Пхеньян шаары. Архив

Пхеньян сес көрсөтүп, АКШ менен Түштүк Кореяга каршы өзөктүк сокку урууга даярданууда

241
(жаңыланган 16:03 07.03.2016)
Дүйшөмбү күнү АКШ менен Түштүк Корея Пхеньянга каршы жогорку масштабдагы аскердик машыгууларын өткөрөт.

БИШКЕК, 7-мар. — Sputnik. Түндүк Корея коңшусу Түштүк Корея жана АКШ тарабынан коркунуч жаралса, алдын ала эскертүүчү сокку урууга даяр экенин билдирди. Бул тууралуу РИА Новости Түндүк Кореянын Коргоо комитетине таянуу менен жазып чыкты.

"Алдын ала эскертүүчү сокку Түндүк Кореянын жогорку бийлигинин буйругунун негизинде жасалат", — деп билдирет Коргоо комитети.

АКШ жана Түштүк Корея беригип Key Resolve жана Foal Eagle аталышындагы жогорку масштабдагы аскердик машыгууларын баштоодо.

Бул иш-чараны Пхеньян Түндүк Кореяга каршы жасалып жаткан кадам деп баалай турганын билдирди.

Маалыматта, аталган машыгуулардын жүрүшүндө АКШ Корей жарым аралына бомбалоочу B-2 Northrop B-2 Spirit куралдарын жайгаштыруусу күтүлүп жаткандыгы жазылган.

Бул машыгууларга АКШдан 15 миң, Түштүк Кореядан 300 миң аскер катышат.

Түндүк Кореянын Коргоо комитети аталган аскердик машыгуулар өлкөнүн жогорку бийлигин жок кылууга багытталганын айтып, Вашингтон менен Сеулга каршы планын иштеп чыкты.

"Бизде жогорку тарап бекитип, өзүбүз иштеп чыккан аскердик операциялардын планы бар. Анын негизинде Түштүк Кореяны бошотуу менен АКШга каршы сокку урулат", — деп айтылат маалыматта.

Корей жарым аралындагы абалдын чыңалышына Түндүк Кореянын 6-январдагы өзөктүк куралын төртүнчү ирет сыноосу жана 7-февралда Түндүк Кореянын "Кванмёнсон-4" жасалма спутниктин жардамы менен асманга атылган ракетасы себеп болгон. Буга жооп катары Бириккен Улуттар Уюмунун Коргоо кеңеши аталган өлкөгө карата экономикалык жактан четтетүүгө алып келе турган олуттуу резолюция кабыл алган.

241
Белгилер:
ракета, сокку, өзөктүк курал, курал, Түштүк Корея, Түндүк Корея
Тема боюнча
Түндүк Корея Япон деңизин карай кичи ыраактыктагы ракеталарын учурду
Футболчу Диего Марадона кесипкөй бокстун эки салмак боюнча дүйнө чемпиону Сантос Ласьяр менен 1996-жылы бокс беттеши учрунда. Архив

Соцтармак Марадонанын бокстагы дебютун эскерди. Видео

16
Беттештен бир күн мурда мушкерлер салт катары таразага түшүшүп, Марадона атаандашынан 14 килограммга оор болгон.

БИШКЕК, 27-ноя. – Sputnik. Диего Марадона 1996-жылы бокс спортунда өз күчүн сынап, досу, кесипкөй бокстун эки салмак боюнча дүйнө чемпиону Сантос Ласьяр менен рингге чыккан. Бул тууралуу World Boxing Council (Дүйнөлүк бокс кеңеши) уюму футболчунун бокстагы дебютун эскерип, анын беттешиндеги үзүндүлөрүн Instagram баракчасына жарыялады.

Посмотреть эту публикацию в Instagram

Публикация от World Boxing Council (@wbcboxing)

Марадона ошол кезде өзү ойногон "Бока Хуниорс" футбол командасынын кийимине түспөлдөш көк-сары түстөгү чолок шымчан мушташкан. Атаандашы Ласьяр WBA (Дүйнөлүк бокс ассоциациясы) уюмунун титулу үчүн түштүк африкалык Питер Матебуланы уткандан кийин 15 жылдан соң рингге чыккан.

Маалыматтарга ылайык, беттештен бир күн мурда мушкерлер салт катары таразага түшүп, Марадона (75,3 килограмм) атаандашынан (61,45 килограмм) 14 килограммга оор болгон.

Тамашалуу маанайдагы беттеш үч раундга созулуп, айрым жеринде боксчулар бири-бирине эмес, калыска чабуул жасап, соккулашкан. Беттештин соңунда легендарлуу футболчу топту бут менен ойноонун керемет ыкмаларын жасап, көрүүчүлөрдүн көңүлүн көтөргөн.

Эске салсак, Диего Марадона 25-ноябрда 60 жаш курагында Буэнос-Айрес шаарынан анча алыс эмес жайгашкан Тигре шаарындагы жашап жаткан үйүндө жүрөк кемтиги оорусунан улам көз жумган.

Аргентинанын президенти бул кайгылуу окуяга байланыштуу үч күндүк аза күтүү күнүн жарыялаган.

16
Белгилер:
эскерүү, бокс, Диего Марадона
Тема боюнча
Легендарлуу футболчу Диего Марадона көз жумду
Көчөдө бараткан адамдар. Архив

COVID-19га кабылган эркекте кийин төшөк маселесинде көйгөй жаралышы мүмкүн

57
Адистин айтымында, коронавирус аялдарга караганда эркектерге көбүрөөк кыйынчылыктарды жаратат.

БИШКЕК, 27-ноя. — Sputnik. Эркектин тукум улоо органдарындагы ACE2 деп аталган рецепторлор организмге коронавирустун кирип кетишине көбүрөөк себепкер болот. Мындан улам COVID-19дан сакайгандан кийин эркектердин жыныстык жашоосунда көйгөйлөр жаралышы мүмкүн экенин Sputnik радиосунун эфиринде эндокринолог Зухра Павлова билдирди.

"Коронавирус аялдарга караганда эркектерге көбүрөөк кыйынчылыктарды жаратары байкалууда. Бир нече иликтөөлөрдүн жыйынтыгын карап көрсөк, коронавирустан айыккан соң эркектерде тестостерон гормонунун бөлүнүшүндө көйгөйлөр жаралат экен. Мындан улам алардын тукум улоо функцияларында түйшүк жаралышы ыктымал", — деди дарыгер.

Тестостерон гормонунун эркектин жашоосунда мааниси чоң. Бул гормон жетиштүү кезде эркектин энергиясы ашып-ташып, кандай иш баштабасын майын чыгара жасайт. Тестостерондун жардамы менен эркекке сакал-мурут өсөт, булчуң эт толот, кандын курамы жакшырат. Эң негизгиси — эркектин бел суусунун иштелип чыгышына, тагыраагы, тукум улоосуна шарт түзүлөт.

Ошондой эле тестостерон акыркы изилдөөлөр боюнча вирустук инфекцияларга туруштук берүүдө маанилүү роль ойнойт. Анын деңгээлинин төмөн болушу респиратордук инфекция, сасык тумоо, сезгенүү, жүрөк-кан тамыр ооруларынан жана кан басымдын көтөрүлүшүнөн улам өлүм коркунучу жогорулашы мүмкүн экени айтылып келет.

57
Белгилер:
кесепет, коронавирус, эркек, тестостерон
Тема:
Дүйнөгө жайылган коронавирус
Тема боюнча
Коронавирус эркектин сексуалдык каалоосун жок кылат. Жаңы изилдөө
Адис: коронавирус сасык тумоо менен грипптин катарына кошулуп келе жатат