Япониянын түштүк-батышындагы зилзаланын кесепетин жоюу боюнча иш-чаралар. Архив

Япониядагы зилзала кесепетинен жарадар болгондордун саны 1200гө чукулдады

113
(жаңыланган 09:50 18.04.2016)
Япониянын метеорологиялык кызматынын маалыматына караганда, Кумамото префектурасында жер силкинүү алигиче токтобой, акыркысы 3-4 магнитуда болду.

БИШКЕК, 18-апр. — Sputnik. Япониянын түштүк-батышындагы зилзаладан жабыр тарткандардын саны 1094 адамга жетти. Бул туурасында РИА Новости Киодо агенттигине шилтеме берүү менен маалымдады. 

Кумамото префектурасында эле жердин силкинүүсүнөн 1037 адам жарадар болду.

14-апрель күнү Япониянын түштүк-батыш жагында жайгашкан Кюсю аралында жети баллдык жер титирөө катталып, анын кесепетинен 40ка чукул киши мерт кетип, 400дөй адам ооруканага жаткырылган.

Жер титирөөнүн очогу Кумамото шаарында жайгашкан. Зилзаланын кесепетинен ондогон имарат кыйрап, урандылардын астында бир топ адамдар калган. Шаарда 400гө чукул үйлөр толугу менен кыйраган. Аймакта жүргөн жер көчкүлөр автомобиль жана темир жолдорду басып калган.

Япониянын метеорологиялык кызматынын маалыматына караганда, Кумамото префектурасында жер силкинүү алигиче токтобой, акыркысы 3-4 магнитуда болду.

Бир катар аймактарда өрт токтобогондуктан газ жабдуулары жана электр жарыгы өчүрүлгөн.

Эпицентри Кумамото шаарына жакын жайгашкан бул жер титирөө 2011-жылы Япониядагы болгон цунами трагедиясынан кийинки ири кырсык болуп калды. Ал учурда 15 метрлик толкун күү менен келип Фукусима АЭСин талкалап, дүйнө боюнча Чернобылдан кийинки радиациялык кооптуулукту жараткан абал түзүлгөн. Андан каза таап жана өлүү-тирүүсү белгисиз болгон адамдарды саны 20 миңге жеткен.

113
Белгилер:
зилзала, Кумамото шаары, Кюсю аралы, Фукусимо, Япония
Тема:
Япониядагы жер титирөөлөр (13)
Тема боюнча
Атамбаев зилзаладан жабыркаган япон элине көңүл айтты
Эквадордогу жер титирөөдөн 260тан ашык киши каза болду
Run the Silk Road марафондун катышчуулары. Архив

Ысык-Көл марафону Олимпиадага лицензия берүүчү мелдештердин тизмесине кирди

29
(жаңыланган 20:05 22.01.2021)
Эми Кыргызстанда өтүүчү эл аралык марафондон Олимпиада оюндарына, Дүйнө чемпионатына жана Азия оюндарына лицензиялар бериле баштайт.

БИШКЕК, 22-янв. — Sputnik. Run the Silk road Ысык-Көл эл аралык ШКУ марафону World Athletics (Жеңил атлетика федерациясынын эл аралык ассоциациясы) уюмунун календарлык мелдештерине киргизилди. Бул тууралуу Жаштар иши, дене тарбия жана спорт агенттигинин маалымат кызматы билдирди.

Эми спортчулар аталган марафондон тийиштүү нормативди аткарып Олимпиада оюндарына, Дүйнө чемпионатына жана Азия оюндарына лицензияларды ала алышат.

"Мындай жетишкендик өлкөнүн Жеңил атлетика федерациясы Эл аралык марафон дирекциясы менен биргеликте жасаган жигердүү аракеттеринин натыйжасында ишке ашкан. Эл аралык марафон трассасы сертификациядан өттү. Эми мелдештер Дүйнөлүк жеңил атлетика уюмунун эрежелерине ылайык өткөрүлөт", — деп айтылат маалыматта.

Run the Silk road IX Ысык-Көл эл аралык ШКУ марафону 2021-жылдын 15-майында Ысык-Көлдүн Чолпон-Ата шаарында өтөт.

29
Белгилер:
календарь, Ысык-Көл, Run The Silk Road эл аралык марафон
Тема боюнча
Кыргызстандан үч калыс ФИФАнын абройлуу тизмесине алынды
ЕАЭБге мүчө-мамлекеттердин өкмөт башчылары жыйыны. Архив

Февралда ЕАЭБге мүчө-мамлекеттердин өкмөт башчылары Алматыда чогулат

42
(жаңыланган 16:57 22.01.2021)
ЕАЭБ өлкөлөрүнүн өкмөт башчыларын чогулткан иш-чаралар коңшу Казакстандын Алматы шаарында боло турганы айтылды.

БИШКЕК, 22-янв. — Sputnik. Үстүбүздөгү жылдын 5-февралында ЕАЭБге мүчө-мамлекеттердин өкмөттөр аралык жыйыны жана Almaty Digital Forum-2021 форуму өтөт. Бул туурасында Евразия экономикалык комиссиясынын маалымат кызматы билдирди.

Аталган иш-чаралар Казакстандын Алматы шаарында боло турганы айтылды.

Санариптик форумдун пленардык жыйынына ЕАЭБ өлкөлөрүнүн өкмөт башчылары, ЕАЭБге байкоочу мамлекеттер жана Евразия экономикалык комиссиясынын төрагасы Михаил Мясникович катышат.

42
Белгилер:
жыйын, жолугушуу, өкмөт, Евразиялык экономикалык биримдик, Алматы
Тема боюнча
ЕАЭБ: союздаштар саясатты шайкеш келтирүүгө мезгил жетти
Артем Новиков ЕЭК кеңешинин соңку жыйынына катышты. Талкууланган маселелер
Муниципалдык кызматкер карды тазалап жатат. Архив

Ишембиге карата аба ырайы

0
23-январга караган түнү көпчүлүк аймактарда мезгил-мезгили менен кар жаайт. Жаан-чачынга байланыштуу өлкөнүн тоолуу райондорунда кар көчкү түшүүсү ыктымал. Бул тууралуу Кыргызгидромет билдирди.

БИШКЕК, 22-янв. — Sputnik. Ишембиде күндүз республика боюнча жаан-чачын күтүлөт. Жолдорго муз тоңуп, тайгак болот. Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй облусунда -4…-9, Таласта -3…-8, Ош, Жалал-Абад, Баткен аймактарында 0…-5, Ысык-Көл жергесинде -2…-7, Нарын өрөөнүндө -8…-13 градус болору айтылды.

Термометрдин көрсөткүчү Бишкекте -5…-7, Ош шаарында -2…-4 градус болот.

0
Белгилер:
Кыргызстан, январь, аба ырайы
Тема боюнча
Абайлагыла, сак болгула! Айдоочуларга эскертүү берилди