Сеул шаарында өзөктүк курал боюнча жаңылык көрсөтүү. Архив

Пхеньян АКШны өзөктүк курал менен коркутууда

141
(жаңыланган 11:57 11.01.2016)
Түндүк Кореянын борбордук гезити "Нодон синмун" АКШ Түштүк Кореяга өзөктүк стратегиялык бомбалоочу учагын жайгаштыруу менен согуштук кырдаалга жол ачыр жатканын белгилейт.

БИШКЕК, 11-янв. — Sputnik. Түндүк Корея АКШнын Түштүк Корея аймагына В-52 бомбалоочу учак жайгаштырганына байланыштуу өзөктүк курал менен коркутууда.

Пхеньян 6-январь күнү АКШнын жок кылуу коркунучунан коргонуу максатында суутек бомбасын сыноодон өткөргөнүн жар салган. Ага жооп кылып, америкалыктар Түштүк Кореяга стратегиялык курал-жарагын жайгаштыра баштаган. Жекшемби күнү АКШнын Тынч океанындагы Гуам аралында жайгашкан аскердик базасынан өзөктүк ок чыгара турган канаттуу ракеталары бар В-52 бомба таштоочу учагы келди. Мындан тышкары, Японияда жайгашкан "Рональд Рейган" атомдук учак ташуучу кемени алып келүү маселеси талкууланып жатат.

"Атомго атом менен. Бул биздин жооп", — ушундай аталыштагы макала менен Түндүк Кореянын "Нодон Синмун" басылмасы АКШнын Пхеньянга карата аракетин сындап чыкты.

"Учурда АКШ Түштүк Кореяга өзөктүк стратегиялык бомбалоочу учактын алып келүү тууралуу сөз козгоп жатат. Муну менен америкалыктар кырдаалды согуш чегине жеткирүүдө", — дейт басылма.

Анын айтымында, Америка абалга реалдуу баа берип, Корея менен болгон буга чейинки карама-каршылыктардан сабак алышы керек. 

"Биз, бактыга жараша, корея-америкалык талаш-тартыштан жеңип чыкканбыз", — деп жазат гезит.

2015-жылдын октябрь айында "Рональд Рейган" учак ташуучу кеме Түштүк Кореяда өткөн аскердик-деңиз окууларга катышкан. Анда 80ге чукул аскердик учак жана 5,4 миң аскер батат.

Америка Кошмо Штаттары менен Корея Элдик Демократиялык Республикасы 1950-1953-жылдары Корей жарым аралында болгон карама-каршылыктан улам согуш абалында болуп келет. Пхеньяндын АКШ менен расмий мамиле түзүү аракетинен ушул мезгилге чейин майнап чыга элек: Вашингтон мындай сунушту талкуулоодон баш тартууда. "Түндүктөн келчү коркунучтан" улам АКШ Түштүк Корея аймагына 28 миң америкалык жоокер жайгаштырган. Пхеньян бул коркунучту ойдон чыгарылган деп баалап, Америка коркутуп-үркүтүүсүн токтотпосо өзөктүк куралын өнүктүрүүнү убадалап келет.

141
Белгилер:
суутек, өзөк, курал-жарак, бомба, Түндүк Корея, АКШ
Тема боюнча
Түштүк Кореянын президенти шектүү жер титирөө боюнча шашылыш жыйын чакырды
Киберкоопсуздук. Архивдик сүрөт

Медведев БУУ аянтчасындагы киберкоопсуздук боюнча келишимге чакырык жасады

5
(жаңыланган 18:28 24.10.2020)
Медведев Россия дүйнө коомчулугун киберкылмыштуулукка каршы биргеликте күрөшүп, маалымат айдыңда коопсуздукту камсыздап алууга бир нече ирет чакырык таштагандыгын айтты.

БИШКЕК, 24-окт. — Sputnik. Эл аралык киберкоопсуздук боюнча архитектура азыркы заманбап чакырыктарга эле жооп берип чектелбестен, технологиялык прогресстин келечегин да эске алышы керек. БУУнун түзүмдөрү бул жааттагы коопсуздукту камсыздоодо эл аралык келишимдердин аянтчасы болуп бере аларын РФтин Коопсуздук кеңешинин жетекчисинин орун басары Дмитрий Медведев БУУнун 75 жылдыгына арналган макаласында жазды.

