Арктикадагы муздун эриши аба ырайынын ысышына алып келет

© Sputnik / Валерий Мельников / Медиабанкка өтүүАрктикадагы ак аюу мамалагы менен. Архив
Арктикадагы ак аюу мамалагы менен. Архив - Sputnik Кыргызстан
Жазылуу
Муздун тездик менен эриши дүйнөлүк аба ырайынын температурасын 0,6 градуска жогорулатышы мүмкүн.

БИШКЕК, 6-июн. — Sputnik. Арктикадагы муздун көлөмү азайгандыгы тууралуу The Independent агенттигине шилтеме берүү менен РИА Новости жазып чыкты.

Суу ташкын. Архив - Sputnik Кыргызстан
Окумуштуулар: глобалдуу жылуулук 500 миллион адамдын өмүрүн алышы мүмкүн
АКШнын кар жана муз боюнча улуттук борборунун берген маалыматына караганда 2016-жылдын 1-июнуна карата Арктикадагы муздун көлөмү 11,1 миллион чарчы чакырымды түзгөн. Бул муздун акыркы 30 жылга салыштырмалуу 1,5 миллион чарчы чакырымга азайганын билдирет. 

1,5 миллион чарчы чакырым — болжол менен алты Улуу Британиянын аянтын түзөт. 

АКШнын окумуштуусу Уодхэмстин айтымына караганда Арктика ушул жылдын сентябрь айына карата кыйла эле муздан арылат. 

"Муз толугу менен жок болуп кетпеген күндө дагы анын саны рекорддук деңгээлде азайып кетиши ыктымал. Менин оюмча бул жыл ичинде миллион чарчы чакырымдык муз эрийт. Бул жылы болбосо келерки жылы", — деп билдирет Уодхэмс. 

Кытай жашоочусу. Архив - Sputnik Кыргызстан
Дүйнөдөгү элдин 80 пайызы кир аба менен дем алат
Ал муздун азайышы Арктиканын борбордук бөлүгү менен Түндүк уюлда байкаларын билдирди. 

Уодхэмс муздун мындай тездик менен эришинен улам жакынкы беш жыл ичинде дүйнөлүк аба ырайы 0,6 градуска көтөрүлүшү мүмкүн экенин кошумчалады. Мындай көрүнүш адамзаты үчүн коркунучтуу экенин окумуштуу белгилейт. 

Бирок башка окумуштуулар Уодхэмстин пикирине кошулбайт. Алар Арктикадагы муз 2030-2050-жылдарга карата гана эрий турганын билдиришет.

Жаңылыктар түрмөгү
0