Уйкуга байланган жаныбар. Архив

Дем алыш күндөрү көп уктоо диабет жана инфаркт оорусуна кабылуу коркунучун жогорулатат

189
(жаңыланган 13:02 24.11.2015)
Окумуштуулар аныктагандай, иштеген адамдар иш күндөрү эрте туруп, дем алышта түшкө чейин укташы диабет, семиздик жана жүрөк-тамыр ооруларын өрчүтүшү мүмкүн.

БИШКЕК, 24-ноя. – Sputnik. Иш күндөрү эрте туруп, калган уйкусун дем алышта кандырганды адат кылган адамдар диабет, семиздик жана жүрөк-тамыр оорулары өрчүп кетүү коркунучуна көбүрөөк кабылат деп айтылат Journal of Clinical Endocrinology & Metabolism журналында жарык көргөн макалада.

"Күн тартибин жакшы сактаган, дени сак адамдар да биоритмдин бузулушунан заттардын алмашуусуна байланыштуу олуттуу кыйынчылыкка туш боло турганын биздин изилдөө биринчи жолу көрсөттү. Бул ашык салмактуулукка, диабетке жана жүрөк-тамыр ооруларына алып келиши ыктымал", — дейт Патриция Вонг (Patricia Wong) Питтсбург университетинен (АКШ).

Вонг жана анын кесиптештери мындай тыянакка беш жүзгө жакын 30-55 жаштагы дени сак аялдар менен эркектердин саламаттыгына байкоо жүргүзүү аркылуу келишкен. Изилдөөгө катышкандардын бардыгы бир нече жума бою алардын канча көп кыймылдай турганын ченеп жана 24 саат бою күн тартибине көз салуучу атайын билерик тагынып жүрүшкөн. 

Билериктерден алынган маалымат америкалыктардын 85%ы иш күндөрүнө караганда, дем алыш күндөрү бир топ көп уктап жана кеч жата тургандыктарын көрсөткөн. Демек алар жумушчу күндөрү канбай калган уйкусун базар күндөрү кандырып алышат экен. 

Мындай адамдардын арасында экспериментке катышкан башкаларга караганда ден соолугу жагынан көйгөйлөрү барлар көптүк кылары анык болду. Алардын канында холистерин ченеминен жогору болуп, инсулинди жакшы кабыл алышпай жана салмактары бир топ жогору болуп чыккан. Мунун баары алар диабет, журөк-таамыр ооруларына көбүрөөк кабылышы мүмкүн дегенди билдирет. 

"Кийнки изилдөөлөр биздин бул ачылыштарыбызды ырастай турган болсо, азыркы коом жана белгилүү бир убакытта иштеп, эс алуу зарылчылыгы биздин саламаттыгыбызга жана уйкубузга кандайча таасир бере турганын ойлонууга туура келет. Мүмкүн, социалдык жана медицина кызматтары уйкунун тартиби жөнүндө кеңештерди берип, аны бузуу кандай кесепеттерге алып келерин айтышы керек", — дейт Вонг.

189
Белгилер:
диабет, уйку, иш күнү, оору, ден соолук
Тема боюнча
Окумуштуулар рак шишигинин бар-жогун эми кандын тамчысынан аныктай алышат
Окумуштуулар Казакстанда глобалдык жылуулукка даярдыктарды талкуулады
Душанбе шаары, Тажикстан. Архив

Душанбеде ШКУнун 20 жылдыгына карата кинофестиваль өтөт

3
Фестивалдын алкагында Кыргызстан баш болгон уюмга мүчө сегиз өлкөнүн жана байкоочу макамындагы алты мамлекеттин фильмдери көрсөтүлөт.

БИШКЕК, 14-июн. — Sputnik. Душанбе шаарында 29-июндан тарта 2-июлга чейин Шанхай кызматташтык уюмуна (ШКУ) мүчө-мамлекеттердин арасында көркөм жана телефильмдердин фестивалы өтөт. Бул тууралуу Кинематографты колдоо фондунан кабарлашты.

Фестивалдын алкагында Кыргызстан баш болгон уюмга мүчө сегиз өлкөнүн жана байкоочу макамындагы алты мамлекеттин фильмдери көрсөтүлөт. Жеңүүчүлөргө "Алтын чабалекей" сыйлыгы жана дипломдор ыйгарылат.

Кыргызстандын атынан кайсы тасма көрсөтүлөрү айтыла элек.

Эске салсак, ушул жылдын 15-июнь күнү бирикменин түзүлгөнүнө 20 жыл толот. Буга байланыштуу ар кандай саясий жана маданий иш-чараларды өткөрүү пландалган.

3
Белгилер:
тасма, фестиваль, ШКУ, Тажикстан, Кыргызстан
Тема боюнча
Байге фонду миллион сомдук республикалык айтыш сынагы өтөт
Кыргыздын "Шамбала" тасмасы Испаниядагы кинофестивалга катышат
Витаминдер. Архив

Адам сынынан кетпеши үчүн витамин ичүүнүн зарылдыгы барбы

20
Адистин айтымында, кайсы бир препаратты ичерден мурда дарыгер менен кеңешүү керек. Ошондой эле витаминдер менен биологиялык активдүү кошулмаларды ири жана ишенимдүү дарыканалардан гана сатып алуу зарыл.

БИШКЕК, 14-июн. — Sputnik. Бой келбети келишимдүү болушун каалаган адамдарга витаминдер менен биологиялык активдүү кошулмалардын кереги бар же жок экенин нутрициолог, фитнес жана дарылоочу көнүгүүлөр боюнча адис Арина Скоромная РИА Новости агенттигине айтып берди.

"Эч бир витамин же биологиялык активдүү кошулмаларды ичпей деле жүрө берсе болот. Бирок дене бой ойдогудай болушу үчүн организмдеги бардык заттар жетиштүү болушу шарт. Витаминдерди тамактан керектүү көлөмдө баары бир ала албайбыз. Алыш үчүн абдан көп тамактанышыбыз керек. Негизи биз сөз кылып жаткан заттар организмге жардамчы катары зарыл", — деди адис.

Ошондой эле Скоромная кайсы бир препаратты ичерден мурда бир ооз дарыгер менен кеңешүү зарылдыгын айтты. Мындан тышкары, ал витаминдер менен биологиялык активдүү кошулмаларды ири жана ишенимдүү дарыканалардан гана сатып алуу керектигин кошумчалады.

20
Белгилер:
арыктоо, организм, адис, ден соолук, витамин
Тема боюнча
Адис: туура эмес арыктаган аялдын этек кири токтоп калышы мүмкүн