Тоолуу Карабах аймагындагы аскерлер. Архив

Карабах боюнча сүйлөшүүлөр жакында башталышы мүмкүн

69
(жаңыланган 11:37 18.04.2016)
Карабахтагы чыр-чатакты сүйлөшүп чечүү боюнча Россия президенти демилге көтөрдү. Тирешүү башталгандан эки күндөн кийин, Кыргызстан да Тоолуу Карабахтагы маселени чечүүгө жардам көрсөтүүгө даяр экендигин билдирген.

БИШКЕК, 18-апр. — Sputnik. Карабах чыр-чатагын жөнгө салуу боюнча тездетилген сүйлөшүүлөр жакынкы күндөрү башталышы мүмкүн. Бул туурасында Азербайжан президентинин жардамчысы Али Гасанов билдирди. 

Анын айтымында, Россия президенти Владимир Путин сүйлөшүүлөр процессинин демилгечиси болду.

"Демилге Россия президенти Владимир Путинден келип түштү. Ал эки өлкөнүн мамлекет башчыларына кайрылган, албетте, мындан кийин сүйлөшүүлөр процессине даярдык жүрүп жатат. Балким, жакыны күндөрү тездетилген сүйлөшүүлөрдүн этабы башталат",— деп Гасановдун айтканын "Хазар" телеканалы билдирди.

Кыргызстан Тоолуу Карабахтагы маселени чечүүгө жардам көрсөтүүгө даяр экендигин 5-апрелде билдирип, эки тарапты кепке келип, жагдайды тынчтык жана дипломатия жолу менен чечүүгө чакырган.

"Кыргызстан чатакты чечүүнүн жолдору катары конструктивдүү сунуштарды издеп жана буга саясий жактан таасирин тийгизүүгө даяр. Бул жаатта Кыргызстандын 1994-жылдын 5-майында кол коюлган Бишкек протоколуна негизделген тарыхый тажрыйбасы бар ", — деп айтылган мындан эки аптадай мурда Кыргыз ТИМи тараткан маалыматта.

Карабах чатагы 2016-жылдын 2-апрелде кайрадан башталып, бирок, 5-апрелде гана атышууну убактылуу токтотуу боюнча мунасага келишкен. Азербайжандын Коргоо министрлиги да, Армения да бири-бирин ок атууну убактылуу токтотуу боюнча келишимди бузду деп келет. БУУнун маалыматы боюнча чыр-чатактын айынан 33 адам каза болуп, дагы 200ү жаракат алган.

Азербайжан менен Армения Тоолуу Карабахтын айынан 1988-жылдын февралынан бери чатакташып келет. Анда армян эли басымдуулук кылган Карабах автономиялуу облусу Азербайжандын курамынан чыкканын билдирген. 1991-жылдын сентябрь айында борбор калаа болгон Степанакертте Тоолуу Карабах Республикасынын түзүлгөндүгү жарыяланган. Азербайжан андагы аскерий чыр-чатактан кийин Карабахка көзөмөл кыла албай калган.

69
Белгилер:
мунаса, Чыр-чатак, Владимир Путин, Кыргызстан, Армения, Азербайжан, Тоолуу Карабах
Тема:
Карабах аймагындагы чыр-чатактуу абал (17)
Тема боюнча
Кыргызстан Карабахтагы абалды чечүүгө жардам көрсөтүүгө даяр
Карабах чыры: курман болгондордун сөөгүн жыйнап кетүүгө үч саат берилди
РС-24 Ярс комплекси. Архив

"Жок дегенде аракет кылып көрүш керек". СНВ-3 макулдашуусун узартуу боюнча пикир

125
(жаңыланган 17:24 20.10.2020)
СНВ-3 — Россия менен АКШнын ортосундагы куралданууну чектеп турган жалгыз келишим. Анын мөөнөтү 2021-жылдын 5-февралында соңуна чыгат.

БИШКЕК, 20-окт. — Sputnik. Кремль Вашингтон менен стратегиялык туруктуулук боюнча сүйлөшүүлөр уланып жатканын белгилеп, СНВ-3 (стратегиялык чабуул куралы) боюнча АКШнын билдирүүсүнө комментарий берди. Sputnik радиосуна маек курган америкачы Константин Блохин сүйлөшүүлөр үчүн кайсы тарап ыңгайлуу экенине токтолгон.

Москва АКШ Владимир Путиндин СНВ-3 макулдашуусун дагы бир жылга узартуу сунушун четке какканына карабай Вашингтон менен стратегиялык туруктуулук боюнча байланыштар уланат деп ишеним артып жатканын президенттин маалымат катчысы Дмитрий Песков билдирди.

Трамп менен Путинден "октябрдык күтүүсүз белек"

"Биз америкалык тарап менен кандай болгон күндө да сүйлөшүүлөр уланат деп ишенебиз. Албетте, президент айткандай, макулдашуунун мөөнөтүн узартуу куралга көзөмөл кылуу боюнча олуттуу сүйлөшүүлөргө убакыт бермек", — деди Песков.

Ал ошондой эле мындй аракеттер оңунан чыкпаса жалпы дүйнөлүк коопсуздук үчүн кесепети оор болорун кошумчалады.

"Андыктан биз америкалык өнөктөштөрдүн документтин мөөнөтүн узартууга даяр экенин уккубуз келет", — деди Песков.

Анын айтымында, азырынча жылыш байкалбайт. Бирок бул байланышты таптакыр токтотуп коюу керек дегенди түшүндүрбөйт.

