Синай жарым аралындагы жардыруудан бир үй-бүлөнүн тогуз мүчөсү өлдү

© AFP / SAID KHATIBТез жардам автоунаасы. Архив
Тез жардам автоунаасы. Архив - Sputnik Кыргызстан
Жазылуу
Өлтүрүлгөндөрдүн экөө үч жаштагы кичинекей балдар экени маалым болду. Учурда жардыруу болгон жер курчоого алынып, күч түзүмдөрү кылмышкерлердин изине түшүүгө аракет кылып жатат.

БИШКЕК, 12-ноя. — Sputnik. Египеттеги Синай жарым аралынын Эль-Ариш шаарындагы жардыруудан тогуз адам каза болгонун РИА Новости "Йоум7" маалымат порталына шилтеме берүү менен билдирди.

Кырсыктан жарадар болгон бир адам ооруканага жеткирилди. Маалыматка ылайык, каза болгондордун экөө — үч жашар наристелер болгон.

Полициянын айтымында, өлгөндөрдүн баары бир үй-бүлөнүн мүчөлөрү, алар полиция учсатогуна жакын жашап келишкен. Кол салгандар алгач үйдүн жанында турган унааны жардырып, андан кийин атышуу башталган.

Лондон: А321 учагында теракт болгон-болбогонун Египет менен Россия гана айта алат
Тергөөнүн божомолунда кол салуу жергиликтүү эки үй-бүлөнүн ортосундагы касташуудан улам болушу мүмкүн. Мындан тышкары теракт ыктымалдыгы да каралууда. Жардыруу болгон жер курчоого алынып, күч түзүмдөрү кылмышкерлердин изине түшүүгө аракет кылып жатат.

Бир жума мурун ошол эле Эль-Ариш шаарында дагы бир мина коюлган автоунаа полиция имаратынан жанынан жардырылган. Алдын ала маалыматтар боюнча андан алты адам каза болуп, дагы ондон ашууну жаракат алган.

Египетте эки жылдан бери экстремисттик топтор орун алган Түндүк Синай жарым аралында антитеррордук операция жүрүп келет. Экстремисттердин укук коргоо органдарынын өкүлдөрүн кол салган учурлары дээрлик күн сайын кездешүүдө. Бир айдын ичинде террористтердин огунан ондон кем эмес полиция жана аскер кызматкерлери каза болду. Кылмыш жоопкерчилигин өздөрүн "Ислам мамлекети" террористтик тобунун филиалы деп атаган согушкерлердин "Вилаят Сина" тобу алды. 

Жаңылыктар түрмөгү
0