Россиялык медиктер склерозду айыктыруучу дары ойлоп табышты

© Sputnik / Павел Лисицын / Медиабанкка өтүүМээнин сүрөтүн карап жаткан дарыгер. Архив
Мээнин сүрөтүн карап жаткан дарыгер. Архив - Sputnik Кыргызстан
Жазылуу
Медициналык каражат акыркы клиникалык сыноодон өткөндөн кийин кеңири колдонууга чыгарылат.

БИШКЕК, 23-июн. — Sputnik. Биоорганикалык химия институтунун окумуштуулары келечекте склероз оорусун айыктыруучу вакцинаны ойлоп табышты. Бул тууралуу Neurotherapeutics журналына шилтеме берүү менен РИА Новости жазып чыкты. 

"Склероз адамдар арасында көп кездешүүчү оору болгону менен аны дарылоого багытталган препарат жок. Болсо дагы алардын ден соолукка терс таасири бар", — деп билдирди окумуштуу Алексей Белогуров. 

Бала көтөргөн киши. Архив - Sputnik Кыргызстан
Окумуштуулар кайсыл мамлекетте "эң начар" аталар жашарын аныкташты
Адам склерозго кабылганда нерв клеткаларын коргоп туруучу миелинге иммундук система терс таасирин тийгизе баштайт. Ал эми миелиндин иши начарласа нерв клеткалары сигналдарды начар өткөрүп, мээнин иштеши солгундай баштайт. Натыйжада адам шал оорусуна чалдыгып же сокур болуп калуусу толук ыктымал. Ал эми азыркы рынокто сатылып жаткан препараттар иммундук системаны начарлаткандыктан организм башка ооруларга туруксуз болуп калат. 

Белогуров менен анын кесиптештери склерозго каршы жаңы препарат чыгарышты. Алардын айтымында, аталган каражат ден соолукка терс таасирин тийгизбейт. Ал клиникалык сыноонун экинчи фазасынан ийгиликтүү өткөн. 

"Вакциналар дени сак адамдарга ийне менен сайылды. Сыноо Россиянын аймагындагы беш ири медициналык борборунда өткөрүлдү. Учурда жарандардын абалы жакшы", — деп билдирет окумуштуу. 

Медициналык каражат акыркы клиникалык сыноодон өткөндөн кийин кеңири колдонууга чыгарылат. 

Жаңылыктар түрмөгү
0