Сириянын желеги. Архив

ЖМК: Сириянын оппозициясы бийлик менен сүйлөшүүлөр үчүн "жогорку кеңеш" түздү

26
(жаңыланган 11:27 11.12.2015)
32 адам кире турган жаңы уюмдун өкүлдөрү Сириянын президенти Башар Асаддын кетишине аракет кылат.

БИШКЕК, 11-дек. — Sputnik. Cириялык оппозициянын өкүлдөрү Сауд Аравиясынын борбору Эр-Рияд шаарындагы жолугушууда "жогорку кеңеш" түздү деп жазат Washington Post гезити.

Басылманын маалыматына ылайык, түзүлгөн органга 32 адам кирет, алар кечирээк Сириянын бийлиги менен оппозициянын атынан сүйлөшө турган 15 өкүл шайлайт. 

Сирия оппозициясы Эр-Рияддагы конференциясында Сириянын өкмөтү менен сүйлөшүү жүргүзүүгө даярдыгын билдирди. Ошону менен катар алар Сириянын президенти Башар Асаддын өткөөл мезгилдин башында кетүүсүнө аракет кыла тургандыктарын билдиришти.

Сауд Аравия ТИМинин башчысы Адель аль-Жубейр ачкан конференцияда сириялык оппозициянын 100дөн ашык өкүлдөрү катышып жатат. Катышуучулар сириялык чыр-чатакты саясий жөнгө салуунун жолдорун, ок атышууларды токтотуу мүмкүнчүлүгүн жана Сирияны кайра калыбына келтирүүнүн келечектерин талкуулашууда. 

26
Белгилер:
Сирия, Башар Асад, оппозиция
Тема боюнча
"Россия" телеканалы: Сирияда 25 жаштагы кыргызстандык согушкерлердин амири болуп жүрөт
ЖМК: Түркияда сириялык качкындардын органын сатуучу кармалды
Медициналык кызматкерлер бейтап менен ооруканада. Архив

Инфекционист: COVID-19дун жаңы штаммдары мурункудан жеңил болбойт

9
(жаңыланган 11:06 28.10.2021)
Дарыгердин айтымында, мутациядан кийин пайда болгон штаммдарды мурдагыларга салыштырмалуу коопсуз деп айтууга болбойт. Анткени вирустун жаңы түрлөрү өз жашоосун болушунча узартуу үчүн күчтүү, жугуштуу болууга аракет кылышат.

БИШКЕК, 28-окт. — Sputnik. Коронавирустун "дельта" штаммынын AY.4.2 деп аталган жаңы варианты өтө жугуштуу жана оор формада өтүшү мүмкүн. Бул тууралуу РИА Новости агенттигине инфекционист Андрей Поздняков билдирди.

"Бул "дельта" штаммынын бир түрү болуп жаткандан кийин аны жеңил өтөт жана көп жукпайт деп ойлобошубуз керек. Байкоолорубузга караганда, бул вариантка кабылган бир киши 9 адамга вирус жугузушу мүмкүн. Ал эми "дельта" штаммы өзү бир оорулуудан сегиз адамга жугат. Эң алгачкы Ухань штаммы орто эсеп менен үч кишиге жукчу", — деди Поздняков.

Дарыгердин айтымында, мутациядан кийин пайда болгон штаммдарды мурдагыларга салыштырмалуу коопсуз деп айтууга болбойт. Анткени вирустун жаңы түрлөрү өз жашоосун болушунча узартуу үчүн күчтүү, жугуштуу болууга аракет кылышат.

Эске салсак, Улуу Британиядагы Сенгер жана Кембридж окуу жайларынын окумуштуулары "дельта" штаммынын 10-15 пайызга көбүрөөк жуккан AY.4.2 варианты чыкканын айтышкан. Россияда вирустун бул варианты азырынча үч кишиден табылды. Ошол эле учурда адис Россияда коронавируска каршы колдонулуп жаткан вакциналардын күчү AY.4.2 вариантына дагы жетерин билдирүүдө.

Буга чейин Роспотребнадзор мекемесинин адистери изилдөө иштери аягына чыга электигине байланыштуу "дельта" штаммынын жаңы варианты өтө кооптуу деп айтууга эрте экенин билдиришкен.

