АКШнын мурдагы мамкатчы Хиллары Клинтон. Архив

АКШнын мамдепартаменти Хиллары Клинтондун дагы 5,5 миң электрондук катын ачыкка чыгарды

100
Ачыкка чыгарылган каттар 2009-жылдан 2013-жылга чейинкилер. АКШнын мурдагы мамлекеттик катчысынын калган каттары кийинки жумада дагы жарыяланат.

БИШКЕК, 1-янв. — Sputnik. АКШнын мамлекеттик департаменти Жаңы жыл алдында мурдагы мамкатчы Хиллары Клинтондун 5,5 миң электрондук катын ачыкка чыгарды. Бул каттарды ал өзүнүн жеке серверин колдонуу менен жөнөткөнүн РИА Новости билдирет. 

Ачыкка чыгарылган каттар 2009-жылдан 2013-жылга чейинки каттар.

Дипломатиялык мекеме соттун көрсөтмөсү боюнча 2016-жылга чейин экс-мамкатчынын электрондук кат алышууларынын 82 пайызын (43 миң кат) коомчулукка жарыялашы керек болчу. Бирок аны толук аткара алган жок. Мамлекеттик департармент мындай абалдын жаралышын документтердин көптүгүнө жана майрам күндөрүнө шылтоолоду. Клинтондун электрондук кат алышууларынын калган бөлүгү кийинки жума жарыялана турганын аталган мекемеден билдиришет.

Клинтондун миңге жакын катына "сыр кат" деген гриф берилгенин Politico басылмасы белгилейт.

Клинтон мамлекеттик департаментке 55 миңден ашык барактан турган электрондук каттарын тапшырган. Анын 31 миңин ишине байланыштуу эмес, жеке жашоосуна байланыштуу болгондуктан өчүргөн. Анын мындай кадамын республикачылар менен демократтар катуу сынга алып келет.

100
Белгилер:
кат, Хиллари Клинтон, АКШ
Тема боюнча
Аял жетекчи Отунбаева, "өлдү" делген Конгантиев, июнь окуялары же Клинтондун каттары
Кыргызстандык грек-рим күрөшүнүн балбаны Жоламан Шаршенбеков. Архив

Жоламан Шаршенбековдой эч качан багынбаш керек! UWW балбан тууралуу ролик даярдады

82
(жаңыланган 12:21 18.01.2021)
Тасмада балбандын акыркы жылдардагы бир катар ири мелдештердин финалында жеңилүү ызасын тартып, жер муштаган учурлары эскерилген.

БИШКЕК, 18-янв. — Sputnik. Дүйнөлүк күрөш уюму (United World Wrestling) кыргызстандык грек-рим күрөшүнүн балбаны Жоламан Шаршенбековго арнаган ролик жарыялады. "Эч качан багынба" аталышындагы тасманы UWW өзүнүн Instagram баракчасына чыгарды.

Посмотреть эту публикацию в Instagram

Публикация от United World Wrestling Asia (@uww.asia)

Анда балбандын акыркы жылдардагы ири мелдештерде финалга чыгып, алтын байге үчүн жеңилүү ызасын тартып, жер муштаган учурлары эскерилген. Ролик Жоламан Шаршенбековдун 2020-жылы өткөн дүйнө кубогу мелдешинде жеңүүчү болуп, кубанычы койнуна батпай секирип жаткан учуру менен аяктаган.

Эске салсак, 2017-жылы Темпереде өткөн жаштар арасындагы дүйнө чемпионатында кыргыз балбаны финалда түркиялык Керем Камалга жеңилип калган. 2018-жылы Венгриянын Будапешт шаарында өткөн чоңдор арасындагы дүйнө чемпионатында Жоламан 55 килограмм салмакта күрөшүп, финалда азербайжан балбаны Элдениз Азизлиге утулуп, күмүш медаль тагынган. 2019-жылы болсо 23 жашка чейинкилер арасында дүйнө чемпионатынын финалында армениялык Армен Меликянга утулуп, жер муштап калган болчу.

Ал эми 2020-жылы Жоламан Шаршенбеков Дүйнө кубогунда финалга чыгып, россиялык дүйнө чемпиону Степан Марянянды утуп, алтын тагынды.

