Пентагон Россиянын учагы Түркиянын аба чек арасын бузганын жар салды

© Sputnik / Дмитрий Виноградов / Медиабанкка өтүүРоссиянын аскер-космостук күчтөрүнүн Су-34 учагы. Архив
Россиянын аскер-космостук күчтөрүнүн Су-34 учагы. Архив - Sputnik Кыргызстан
Жазылуу
Буга чейин Түркиянын ТИМи жума күнү россиялык аскер учагы Түркиянын чек арасын кесип өткөнүн маалымдаса, РФ Коргоо министрлиги бул куру сөз экенин айтып чыккан.

БИШКЕК, 31-янв. — Sputnik. Пентагон (АКШнын Коргоо министрлиги) Россиянын аскер-космостук күчтөрүнүн Су-34 учагы Түркиянын чек арасын бузгандыгы тууралуу маалыматты тастыктады. Бул тууралуу Пентагондун өкүлү Марк Райтка таянуу менен РИА Новости жазып чыкты.

Guardian: Түркиянын туризм бизнеси жаңы "соккуларга" даярданууда
Буга чейин Түркиянын ТИМи жума күнү россиялык аскер учагы Түркиянын чек арасын кесип өткөнүн жар салган. Өз кезегинде Россиянын Коргоо министрлигинин генерал-майору Игорь Конашенков Сириядагы россиялык авиа топ эч кандай мыйзам бузбаганын жооп кылган. 

Анын айтымында, Сириядагы россиялык күчтөр да, Сириянын өзүнүн аскердик күчтөрү да Түркия менен болгон чек аранын бузулушун каттаган эмес.

"Биз кечээ дагы бир россиялык аскердик учак Түркия менен НАТОнун аба чек арасын бузгандыгын тастыктай алабыз", — деди Пентагондун өкүлү.

Райт америкалык мекеме Россияны "Түркиянын аба мейкиндигин сыйлоого" жана аймактагы туруксуз мамилеге себепкер болгон аракеттерден баш тартууга чакырарын белгиледи.

Ал орустар да, түрктөр да абалдын чыңалуусунун алдын алуу боюнча сүйлөшүп, биргеликте чара көрүүсү чоң мааниге ээ экенин кошумчалады.

Ноябрь айында Россиянын Су-24 учагын атып түшүргөн Түркия бул кадамын аба айдыңын коргоо аракети менен түшүндүргөн.

Жаңылыктар түрмөгү
0