Нөшөрдөн улам 170 миң япондук жер которууга аргасыз болуп турат

© REUTERS / KYODOЯпониянын Кумамото аралынын жер титирөөнүн кесепети. Архив
Япониянын Кумамото аралынын жер титирөөнүн кесепети. Архив - Sputnik Кыргызстан
Жазылуу
Кюсю аралындагы Кумамото шаарында өткөн аптада жер катуу силкинип, адам өмүрүнө зыян келген.

БИШКЕК, 21-апр. — Sputnik. Нөшөрлөп төккөн жамгырдан улам, бийлик Кумамото аралынын 170 миң жашоочусу эвакуацияланышы керектигин айтты. Бул туурасында РИА Новости NHK телеканалынын маалыматына таянып билдирди. 

Аталган телеканал кошуна жайгашкан Оита префектурасындагы 1700 адамга да бул боюнча сунушталгандыгын маалымдады. 

Учурда аймакта нөшөрлөгөн жамгыр менен шамал токтобой жатат. Бир катар жерлерде шамалдын ылдамдыгы секундасына 22 метрге жеткени катталууда.

Жер титирөөдөн жабыркаган Япония эми мародерлордон жапа чегүүдө
Синоптиктер Кумамотого бир суткада 150 миллиметр жамгыр жаап, жер көчкүлөрдү жана кыян жүрүү кооптуулугун жаратарын айтышты.

Жети күн мурун Кюсю аралынын борбордук бөлүгүндө катуу жер титиреп, магнитудасы 7,3кө жеткен. Кырсыктын айынан үйлөр урап, унаа жана темир жолдор бузулган. Андан бери жер астындагы силкинүүлөр токтобой келет. 

Акыркы маалыматтар боюнча жер титирөөдөн 44 жаран каза таап, миңден ашык адам жаракат алды. Ал эми 94 тургун үйлөрүн таштап кетүүгө аргасыз болду.

Япониянын Кюсю аралында 14-19-апрель аралыгында 600дөн ашык жер титирөө катталды.

Эпицентри Кумамото шаарына жакын жайгашкан бул жер титирөө 2011-жылы Япониядагы болгон цунами трагедиясынан кийинки ири кырсык болуп калды. Ал учурда 15 метрлик толкун күү менен келип Фукусима АЭСин талкалап, дүйнө боюнча Чернобылдан кийинки радиациялык кооптуулукту жараткан абал түзүлгөн. Андан каза таап жана өлүү-тирүүсү белгисиз болгон адамдарды саны 20 миңге жеткен.

Жаңылыктар түрмөгү
0