Эске салсак, UWW уюму Жоламан Шаршенбековдун машыгууларын, анын спортчу катары өзгөчөлүктөрүн белгилеп, өз баракчасына жарыялап келет.

82
Белгилер:
ролик, грек-рим күрөшү, Жоламан Шаршенбеков
Тема боюнча
Жоламандын күрөшүнө олимпиаданын эки жолку чемпиону Роман Власов баа берди
Адамгерчилиги бийик экен! UWW Айсулуунун аракетин жылдын жагымдуу учуру деп атады
Уоронавируска каршы эмдөө. Архивдик сүрөт

Россияда COVID-19га каршы жапырт эмдөө башталды. Каалагандар бекер алышат

40
(жаңыланган 11:10 18.01.2021)
Элди жапырт эмдөөнү 18-январдан тарта баштоо туурасында өткөн жумада президент Владимир Путин айткан эле. Каалагандар катталган эки вакцинанын бирин ала алышат.

БИШКЕК, 18-янв.— Sputnik. Россиянын бардык жеринде бүгүндөн, 18-январдан тарта, коронавируска каршы жапырт эмдөө башталгандыгын РИА Новости жазды.

Россиялыктар каттоодон өткөн "Спутник V" же "ЭпиВакКорона" вакциналарынын бирин өзүнүн тандоосу менен ала алат. Эмдөө бекер.

Былтыр декабрда Россияда жарандардын аныкталган категориясына эмдөө жүргүзүү боюнча масштабдуу кампания башталган. Ириде медицина кызматкерлерине, мугалимдерге, өнөкөт оорусу барларга жана социалдык тейлөө тармагында иштегендерге жасалган.

13-январда Россия президенти Владимир Путин өкмөт мүчөлөрүнүн жыйынында коронавируска каршы эмдөөнү жапырт жасоо боюнча тапшырма берген.

Көп убакыт өтпөй Россиянын Саламаттык сактоо министрлиги аймактарда COVID-19га каршы вакцинаны сайган жайларды көбөйтүү ишин колго алган.

Учурда Россияда "Спутник V", "ЭпиВакКорона" жана "Вектор" вакциналары иштелип чыкты.

40
Белгилер:
Спутник V, вакцина, Россия
Тема:
Дүйнөгө жайылган коронавирус
Тема боюнча
Академик: "Cпутник V" вакцинасын бардык курактагылар алса болот
Ким оорушу мүмкүн? Иммунолог коронавирустун жазындагы жаңы толкунуна баа берди
Кениядан коронавирустун 16 түрү табылды. Эксперттер тынчсызданууда
Табылган курамында алтын бар делген ак түстөгү таштар

Нарында курамында алтын бар деген таштарды ташып бараткандар кармалды. Сүрөт

8
(жаңыланган 12:49 18.01.2021)
Райондо "Мал уурулук" аталышындагы ыкчам иликтөө жана алдын алуу иш-чаралары жүргүзүлгөн. Анын алкагында таштарды мыйзамсыз ташууга шектелгендер кармалды.

БИШКЕК, 18-янв. — Sputnik. Нарын районунда курамында алтын бар делген ак түстөгү таштарды мыйзамсыз негизде алып келе жаткан жарандар кармалды. Бул тууралуу Нарын облустук ички иштер башкармалыгынын маалымат кызматынан билдиришти.

16-январь күнү Нарын райондук ички иштер бөлүмүнүн кызматкерлери "Мал уурулук" аталышындагы ыкчам иликтөө жана алдын алуу иш-чараларын өткөрүшкөн.

Анын алкагында таңкы саат 05:50лөр чамасында Нарын районунун аймагынан УАЗ үлгүсүндөгү автоунаа токтотулуп текшерилген.

"Натыйжада Нарын районунун беш тургуну Солтон-Сары жайлоосунун Көл-Төр аймагынан курамында алтын бар делген ак түстөгү үч капка салынган таштарды алып келе жаткан жеринен кармалган", — дешти милициядан.

Факты Нарын РИИБи тарабынан каттоого алынды. Ак түстөгү таштарга тиешелүү экспертиза дайындалып, териштирүү иштери жүргүзүлүүдө.

8
Белгилер:
шектүү, таш, Нарын
Тема боюнча
Кыргызстандын алтын корунун баасы абсолюттук рекорд койду