9
Тема:
Дүйнөгө жайылган коронавирус
Тема боюнча
Коронавирус дагы үч адамдын өмүрүн алды, 124ү жаңы жуктурду
Колбаса азыктары. Архив

Жумасына жарым килограммдан көп жебеш керек. Эттин кооптуулугу эскертилди

54
(жаңыланган 09:57 28.10.2021)
Адис "жаман" майлар туурасында да эске салып, алар майонезде, маргаринде жана чочко майында бар экендигин айткан.

БИШКЕК, 28-окт. — Sputnik. Адам ичегисинин былжыр челин жакшы абалда сакташ үчүн кооптуу деген азыктардан баш тартып койгону дурус. Бул туурасында немец дарыгери Томас Фрилингдин башка басылмаларга айткандарына таянып РИА Новости жазды.

Адис колдон келсе жебей койгондон өтөрү жок деген азыктардын башына кантты койгон. Дарыгер таттуу болгон жерде бактериялардын кайсы бир түрү жакшы көбөйө тургандыгын эскертти. Андан аркы тизмесине туздалган, ышталган тамактар жана колбаса азыктарын кошкон.

"Булар канцероген заттары бар делген тизмедеги тамактардын катарына кирет, ошон үчүн кадимки кызыл этти (балык менен тооктукунан башкасын) да жумасына 500 граммдан ашык жебеш керек", — деген Фрилинг.

Адис "жаман" майлар туурасында да эскертип, алар майонезде, маргаринде жана чочко майында бар экендигин айткан.

Фрилинг пайдалуу азыктарды да санап берген. Биринчи орунда жашылча жана буурчактар турарын, алардын курамында клетчатка сыяктуу азыктар бар экенин айткан. Андан кийинки орунга банан, балык, жемиштердин пюреси, мундир кылып жасалган картошка жана кара нан чыккан.

54
Белгилер:
ден соолук, азык, дарыгер, кеңеш, колбаса, зыяндуу, банан, пайдалуу
Тема боюнча
Диетолог суукта, локдаунда кантип салмак кошпой жүрүүнүн жолун айтып берди
Дарыгер пиязды ашыкча колдонуунун кесепетин айтты
Капельницалар улануу учурунда. Архив

Бишкекте тамакка ууланган адамдардын саны 300гө жетти

0
(жаңыланган 11:13 28.10.2021)
Уулануу өткөн ишембиде катталып, жабыркагандардын саны улам өсүүдө. Учурда ооруканада 31 киши дарыланып жатат, анын бешөө балдар.

БИШКЕК, 28-окт. — Sputnik. Бишкекте тамактан ууланып ооруканага кайрылгандардын саны 300гө жетти. Бул тууралуу Sputnik агенттигине Бишкек шаардык санитардык-эпидемиологиялык көзөмөл борборунун бөлүм башчысы Махамат Мурзашев билдирди.

Буга чейин кайрылгандар 253 болчу. Мурзашевдин айтымында, кечээ кечинде алардын саны 290го жетип, эртең менен 300 болду.

Учурда ооруканада 31 киши дарыланууда, анын бешөө балдар. Абалы туруктуу деп бааланууда. Бейтаптар акырындан үйүнө чыгарылып жатат. Кечээ стационарда 60 киши бар болчу.

Эске салсак, тамакка уулангандар 23-24-октябрь күндөрү ооруканага түшө баштаган. Санэпидкөзөмөл уулангандар Бишкектеги "Империя пиццы" кафесинин төрт филиалынан суши-ролл жегенин кабарлаган. 25-октябрь күнү уулангандардын саны 85ке, 26-октябрда 179га жеткен.

Белгилей кетсек, Саламаттык сактоо министрлиги 25-октябрдан тарта ууланып ооруканага кайрылган адамдардын саны боюнча маалыматтарды берип жатат. Бирок пресс-релизде жабыркагандар кайсы жерден жана кандайча ууланганы так көрсөтүлгөн эмес. Болгону "Бишкектеги массалык уулануу" деп жазылган.

Ал арада Кыргызстанда тамак-аш саткан объектилерди текшерүүгө киргизилген мораторий жокко чыгарылды.

Кафенин филиалдарынын администрациясына жалпы суммасы 30,5 миң сомдук беш протокол түзүлгөн.

0
Белгилер:
Бишкек, тамак, уулануу, бейтап
Тема:
Бишкектин кафесиндеги массалык уулануу
Тема боюнча
Кыргызстанда кайсы объектилер капилет текшерилиши мүмкүн. Тизме