БИШКЕК, 17-янв. — Sputnik. Кээде алар ушунча атактуу болуп кетип, түпкү теги кайда экенин башка өлкөлөрдө унутуп коюшат. Sputnik дүйнөнү Кыргызстан жөнүндө кеп кылууга мажбурлаган инсандар жөнүндө айтып берет.
Бизин кенчибиз – жазуучу Чыңгыз Айтматов. Айрым рейтингдерде ал замандын эң көп окуучу автору деп аталып жүрөт. Жазуучунун китептери жүздөгөн тилдерге которулган, ал эми сыйлык-наамдарынын баарын атоого кагаз бети түтчүдөй эмес.
Ош облусунда төрөлгөн адамдын дүйнөгө белгилүү космонавт болгонго канчалык мүмкүндүгү бар дейсиз? Салижан Шариповдун аркасы менен Кыргызстан космос мейкиндигин өздөштүрүүчүлөрдүн катарына кошулду. Ал азыр Кыргызстандын жана Россиянын баатыры.
Ыкчамыраак! Жогору! Күчтүүрөөк! Биздин балбан, оор атлет Каныбек Осмоналиев 1980-жылдагы Москвадагы Олимпиадада алтын байгени утуп, дүйнөнү дүңгүрөткөн. Биздин сыймыгыбыз!
Россияга башка өлкөлөрдөн кайсы азык-түлүк алып кирсе болор-болбосун ким чечет, билесизби? Өзүнүн талапты катуу койгондугу жана өжөрлүгү менен белгилүү, Россиянын башкы санитардык врачы Геннадий Онищенко да биздин жердешибиз. Ал Ош облусунун Чаңгыр-Таш айылында туулган.
Кыргыз жери көрүнүктүү спорт чеберлерин да бапестеп өстүрдү. Кыргыз гандбол мектебинин тарбиялануучусу Талант Дүйшөбаев алардын бири. Анын көп жетишкендиктеринин ичинде Олимпиада оюндарындагы алтын байге да бар. Ал азыр гандбол боюнча Испаниянын "Сьюдад – Реаль" командасын машыктырат.
Москвада жергиликтүү жана башка дагы ырчылар, топтор менен теңтайлаша иштеп келе жаткан "Город 312" рок-тобу менен биздин жердешибиздин Светлана Назаренко. Сахнадагы аты – Ая. Алар көгүлтүр экрандан чыкканда же ырларын Россиянын аймагында жүрүп укканда сыймыктанбай коё албайсың. Топко анын аталышы үчүн өзүнчө рахмат айтабыз: 312 — Бишкектин эл аралык телефондук коду эмеспи.
Белгилүү украин мушкери жана Киевдин мэри Виталий Кличко да биздин жердеш. Виталий Беловодское айылында туулган, азыр болсо саясат менен алектенип, эл алдында чыгып сүйлөгөнү менен анда-санда өзүн эл аралык коомчулуктун эсине салып турат.
Ольга Видишева – өзүнүн ишкердик жөндөмү менен таанылган кыргызстандык. Бул кыз, ал тургай, Forbes версиясы боюнча дүйнөнүн 30 ийгиликтүү жаш ишкерлердин катарына кирген. Ольга АКШнын дүкөндөрүнөн буюм сатып алууга мүмкүндүк берүүчү Shoptiques коммерциялык интернет-долбоорун түзгөн. Ал азыр Америка менен Европанын рынокторуна ийгиликтүү иштеп жатат.
"Универ" сериалынын сценаристи, "Stand Up" шоусунун катышуучусу Юлия Ахмедова Бишкектин четинде жайгашкан Кант шаарынан. Ошондуктан, анын аялдын бактысыз тагдыры жөнүндө монологдорун өзгөчө менен эске салабыз. Москвалык эркектер, биздин Юлянын көңүлүн оорутпагыла!
Тай бокс силерге оюнчук эмес! Муай-тай боюнча дүйнөнү чемпиону Валентина Шевченко биздин мекендешибиз. Бишкектик кыз дүйнө боюнча "Аялдар арасында мыкты тайбоксчу" наамын алган.
