АКШ: "Джейш-аль-Ислам" башчысынын жок кылынышы Сириядагы сүйлөшүүлөрдү кыйындатат

© AFP / PAUL J. RICHARDS АКШнын Мамлекеттик департаментинин имараты. Архив
АКШнын Мамлекеттик департаментинин имараты. Архив - Sputnik Кыргызстан
Жазылуу
Америка өкүлүнүн айтымында, "Джейш-аль-Ислам" тобу Сириядагы саясий туруктуулукту орнотууну колдоп, "Ислам мамлекети" террористтик тобуна каршы күрөшүп келген.

БИШКЕК, 29-дек. — Sputnik. "Джейш-аль-Ислам" тобунун башчысы Захран Аллуштун жок кылынышы жана сириялык оппозициянын сокку алдында калышы Сириядагы бийликти өткөрүп берүү боюнча саясий сүйлөшүүлөрдү татаалданта турганын АКШнын Мамлекеттик департаментинин расмий өкүлү Марк Тонер билдирди.

Анын айтымында, АКШ "Джейш-аль-Ислам" тобуна жардам берген эмес, уюмдун ишмердүүлүгү бир топ тынчсызданууну жаратып келген.

Буга карабастан "Джейш-аль-Ислам" тобу Сириядагы саясий туруктуулукту орнотууну колдоп, "Ислам мамлекетине" каршы күрөшүп келген.

"Аталган топ Эр-Риядда өткөн сирия оппозициясынын конференциясына катышкан. Бул иш-чара Сириядагы согуштук аракеттерди токтотуу боюнча сүйлөшүүлөрдү жандантууга чоң кадам болгон", — деди ал.

Мамдепартаменттин өкүлү уюм лидеринин жок кылынышы жана башка топтордун соккуга кабылышы улуттук элдешүү процессин бир топ кыйындатарын белгилейт.

Дамаск шаарына көрүнүш. Архив - Sputnik Кыргызстан
АКШ: Россия менен Америка Сириядагы уюмдар боюнча макулдашууга келди
Тонер муну менен бирге Россиянын соккусу биринчи кезекте ИМге эмес, оппозицияга багытталганын айтты.

Буга чейин "Джейш-аль-Ислам" террористтик тобунун жетекчиси Захран Аллуш Дамаск шаарынын чыгыш аймагында сириялык аскер-аба күчтөрү тарабынан жок кылынган. Аллуш "Ахрар аш-Шам" жана "Сукур аш-Шам" уюмдарынын өкүлдөрүн чогултуп, "Джебхат ан-Нусра" тобунун жетеги алдында сириялык армияга каршы күрөшө турган коалиция түзүү ниетин билдирген.

Аскердик чалгын уюмдун чогула турган дерин аныктап, Отай аймагынан келгичекти көзөмөлгө алган. Андан кийин жайгашкан орду тууралуу маалымат аскер-аба күчтөрүнө берилген. 

"Ислам мамлекети" (ДАИШ) уюму дүйнөнүн башкы коркунучтарынын бири бул жөнүндө Sputnik инфографикасында көрүңүз>> 

Жаңылыктар түрмөгү
0