Япониядагы жер титирөөдөн кыйраган үйлөр. Архив

Жер титирөөдөн жабыркаган Япония эми мародерлордон жапа чегүүдө

195
(жаңыланган 12:38 20.04.2016)
Кырсыктан улам башка жакка кетүүгө аргасыз болгон жашоочулардын үйүнөн каракчылар баалуу буюмдарды, акча каражаттарын алып кетишкен.

БИШКЕК, 20-апр. — Sputnik. Беш күн мурун ири жер титирөө болгон Япониянын Кумамото префектурасында мародерлор үйлөрдү карактаган 14 факты катталганын NHK телеканалына таянуу менен РИА Новости жазып чыкты.

Бүгүнкү күнгө карата алынган акыркы маалыматтар боюнча жер титирөөдөн каза болгондордун саны 47 кишиге жетти. Мындан тышкары, жалпы жонунан 671 силкинүү болуп, анын 89нун күчү 4 баллдан ашып катуу жер титирөө катары катталган. Натыйжада Кумамото жана Оита префектураларында 9 миңге жакын турак жай талкаланган. Ал эми эвакуациялык пункттарда 120 миңге чукул адам баш калкалап турат.

Маалыматка ылайык, каракчылар кыйроодон улам бош калган үйлөрдөн баалуу буюмдарды, акча каражаттарын алып кетишкен. Буга окшогон 14 факты катталгандан кийин жергиликтүү полиция аймакты күн-түн көзөмөлгө алды. 

Мародерлук буга чейин Япония өлкөсү үчүн таптакыр жат көрүнүш эле. Мындан беш жыл мурун Японияда катуу жер титиреп, андан кийинки цунамиден соң бир да үй, дүкөн каракталбай, керек болсо деңиз жээгинен табылган акча жана баалуу буюмдар полиция кызматкерлерине өткөрүлүп берилген. Жалпы жонунан күч кызматкерлерине 34 миллион доллар тапшырылган.

195
Белгилер:
уурулук, жер титирөө, Япония
Тема:
Япониядагы жер титирөөлөр (13)
Тема боюнча
ТИМ: Кумамотодон төрт кыргыз жараны эвакуцияланды
Японияда беш күндө 600 ирет жер титиреди
Run the Silk Road марафондун катышчуулары. Архив

Ысык-Көл марафону Олимпиадага лицензия берүүчү мелдештердин тизмесине кирди

34
(жаңыланган 20:05 22.01.2021)
Эми Кыргызстанда өтүүчү эл аралык марафондон Олимпиада оюндарына, Дүйнө чемпионатына жана Азия оюндарына лицензиялар бериле баштайт.

БИШКЕК, 22-янв. — Sputnik. Run the Silk road Ысык-Көл эл аралык ШКУ марафону World Athletics (Жеңил атлетика федерациясынын эл аралык ассоциациясы) уюмунун календарлык мелдештерине киргизилди. Бул тууралуу Жаштар иши, дене тарбия жана спорт агенттигинин маалымат кызматы билдирди.

Эми спортчулар аталган марафондон тийиштүү нормативди аткарып Олимпиада оюндарына, Дүйнө чемпионатына жана Азия оюндарына лицензияларды ала алышат.

"Мындай жетишкендик өлкөнүн Жеңил атлетика федерациясы Эл аралык марафон дирекциясы менен биргеликте жасаган жигердүү аракеттеринин натыйжасында ишке ашкан. Эл аралык марафон трассасы сертификациядан өттү. Эми мелдештер Дүйнөлүк жеңил атлетика уюмунун эрежелерине ылайык өткөрүлөт", — деп айтылат маалыматта.

Run the Silk road IX Ысык-Көл эл аралык ШКУ марафону 2021-жылдын 15-майында Ысык-Көлдүн Чолпон-Ата шаарында өтөт.

34
Белгилер:
календарь, Ысык-Көл, Run The Silk Road эл аралык марафон
Тема боюнча
Кыргызстандан үч калыс ФИФАнын абройлуу тизмесине алынды
ЕАЭБге мүчө-мамлекеттердин өкмөт башчылары жыйыны. Архив

Февралда ЕАЭБге мүчө-мамлекеттердин өкмөт башчылары Алматыда чогулат

43
(жаңыланган 16:57 22.01.2021)
ЕАЭБ өлкөлөрүнүн өкмөт башчыларын чогулткан иш-чаралар коңшу Казакстандын Алматы шаарында боло турганы айтылды.

БИШКЕК, 22-янв. — Sputnik. Үстүбүздөгү жылдын 5-февралында ЕАЭБге мүчө-мамлекеттердин өкмөттөр аралык жыйыны жана Almaty Digital Forum-2021 форуму өтөт. Бул туурасында Евразия экономикалык комиссиясынын маалымат кызматы билдирди.

Аталган иш-чаралар Казакстандын Алматы шаарында боло турганы айтылды.

Санариптик форумдун пленардык жыйынына ЕАЭБ өлкөлөрүнүн өкмөт башчылары, ЕАЭБге байкоочу мамлекеттер жана Евразия экономикалык комиссиясынын төрагасы Михаил Мясникович катышат.

43
Белгилер:
жыйын, жолугушуу, өкмөт, Евразиялык экономикалык биримдик, Алматы
Тема боюнча
ЕАЭБ: союздаштар саясатты шайкеш келтирүүгө мезгил жетти
Артем Новиков ЕЭК кеңешинин соңку жыйынына катышты. Талкууланган маселелер
Муниципалдык кызматкер карды тазалап жатат. Архив

Ишембиге карата аба ырайы

0
23-январга караган түнү көпчүлүк аймактарда мезгил-мезгили менен кар жаайт. Жаан-чачынга байланыштуу өлкөнүн тоолуу райондорунда кар көчкү түшүүсү ыктымал. Бул тууралуу Кыргызгидромет билдирди.

БИШКЕК, 22-янв. — Sputnik. Ишембиде күндүз республика боюнча жаан-чачын күтүлөт. Жолдорго муз тоңуп, тайгак болот. Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй облусунда -4…-9, Таласта -3…-8, Ош, Жалал-Абад, Баткен аймактарында 0…-5, Ысык-Көл жергесинде -2…-7, Нарын өрөөнүндө -8…-13 градус болору айтылды.

Термометрдин көрсөткүчү Бишкекте -5…-7, Ош шаарында -2…-4 градус болот.

0
Белгилер:
Кыргызстан, январь, аба ырайы
Тема боюнча
Абайлагыла, сак болгула! Айдоочуларга эскертүү берилди