Лабораторияда лазер эксперименттери. Архив

Япон физиктери кол менен кармоого боло турган голограмма ойлоп табышты

106
(жаңыланган 13:01 02.12.2015)
Япон физиктери дүйнөдө биринчи жолу кол күйүп калат деп коркпостон кармоого, кол менен ары-бери башкарууга боло турган үч ченемдүү голограммаларды ойлоп табышты.

БИШКЕК, 2-дек. – Sputnik. Япониялык окумуштуулар голографиялык сүрөт жаратуу үчүн өтө жогорку ылдамдыктагы лазерлерди колдонууну үйрөнүштү. Аларды сүрөт же компьютердин ишин башкаруу үчүн кол менен кармаса болот деп айтылат Корнелль университетинин электрондук китепканасына чыккан макалада.

"Проектордун экранына чыгарылган сүрөт же видеокадрларды кол менен кармай албайбыз. Ал эми үч ченемдүү сүрөттү чыгарып, аны кармагыдай кылсак, анда столдун үстүндө жок буюм бардай болуп көрүнөт", — дейт Ёити Отиай (Yoichi Ochiai) Цукуба университетинен (Япония).

Отиай өз кесиптештери менен бирге өтө жогорку ылдамдыктагы фемтосекундалык лазерлердин жардамы менен курулай эле абада үч ченемдүү голограмма жаратканды үйрөнүштү. Анын импульстары адамдын манжаларына жана сүрөткө тийген нерселерге жараша кыймылдайт. 

Келечектин мындай технологиясын түзүүчүлөр "перинин оттору" деп атап, ал лазердин кыска жана күчтүү тутанууларынан голограмма пайда болчу чекитте плазманын кичинекей булутчаларын пайда кылып, колдун же башка нерсенин тийишинен анын формасы өзгөрөт. 

Лазердин кыска тутануусу адамдын колу үчүн коркунучсуз, бирок окумуштуулар мындай сүрөттү көз тушка чыгарбоону кеңеш кылат. 

Алардын пикиринде бул технологияны ар кандай максатта – аба дисплейлерин жаратууга, маалыматты (мисалы, сааттын) колго же дененин башка бөлүгүнө түз берип турууга, театрлардын дубалында декорацияларды жаратууга, ошондой эле медицинада тиги же бул хирургиялык жабдыкты башкарууга колдонсо болот. 

Мындан тышкары, столдун үстүндө клавиатура же башка нерсенин элесин түзүү, дүйнөнүн башка булуңунда турган адамга кол тийгизүүгө мүмкүндүк берчү "4 ченемдүү" системаны түзүү сыяктуу татаал максаттарда да колдонсо болот.

106
Белгилер:
кол, лазер, Сүрөт, голограмма, Япония
UFC чемпиону Хабиб Нурмагомедов. Архив

Көк бөрү көрөбүз! Хабиб машыктыруучусу менен Кыргызстанга келет

100
(жаңыланган 01:19 26.11.2020)
Нурмагомедов Кыргызстанга 2018-жылы келген. Анда ал өлкөдө ушунчалык атактуу экенине таң калганын билдирген.

БИШКЕК, 25-ноя. — Sputnik. UFC чемпиону Хабиб Нурмагомедовдун машыктыруучусу Хавьер Мендез Instagram баракчасына Кыргызстанга келип, көк бөрү оюнун көрүү каалоосу тууралуу жазган.

Посмотреть эту публикацию в Instagram

Публикация от Javier Mendez (@akajav)

Мендез менен Нурмагомедов азыр Бириккен Араб Эмирлигинде жүргөнү маалым болду. Машыктыруучу Кыргызстанды кайрадан көргүсү келип жатканын кыргыз ишкери менен жолукканда айткан.

"Кереметтүү Кыргызстанга барууну чыдамсыздык менен күтүп жатам, ошондой эле көк бөрү оюнун да көрсөк дейбиз", — деп жазган Мендез. 

UFC чемпиону да Instagram баракчасынын сторис бөлүмүнө "Жакында Кыргызстанга барам" деп жазган.

Белгилей кетсек, 2018-жылы Хабиб Нурмагомедов Улуттук олимпиада комитетинин чакыруусу менен өлкөгө келип кеткен. Анда ал КРде ушунчалык атактуу экенине таң калганын билдирген.

100
Белгилер:
Көк бөрү, спортчу, тренер, Хабиб Нурмагомедов, Кыргызстан
Тема боюнча
Миссиямды аткардым. Хабиб кайра октагонго чыгар-чыкпасын айтты
Легендарлуу футболчу Диего Марадона. Архив

Легендарлуу футболчу Диего Марадона көз жумду

110
(жаңыланган 22:50 25.11.2020)
Аргентиналык спортчу 60 жашта болчу. Ал 30-октябрда медициналык көзөмөлдөн өтүү үчүн ооруканалардын бирине жаткырылган.

БИШКЕК, 25-ноя. — Sputnik. Футбол боюнча 1986-жылы дүйнө чемпиону болгон легендарлуу футболчу Диего Марадона көз жумду. Бул тууралуу РИА Новости Аргентинанын TN телеканалына таянып кабарлады.

Аргентиналык спортчу 60 жашта болчу.

30-октябрда "Химнасия жана Эсгрима" футбол клубуна башкы машыктыруучулук кылып жаткан Марадона бир катар текшерүүлөрдөн өтүү үчүн ооруканага жаткырылган. Кийинчерээк анын мээсине операция жасалгандыгы кабарланган. Марадона ооруканадан 12-ноябрда чыгарылганы айтылган. Футбол адисинин акыркы жылдары басканы оорлошуп, өзүн начар сезип калган.

110
Тема боюнча
Роналду, Зидан, Марадона... Дүйнөлүк футболчулардын атын алган кыргызстандыктар