Асад: Париж сириялыктар беш жылдан берки жашоосун башынан кечирүүдө

© Sputnik / Алексей Дружинин / Медиабанкка өтүүСириянын президенти Башар Асад. Архив
Сириянын президенти Башар Асад. Архив - Sputnik Кыргызстан
Жазылуу
Сириялык лидер Башар Асад 150гө чукул адамдын өмүрүн алып кеткен терактыларга байланыштуу Франция элине көңүл айтты.

БИШКЕК, 14-ноя. — Sputnik. Сириянын президенти Башар Асад Франция беш жылдан бери Сирия аймагында болуп жаткан окуяларды башынан кечирип жатканын билдирди.

"Парижде кечээ сириялыктар беш жылдан бери көрүп келе жаткан жашоону башынан кечирди", — деген президенттин сөзүн Europe 1 радиостанциясы келтирди. Асад бул тууралуу Сирияда франциялык депутаттар менен жолугушуу учурунда айткан. 

Ал Париждеги терактыларга байланыштуу франциялык депутаттарга көңүл айтты.

Франциянын элчиси Кыргызстандагы мекендештеринин коопсуздугун камсыздоону өтүнөт
Жума күнү кечинде бир эле убакта Париждин жети районунда куралдуу кол салуу менен жардыруулар болуп, андан 150гө чукул адам каза болгон: 100дөй киши шаардын "Батаклан" театрындагы террорчуларды кармоо учурунда көз жумган. Дагы ондогон адам шаардын башка аймактарында набыт кеткен. 

Француз парламентарийлеринин жолугушуусу Сирияга болгон сапардын алкагында жүрүүдө. Анда депутаттар ТИМ жетекчиси Валид Муалем жана сирия парламентинин мүчөлөрү менен жолугуша турганын Sputnik агенттигине Улуттук жыйын депутаты Тьери Мариани билдирди.

Жаңылыктар түрмөгү
0