Россиянын Коопсуздук кеңешинин төрагасынын орун басарынын макаласын толугу менен RT телеканалынан таанышууга болот.

Дүйнө чарчады. Лавров БУУнун Башкы Ассамблеясынын сессиясында сүйлөдү

"Глобалдуу маалымат айдыңында коопсуздукту камсыздоо принципиалдуу мааниге ээ болуп бара жатат. Эл аралык киберкоопсуздук боюнча архитектура азыркы заманбап чакырыктарга эле жооп берип чектелбестен, технологиялык прогресстин келечегин да эске алышы керек", — деп айтылат макалада.

Медведев бул боюнча кылмыштардын арбып бара жаткандыгын да жазган.

"Санариптин өнүгүшү, тилекке каршы, маалыматтык айдыңда кылмыштардын арбышын жаратат (анын пандемия учурунда көбөйүп кеткендигин байкоого болорун белгилей кетели)", — деген ал.

Медведев Россия дүйнө коомчулугун киберкылмыштуулукка каршы биргеликте күрөшүп жана маалыматтык айдыңда коопсуздукту камсыздап алууга бир нече ирет чакырык таштагандыгын айтты.

Ал БУУнун Башкы Ассамблеянын 73-сессиясында көпчүлүк добуш менен россиялык резолюция кабыл алынгандыгын эске салды.

Медведев пандемия маалындагы мамлекеттердин башкы милдети тууралуу айтты

"Аталган резолюциянын зарылдыгы улут аралык мүнөздөгү чакырыктар эл аралык коомчулуктун жапа тырмак катышуусунда гана майнаптуу болот. БУУнун түзүмдөрү бул жааттагы коопсуздукту камсыздоодо эл аралык келишимдердин аянтчасы болуп бериши мүмкүн. Ал эл аралык укуктун ченемдерине, принциптерине таянат, маалымат тармагындагы жалпы кызыкчылыктарга жооп берет", — деп айтылган макалада.

Медведевдин айтымына караганда, мындай нерсе "эл аралык тынчтык менен коопсуздукту колдоону арттырып, аны менен катар эле эл аралык укукта макулдашылбаган технологияларды колдонууга жол бербейт".

5
Белгилер:
резолюция, киберкылмыштуулук, пандемия, Дмитрий Медведев, БУУ, Россия
Тема боюнча
Медведев БУУда "өзөктүк бештиктин" жеке саммитин өткөрүүнү сунуштады
Бишкек шаары. Архивдик сүрөт

Казакбаев бюджетти колдоо боюнча РФ президентинин өкүлү Козак менен сүйлөштү

23
(жаңыланган 17:55 24.10.2020)
Эске салсак, тышкы иштер министри Руслан Казакбаев 22-24-октябрь күндөрү Россия Федерациясына иш сапары менен барган.

БИШКЕК, 24-окт. — Sputnik. Тышкы иштер министри Руслан Казакбаев РИА Новости агенттигине берген маегинде Россиянын президенттик администрациясынын жетекчисинин орун басары Дмитрий Козак менен көп маселелерди талкуулаганын, анын ичинде Кыргызстандын бюджетине колдоо катары финансылык жардам тууралуу дагы сөз болгонун айтты.

"Дмитрий Николаевич Козак жана анын кесиптештери менен жолуктук. Россия тарап Кыргызстанда парламенттик шайлоодон кийин түзүлгөн абалды турукташтырууда маанилүү роль ойноду", — деди Казакбаев.

Садыр Жапаровдун биринчи кайсы өлкөгө иш сапар менен барары айтылды

Ошондой эле жолугушууда Россия тараптан кыргыз экономикасына көрсөтүлчү колдоолор тууралуу сөз болду.

"Биздин өкмөттүн иши, алдыда келе жаткан саясий иш-чаралар тууралуу кеп кылдык. Анан, албетте, азыркыдай катаал убакта Россия тараптан Кыргызстандын бюджетин колдоо иретинде берген жардам тууралуу сүйлөштүк", — деди ТИМ башчысы.

Эске салсак, тышкы иштер министри Руслан Казакбаев 22-24-октябрь күндөрү Россия Федерациясына иш сапары менен барган.

23
Белгилер:
жардам, каражат, экономика, Руслан Казакбаев, Кыргызстан, Россия
Тема боюнча
Лавров Кыргызстанга финансылык колдоо көрсөтүү боюнча суроого жооп берди