Эр-Рияд өлүм жазасына тартылган ан-Нимрге акыйкат чечим чыгарылганын жарыялады

© AFP / AHMAD AL-RUBAYEНимр ан-Нимрдин портрентин кармаган адам.
Нимр ан-Нимрдин портрентин кармаган адам. - Sputnik Кыргызстан
Жазылуу
Диний үгүтчү Нимр ан-Нимрдин шиит диний адам экени өлүм жазасына тартуу чечимине таасирин тийгизген эмес деп билдирди Сауд Аравиясынын БУУдагы ыйгарым укуктуу өкүлү.

БИШКЕК, 5-янв. – Sputnik. Сауд Аравиясынын БУУдагы ыйгарым укуктуу өкүлү бир нече күн мурун өлүм жазасына тартылган 47 адамга акыйкат чечим кабыл алынганын айтты. Бул тууралуу РИА Новости Рейтерге таянуу менен билдирет.

Өкүлдүн айтымында өлүм жазасына тартылгандар интеллектуалдык, расалык айырмачылыктарга бөлүнүп каралган эмес. Бардыгы акыйкаттык негизде өткөн. 

Иран: дипмамилени үзүү Эр-Риядга өлүм жазасын "жашырууга" жардам бербейт
Сауд Аравиясынын өкүлү БУУнун башкы катчысы Пан Ги Мунду күнөөлөөнүн жүрүшү жана кишилерди жазалоо процесстеринин адилеттүүлүгү тынчсыздандыргандыгына "өтө өкүнүү" менен карагандыгын айткан. Бул туурасында Рейтерге агенттиги кабарлады.  

Эске салсак, Сауд Аравиясынын Ички иштер министрлиги 2-январь күнү терроризмге шектелип соттолгон 47 адамды өлүм жазасына тартканын жарыялаган. 

Жазага тартылгандардын арасында 2012-жылдан бери камакта отурган белгилүү шиит диний үгүтчүсү Нимр ан-Нимрдин да бар экени айтылган. Тегеран үгүтчүнүн өлтүрүлүшүн катуу сынга алып, Иранда массалык нааразылык акциялар өткөн. Сауд Аравиянын Тегеран жана Мешхед шаарларындагы дипломатиялык мекемелер алардын чабуулуна кабылган. Мындан улам, Эр-Рияд менен Тегерандын ортосундагы дипломатиялык мамиле үзүлгөн. БУУнун Башкы катчысы Пан Ги-Мун да буга өзүнүн тынчсыздангандыгын билдирген.  

Жаңылыктар түрмөгү
0