Sputnik радиосунун эфиринде Россиянын илимдер академиясынын Коопсуздук көйгөйлөрүн иликтөө борборунун илимий кызматкери, америкачы, саясат таануучу Константин Блохин сүйлөшүүнүн тагдыры АКШда болчу президенттик шайлоодон ким жеңип чыгарынан көз каранды экенин белгиледи.

"Ачык каалганы каккылоо". Москва АКШны жаза таюудан сак болууга чакырды

"Республикаылк партиянын өкүлү Дональд Трамп биринчиден Кытайды жек көрөт, СНВ-3тү дагы Пекин менен байланыштырып келет. Экинчиден, Республикалык партия куралданууга көзөмөлдү жокко чыгарууга аракет жасайт. Кичүү Жорж Буштун убагында америкалыктар ПРО боюнча макулдашуудан чыгып кеткен, Трамп өзү орто жана кыска ыраактыктагы ракеталар боюнча, мындан тышкары, Ачык асман боюнча макулдашуулардан чыкканын унутпайлы. Эгер шайлоодо Трамп жеңсе, СНВ-3 макулдашуусунан да чыгуу ыктымалдуулугу жогорулайт", — деди Блохин.

Эгер шайлоодо демократ Жо Байден утуп кетсе, документтин мөөнөтү узарышы мүмкүн.

"Салтка айланып калгандай, Демократиялык партия стратегиялык туруктуулук боюнча орустар менен макулдашып алууга ыктайт. Барак Обаманын администрациясы Дмитрий Медведев менен азыркы макулдашуунун мөөнөтүн узарткан. Бирок ким жеңерине карабастан бир нече ай ичинде жаңы келишим түзүү мүмкүн эмес. Андыктан бир жылда жаңы макулдашууга жетишүү үчүн учурда колдо бар документти узартууга аракет кылыш керек", — деди Блохин.

СНВ-3 — Россия менен АКШнын ортосундагы куралданууну чектеп турган жалгыз келишим. Анын мөөнөтү 2021-жылдын 5-февралында соңуна чыгат, эгер узартылбаса, ири өзөктүк державаларды тизгиндеп турган нерсе калбай калат.

125
Белгилер:
келишим, курал, коопсуздук, макулдашуу, АКШ, Россия
Хакердик чабуул жасап жаткан адам. Иллюстративдүү сүрөт

РФ элчилиги АКШдагы россиялыктардын айыпталышы боюнча үн катты

62
(жаңыланган 16:45 20.10.2020)
Буга чейин АКШнын Юстиция министрлиги менен Федералдык иликтөө бюросу башка өлкөлөрдүн инфраструктурасын талкалоого багытталган делген зыяндуу программаны таратуу боюнча алты россиялыкка айып таккан.

БИШКЕК, 20-окт. — Sputnik. Россиянын Вашингтондогу элчилиги АКШнын орус жарандарына карата хакердик жана дүйнөдөгү абалды туруксуздаштыруу боюнча айыптоолорун четке какты. Бул тууралуу дипломатиялык өкүлчүлүккө шилтеме берип РИА Новости жазды.

Буга чейин АКШнын Юстиция министрлиги менен Федералдык иликтөө бюросу башка өлкөлөрдүн инфраструктурасын талкалоого багытталган делген зыяндуу программаны таратуу боюнча алты россиялыкка айып таккан.

"Кан төгүп жатышат". Карабахта россиялык тынчтык орнотуучуларды ким күтөт?

Алар 2017-жылы тараган NotPetya вирусу, ошондой эле Түштүк Кореядагы Олимпиада учурундагы кибер чабуулга айыпталып жатат. Мындан тышкары, алар Башкы чалгындоо башкармалыгынын кызматкерлери деп шектелүүдө. Ошол эле учурда Улуу Британия Россиянын чалгынчылары тараптан Токиодогу Олимпиадага (ал жылдырылганга чейин — ред.) кибер чабуул даярдалганын айтып чыкты.

"Бул айтылып жаткандын бардыгы эч бир жагынан чындыкка туура келбеси айдан ачык болуп турат. Бир гана Россияга каршы иштеген Америка коомуна жем таштоонун амалы. Мындай нерсе бир нече жылдан бери Вашингтондун саясий жашоосунун өзгөчөлүгү болуп калды. АКШ бийлиги Россия-Америка мамилесин ого бетер талкалап, өз элине Россия тууралуу туура эмес түшүнүктү таңуулап жатышат", — деп айтышты элчиликтен.

"Новичок" баяны: Навальный эмнеге немецтер менен оюн курууда?

Маектештин агенттикке билдиргенине караганда, Россия эч качан бүткүл дүйнөгө бүлүк салчу операцияларды пландаган эмес жана пландабайт дагы.

"Бул биздин тышкы саясатыбызга, улуттук кызыкчылыктарыбызга туура келбейт. Мамлекеттер арасындагы мамилелер мындай негизде түзүлбөшү керек. Россия башка мамлекеттердин эгемендүүлүгүн сыйлайт жана ички иштерине кийлигишпейт", — деди маектеш.

Маалыматка караганда, АКШ менен Улуу Британиянын россиялык хакерлерди Токио Олимпиадасы учурундагы чабуулдарга айыптап жатканы негизсиз жана ички аудиторияга гана багытталган.

62
Белгилер:
Чабуул, хакерлер, АКШ, Россия
Тема боюнча
Европа Россияга каршы жаңы санкциялардын азабын тартабы?
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

110
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

110
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы