Автобус күтүп жаткан кары адамдар. Архив

Окумуштуулар карыялардын эмнеге унутчаак болорун түшүндүрүп беришти

247
Кары адамдар биринчи жана кийинки көрсөтүлгөн сүрөттөрдү анчейин айырмалай алышкан эмес.

БИШКЕК, 16-июн. — Sputnik. Кары-картаңдар сүйлөшүү учурунда айтылган маанилүү деталдарды "толуп" калган эске тутуусунун айынан дайыма унутуп каларын РИА Новости агенттиги Neuropsychologia басылмасына шилтеме берүү менен жазып чыкты.

"Кары адамдар айрым учурлардын маанилүү деталдарын эстөөдө кыйналышат. Себеби алардын "эси" башка маалыматтарга толуп калган. Аныгында мындай болбош керек эле, бирок ушундай экен. Андыктан алар эмне болгонун так эстөөдө кыйналышат", — дейт АКШнын Жоржия институтунун өкүлү Одри Дуарте.

Окумуштуулар улгайган кишилер менен жаштарды эки топко бөлүп, аларга түрдүү нерселерди көрсөтүп, бир аздан кийин ал жакта эмнелер тартылганын эстөөнү талап кылышкан. Ошол эле учурда биринчи көрсөтүлгөн сүрөттөгү айрым элементтерди аралаштырып, тапшырманы кыйындатышкан. Жаштар кошумча көрсөтүлгөн сүрөттөгү айрым элементтерди байкап, ал эстөөгө тоскоолдук берип жатканын айтышкан.

Ал эми кары адамдар биринчи жана кийинки көрсөтүлгөн сүрөттөрдү анчейин айырмалай алган эмес.

247
Белгилер:
жаштар, кары-картаң, окумуштуулар
Тема боюнча
Окумуштуулар кишинин мурдунун формасын аныктай турган генди табышты
Окумуштуулар ким эң көп ким сарсанаа болорун аныкташты

Футбол боюнча Европа чемпионатынын расмий ыры жаңырды. Видеоклип

17
(жаңыланган 12:18 14.05.2021)
Чемпионаттын расмий ырын голландиялык ди-джей Мартин Гаррикс, ошондой эле Ирландиянын U2 Bono жана The Edge рок тобунун мүчөлөрү аткарышты.

Трек We are the people ("Биз — элбиз") деп аталат.

"Жаңы ырымды (Боно жана Эдже катышкан) тартуулай турчу да күн келди. Ал быйылкы жылы өтүүчү футбол боюнча EURO турниринин расмий ыры болот", — деген Гаррикс.

2020-жылга белгиленген Европа чемпионаты коронавирус пандемиясынан улам 2021-жылдын жай айына жылдырылган болчу.

Европа биринчилигин 11-июндан тарта 11-июлга чейин континенттеги 11 шаарда өткөрүү пландалган. Ал үчүн Санкт-Петербург (Россия), Лондон (Англия), Севилья (Испания), Мюнхен Германия), Баку (Азербайжан), Рим (Италия), Бухарест (Румыния), Копенгаген (Дания), Амстердам (Нидерланддар), Глазго (Шотландия) жана Будапешт (Венгрия) шаарлары тандалган.

17
Белгилер:
клип, мелдеш, Европа чемпионаты, футбол
Тема боюнча
Кыргызстандык дзюдочу кыздар Азия кубогунда намыс талашат
Айдын тутулушу. Архив

Жакында "Супер Ай" толугу менен тутулат. Кубулушту кимдер көрө алат

74
(жаңыланган 10:11 14.05.2021)
Бул кубулуштун өзгөчөлүгү — Ай тутулганда спутник Жерге болушунча жакындап, Айдын шакекчеси адаттагыдан чоң болуп көрүнөт.

БИШКЕК, 14-май — Sputnik. "Супер Ай" толугу менен 26-майда тутулат. Бул тууралуу Москва планетарийи кабарлады.

Бул Айдын тутулушунун өзгөчөлүгү — Ай тутулганда спутник Жерге болушунча жакындап, Айдын шакекчеси чоң болуп көрүнөт. Планетарий 2021-жылдагы эң чоң Ай 26-майда байкаларын белгиледи.

Жер менен Айдын (перигей) ортосундагы бөтөнчө көрүнүштөр Бишкек убактысы боюнча саат 7:52де башталат. Бирок аны байкоо үчүн аба ырайы жакшы болушу керектиги белгиленди.

Ошол эле учурда жердегилер Айдын толук тутулганын көрө алышат. Бирок Time and Date сайтынын жазганына караганда, аны кыргызстандыктар көрө алышпайт. Айдын тутулуусу Түндүк Американын батыш жээгинде, Тынч океанда, Индонезияда, Австралияда, Азиянын чыгыш жээгинде, Сибирдин түштүк-чыгышында жана Ыраакы Чыгышта байкалат.

74
Белгилер:
Австралия, Индонезия, жер, ай
Тема боюнча
360°. РФ окумуштуулары космостун интерактивдүү картасын түзүп чыгышты
Спорттук комментатор, граундхоппер Бексултан Усеналиев

Усеналиев: граундхоппингге кызыгып дүйнөнү кыдыргандар көбөйдү

0
Спорттук комментатор, граундхоппер Бексултан Усеналиев өлкөдө граундхоппинг аркылуу футболдук стадиондорго барып, дүйнөнү кыдыргандардын саны көбөйүп жаткандыгын айтты.

Дүйнөнүн белгилүү граундхопперлери Кыргызстандагы футболдук беттештерге катышып, стадиондорду каттап кеткендер бар. Мындай пикирин Бексултан Усеналиев Sputnik Кыргызстан радиосунун эфиринде маек куруп жатып билдирди.

Усеналиев: граундхоппингге кызыгып дүйнөнү кыдыргандар көбөйдү

Анын айтымында, граундхопперлер футбол көрүп, стадиондорду гана каттабастан башка элдердин маданиятын, тарыхын өздөштүрүүгө жакшы мүмкүнчүлүк алышат.

"Граундхоппинг – футболдук саякаттын бир түрү. Бул түшүнүктүн максаты башка өлкөгө стадионго барып, футбол көрүп, ошол жерди каттоо дегенди билдирет. Бирок жөн гана стадионго кирүү эмес, ал элдин маданиятын, тарыхын өздөштүрүү мүмкүнчүлүгү бар. Демек, граундхоппинг аркылуу дүйнөнү кыдырса болот. Жалпак тил менен айтсак, стадиондорду коллекциялоо. Бул кыймыл Англияда пайда болгон. "Бристоль Сити" клубунун күйөрманы Англияда болгон 92 футболдук беттешке барып, стадиондорду белгилеген. Бул жетишкендикти каттоо максатында гезит ачып, ийгилиги тууралуу бөлүшкөн. Анын эрдигине суктанып, башкалар да стадиондорду кыдыра башташкан. Өлкөдө фанатизм маданиятына кызыккандар бул кыймылды жакшы түшүнөт. Кыргызстанда мындай адамдардын башын бириктирген уюм жок. Болгону "граундхоппер" деген тиркемени смартфонго көчүрүп алып, барган стадионду, оюнду, шаарды белгилеп каттап коёбуз. Бизде кыймылга активдүү катышкан 4-5 адам бар. Мисалы, Дөлөн Өмүрзаков атындагы стадионго дүйнөнүн кайсы өлкөлөрүнөн граундхопперлер келгендигин кароого болот", — деди Усеналиев.

Ошондой эле ал Кыргызстан европалыктар үчүн абдан кызыктуу өлкө деп эсептелерин кошумчалады.

0
Белгилер:
Бексултан Усеналиев, саякат, футбол
Тема боюнча
Жетим өсүп жетилген. Башкы стадионго аты берилген Дөлөн Өмүрзаков деген ким?