Меккедеги шайтанга таш ыргытууга бараткан зыяратчылар. Архив

Ажылыктагы тыгылыштан арылуу жолу табылды

275
Зыяратчылардын агымын көзөмөлдөөчү интеллектуалдык системаны Сауд Аравиясынын окумуштуулары ойлоп тапты.

БИШКЕК, 1-мар. – Sputnik. Сауд Аравиясына барган зыяратчылар тыгылышка кабылбашы үчүн интеллектуалдык система ойлонуп табылды. Ал аркылуу ажылыкка баргандардын агымын көзөмөлгө алууга болот. Бул тууралуу Arab News порталы жарыялаганын РИА Новости жазып чыкты. 

"Race системасы ажылыкка келгендердин коопсуздугун сактаганга өбөлгө түзөт. Ал шаарга жайгашкан 50 видео камеранын жардамы менен ишке ашат. Тагыраагы, зыяратчылардын агымы көзөмөлгө алынат", — деп ажылык коопсуздугун камсыздоо дирекциясынын полковниги Бадр бен Сауд билдирген. 

Анын айтуусунда, зыяратчылардын багытын көрсөтүп туруучу система коопсуздук кызматынын кызматкерлерине элдин агымын жөнгө салып турууга жардам берет. Бул зыяратчыларга тыгылыштан жабыркоого жол бербейт. 

Мекке менен Мединага жок дегенде бир жолу барып зыярат кылуу мусулмандардын беш парзынын бири болуп эсептелет. 

Зыярат учурунда тыгылыш жаралып, анда каза тапкандар болгон. Эң чоң тыгылыш 2015-жылдын 24-сентябрында Меккедеги Мина өрөөнүндө болгон. Трагедиялуу окуядан 2 миң 200 адам ажал тапкан.

275
Белгилер:
Мекке, ажылык сапар, тыгын
Тема:
Ажылык — 2016 (52)
Тема боюнча
Кыргызстандык зыяратчылар ажылык сапарда мыкты жүрүм-туруму менен айырмаланган
ВВС: Ирандын диний лидери тыгылышта өлгөн ирандыктар үчүн кечирим суроону талап кылууда

Нидерландда футбол фанаттары турган трибуна оюн учурунда урап түштү. Видео

86
(жаңыланган 12:17 18.10.2021)
Конокко барган команда жеңишти белгилөө үчүн фанаттары турган жакка келишкен. Алар ийгиликке секирип кубанып жаткан учурда трибуна урап түшкөн.

Нидерланддын Неймеген шаарындагы стадиондун трибунасы күйөрмандары менен кошо урап түштү.

Окуя өлкө чемпионатынын тогузунчу турундагы оюндун аягында болгон. "Витесс" клубу жергиликтүү НЕК менен беттешип, 1:0 эсебинде жеңишке жеткен. Беттештен соң жеңишти белгилөө үчүн футболчулар фанаттары турган трибунага келишкен. Күйөрмандар ийгиликке кубанып секирип жаткан учурда конструкция салмакты көтөрө албай урап түшкөн.

Кырсыктан эч ким жапа чеккен эмес. Кыйроого карабай "Витесстин" фанаттары майрамдоосун улантышкан.

Маалым болгондой, "Де Гофферт" стадиону 1939-жылдын 8-июлунда ачылып, 12 500 кишиге ылайыкташкан. Арена 2000-жылдын аягында заманга бап оңдолуп, 25-январда экинчи расмий ачылышы болгон.

86
Белгилер:
Голландия, стадион, трибуна, Кыйроо
Тема боюнча
Ошто көмүр жүктөлгөн унаа өтүп бара жаткан көпүрө урап түштү. Видео
Күйөрмандардын стадиондун үстүнөн кулаган мышыкты сактап калган кызыктуу видеосу
Аял китеп окуу учурунда. Иллюстративдик сүрөт

Дарыгер күздөгү уйку басууну кантип жеңсе болорун айтып берди

88
(жаңыланган 11:01 18.10.2021)
Сомнолог беймаал уйкусуроодон кандай учурда өз алдынча кутулса болорун, кайсы мезгилде дарыгерге кайрылуу зарыл экенин түшүндүрдү.

БИШКЕК, 18-окт. — Sputnik. Күз канчалык жаанчыл болуп, күн бүркөлүп турса адамды ошончолук уйку басат. Мындай абалды жеңүүнүн жолдорун сомнолог Михаил Полуэктов Sputnik радиосунун эфиринде айтып берди.

Дарыгердин пикиринде, түнкү уйкудан калып же ооруп жатпаган учурда уйкуңуз келсе, бир чыны кофе эң сонун жардам берет.

"Кофеин уйкуну ачарын баарыбыз жакшы билебиз. Ал адамдардын гана эмес, чычкандардын, курт-кумурскалардын жана балыктардын уйкусун ача алат. Эгер бир нече күн катары менен күндүз уйку басса, демек, уктоо режимин бир аз өзгөртүү керек. Жок дегенде мурдагыдан 1-2 саат көбүрөөк уктаганга аракет кылыңыз", — деди дарыгер.

Ал эми көп уктап, ойдогудай эс алган учурда дагы уйку канбаса, анда дарыгерге кайрылуу зарыл. Анткени бул күздө курчуй турган психологиялык оорулардын белгиси болушу мүмкүн. Мисалы, депрессияга күзүндө жер жүзүндөгү адамдардын 10 пайыздан ашыгы кабылат. Бул илдет көпчүлүк учурда адамдын алын кетирип, уйкусун келтирет.

88
Белгилер:
күз, уйку, ден соолук, дарыгер
Тема боюнча
Күздө иммунитетке кантип кам көрүү керек. Эндокринологдун кеңеши
Министрлер кабинетинин төрагасы Акылбек Жапаров

Жүк ташуучу автоунаалар көбөйтүлөт. Акылбек Жапаров "Торугартка" барды

42
Жапаров учурда Нарында жумушчу сапары менен жүрөт. "Торугарттан" тышкары, Тайлак баатыр атындагы чек ара аскер бөлүгүнүн заставасынын абалы менен таанышты.

БИШКЕК, 18-окт. — Sputnik. Министрлер кабинетинин төрагасы Акылбек Жапаров Нарын облусуна болгон жумушчу сапарынын алкагында "Торугарт" көзөмөл-өткөрүү жайына  барды. Бул тууралуу өкмөттүн маалымат кызматы кабарлады.

Жапаров "Фантузи" контейнердик кранынын иши менен таанышып чыккан.

"Ал мындан ары жүктөөлөр Арка аймагында  (Арка — Кытай менен Кыргызстандын чек арасынын ортосундагы нейтралдуу аймак) эмес, "Торугарт" көзөмөл-өткөрүү пунктунда ишке ашырыларын жана жүк ташуучу автоунаалардын саны көбөйтүлө турганын белгилеген.  Ошондой эле министрлер кабинетинин башчысы дезинфекциялык барьердин абалы менен таанышып, анын инфраструктурасын жакшыртууну тапшырды", — деп айтылат маалыматта.

Мындан тышкары, Жапаров Тайлак баатыр атындагы чек ара аскер бөлүгүнүн заставасынын абалы менен таанышкан.

42
Белгилер:
Нарын облусу, 'Торугарт' көзөмөл өткөрүү пунку, Акылбек Жапаров, жумушчу, сапар, тапшырма
Тема боюнча
Президенттин администрациясында бөлүмдөрдүн ордуна 4 башкармалык болору айтылды