Разрушенная стена замка от землетрясений в Японии. Архивное фото

Япониядагы жер титирөөдөн 361 тарыхый-маданий жай жабыркаган

84
(жаңыланган 11:31 10.05.2016)
Япония өкмөтү калыбына келтирүү иштерин жүргүзүүгө 4,5 миллиард доллар каражат бөлө тургандыгын билдирди.

БИШКЕК, 10-май — Sputnik. Япониянын Кюсю аралында болгон жер титирөөдөн 350 тарыхый-маданий жай жабыркаган. Бул туурасында РИА Новости Киодо агенттигине таянып кабарлады.

Анын айтымында, зыян келген эстеликтердин арасында XVII кылымдын башында курулган сепил бар. Анын жабылган төбөсү менен бооруна коюлган таштары түшүп калган. Мындан сырткары Оита, Фукуока, Сага, Нагасаки жана Миядзаки аймактарында да тарыхый эстеликтер жабыркаган. Агенттик зилзала кесепетин тийгизген мындай объектилердин саны 361 болгондугун жазган.

Япония өкмөтү калыбына келтирүү иштерин жүргүзүү үчүн ага кете турган чыгымдын 85 пайызын, тагыраагы 4,5 миллиард доллар каражат бөлө тургандыгын билдирди.

14-апрелде Кюсю аралынын борбордук бөлүгүндө катуу жер титиреп, магнитудасы 7,3кө жеткен. Кырсыктын айынан үйлөр урап, унаа жана темир жолдор бузулган. Андан бери жер астындагы силкинүүлөр токтобой келет. Акыркы маалыматтар боюнча жер титирөөдөн 48 жаран каза таап, миңден ашык адам жаракат алды. Ал эми 94 адам үйлөрүн таштап кетүүгө аргасыз болгон.

84
Белгилер:
жабыркоочулар, зыян, жер титирөө, Япония
Тема:
Япониядагы жер титирөөлөр (13)
Тема боюнча
Японияга жер титирөөдөн кийин калыбына келтирүү үчүн 2,5 млрд. доллар керек
Япониядагы жер титирөөгө кабылган мекендешибиз профессор Жазгүлдүн каты
Run the Silk Road марафондун катышчуулары. Архив

Ысык-Көл марафону Олимпиадага лицензия берүүчү мелдештердин тизмесине кирди

35
(жаңыланган 20:05 22.01.2021)
Эми Кыргызстанда өтүүчү эл аралык марафондон Олимпиада оюндарына, Дүйнө чемпионатына жана Азия оюндарына лицензиялар бериле баштайт.

БИШКЕК, 22-янв. — Sputnik. Run the Silk road Ысык-Көл эл аралык ШКУ марафону World Athletics (Жеңил атлетика федерациясынын эл аралык ассоциациясы) уюмунун календарлык мелдештерине киргизилди. Бул тууралуу Жаштар иши, дене тарбия жана спорт агенттигинин маалымат кызматы билдирди.

Эми спортчулар аталган марафондон тийиштүү нормативди аткарып Олимпиада оюндарына, Дүйнө чемпионатына жана Азия оюндарына лицензияларды ала алышат.

"Мындай жетишкендик өлкөнүн Жеңил атлетика федерациясы Эл аралык марафон дирекциясы менен биргеликте жасаган жигердүү аракеттеринин натыйжасында ишке ашкан. Эл аралык марафон трассасы сертификациядан өттү. Эми мелдештер Дүйнөлүк жеңил атлетика уюмунун эрежелерине ылайык өткөрүлөт", — деп айтылат маалыматта.

Run the Silk road IX Ысык-Көл эл аралык ШКУ марафону 2021-жылдын 15-майында Ысык-Көлдүн Чолпон-Ата шаарында өтөт.

35
Белгилер:
календарь, Ысык-Көл, Run The Silk Road эл аралык марафон
Тема боюнча
Кыргызстандан үч калыс ФИФАнын абройлуу тизмесине алынды
ЕАЭБге мүчө-мамлекеттердин өкмөт башчылары жыйыны. Архив

Февралда ЕАЭБге мүчө-мамлекеттердин өкмөт башчылары Алматыда чогулат

44
(жаңыланган 16:57 22.01.2021)
ЕАЭБ өлкөлөрүнүн өкмөт башчыларын чогулткан иш-чаралар коңшу Казакстандын Алматы шаарында боло турганы айтылды.

БИШКЕК, 22-янв. — Sputnik. Үстүбүздөгү жылдын 5-февралында ЕАЭБге мүчө-мамлекеттердин өкмөттөр аралык жыйыны жана Almaty Digital Forum-2021 форуму өтөт. Бул туурасында Евразия экономикалык комиссиясынын маалымат кызматы билдирди.

Аталган иш-чаралар Казакстандын Алматы шаарында боло турганы айтылды.

Санариптик форумдун пленардык жыйынына ЕАЭБ өлкөлөрүнүн өкмөт башчылары, ЕАЭБге байкоочу мамлекеттер жана Евразия экономикалык комиссиясынын төрагасы Михаил Мясникович катышат.

44
Белгилер:
жыйын, жолугушуу, өкмөт, Евразиялык экономикалык биримдик, Алматы
Тема боюнча
ЕАЭБ: союздаштар саясатты шайкеш келтирүүгө мезгил жетти
Артем Новиков ЕЭК кеңешинин соңку жыйынына катышты. Талкууланган маселелер
Муниципалдык кызматкер карды тазалап жатат. Архив

Ишембиге карата аба ырайы

0
23-январга караган түнү көпчүлүк аймактарда мезгил-мезгили менен кар жаайт. Жаан-чачынга байланыштуу өлкөнүн тоолуу райондорунда кар көчкү түшүүсү ыктымал. Бул тууралуу Кыргызгидромет билдирди.

БИШКЕК, 22-янв. — Sputnik. Ишембиде күндүз республика боюнча жаан-чачын күтүлөт. Жолдорго муз тоңуп, тайгак болот. Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй облусунда -4…-9, Таласта -3…-8, Ош, Жалал-Абад, Баткен аймактарында 0…-5, Ысык-Көл жергесинде -2…-7, Нарын өрөөнүндө -8…-13 градус болору айтылды.

Термометрдин көрсөткүчү Бишкекте -5…-7, Ош шаарында -2…-4 градус болот.

0
Белгилер:
Кыргызстан, январь, аба ырайы
Тема боюнча
Абайлагыла, сак болгула! Айдоочуларга эскертүү берилди