабанкка өтүүУлуу Британиянын мурдагы премьер-министри Тони Блэр. Архив
Улуу Британиянын мурдагы премьер-министри Тони Блэр. Архив - Sputnik Кыргызстан
Жазылуу
Блер кызматынан кетүүнү суранган үчүн аны Ливиянын лидери чыккынчы деп күнөөлөгөн деп жазат Британиянын мурдагы премьери. Клинтондун каттарында 2010-жылдагы окуяларга байланыштуу Кыргызстан жөнүндө да сөз болгон.

БИШКЕК, 3-ноя. — Sputnik. Хиллари Клинтон АКШнын мамлекеттик катчысы болуп тургандагы каттары ачыкка чыккандан кийин Улуу Британиянын мурдагы премьер-министри Тони Блэр 2011-жылы Ливиянын лидери Муаммар Каддафинин бийлигин сактап калууга аракет кылганы маалым болду деп жазат Британиянын The Daily Mail гезити. 

Басылманын маалыматы боюнча, Тони Блэр кызматта турганда Каддафи менен бир нече жолу телефон аркылуу байланышып жана Клинтондон ливиялык лидерди "басмырлабоону" өтүнгөн. 

2011-жылы 9-августта жазган катында Блэр Клинтонго Каддафинин оң колу "акыл-эстүү киши" деп жазган. Гезиттин божомолунда, ал киши Ливиянын ошол кездеги тышкы иштер министри, Каддафи өлгөндөн кийин Британияга качкан Муссе Куссе же чалгындоо кызматынын башчысы Абдалле Сенусси болушу мүмкүн.

"Мага Каддафинин "оң колу" телефон чалып, сүйлөшүүлөр кандай жүрүп жатканын сурады. Ал К-нын атынан (гезиттин бүлдүрүүсү боюнча, бул — Каддафи) чалып жатам деди. Мен сүйлөшүүлөрдү жүргүзүү үчүн ал бирөөнү дайындашы керектигин айттым. Ошондон кийин мен биздикилерге кабарлап жана сүйлөшүү мүмкүнчүлүгүн карайм дедим", — деп Блэрдин Клинтонго жазган катынан келтирет гезит.

Хиллари Клинтон. Архив - Sputnik Кыргызстан
Аял жетекчи Отунбаева, "өлдү" делген Конгантиев, июнь окуялары же Клинтондун каттары
Ошол эле жылдын 3-мартында жиберилген каттарында болсо Блэр АКШнын мамлекеттик катчысына Каддафи ага бийликтен кетүүнү сунуштаганы үчүн Блэрди чыккынчы деп күнөөлөп, аны менен сүйлөшүүдөн баш тартып жатканын билдирген. 

Британия өкмөтүнүн мурдагы башчысы өз катын, эгер Каддафини кемсинтпей турган ыкмаларды тапса, ал сүйлөшүүгө макул болот деп бүтүргөн. 

Клинтондун мурдараак ачыкка чыккан чуулгандуу каттарында Кыргызстандагы абал да талкууланганы белгилүү. Аларда биздин республика америкалык серепчилердин, юристтердин отчетторунда, РФтин Тышкы иштер министри Сергей Лавров менен сүйлөшүүлөрдө эскерилгени айтылат. Каттарда 2010-жылы КРдин түштүгүндөгү улуттар аралык мамилелерге байланышкан кырдаал боюнча жасалган иштердин кенен отчеттору, талдоочулардын баалары жана кеңештери камтылган. 

Андан тышкары, каттарда Кыргызстандын оппозициясы жана КРдин президенттик аппаратынын башчысы Медетбек Садыркуловдун өлүмү жөнүндө маселе да козголгон.

Жаңылыктар түрмөгү
0