Cameco Канада тарабынан 2,1 млрд. доллар салыкты жашырган деп айыпталууда

© Sputnik / Виталий Безруких / Медиабанкка өтүүКен казуу. Архив
Кен казуу. Архив - Sputnik Кыргызстан
Жазылуу
Эгер тоо-кен ишканасынын салыкты төгүүдөн качканы аныкталса, ал Канаданын тарыхындагы эң ири алдамчылык болуп калат.

БИШКЕК, 30-июн. — Sputnik. Кен иштеткен Cameco компаниясы Канаданын өкмөтү тарабынан 2,1 миллиард доллар салык жашырган деп айыпталып жатканын Huffington Post басылмасы билдирди.

Дүйнөдө уран өндүрүү боюнча эң ири компаниянын салыктан качышы канадалыктардын арасында нааразычылыкты жаратып, айрым активисттер кол топтоп, компаниянын жетекчилигин жоопко тартуу боюнча кампанияны башташты. 36 миң кишинин колу коюлган петиция премьер-министр Жастин Трюдонун атына жана компаниянын Саскатун (Канада) шаарындагы башкы кеңсесине жөнөтүлдү.

Cameco компаниясы Канаданын федералык сотуна 2016-жылдын сентябрь айында келет. Эгер тоо-кен ишканасынын салыкты жаап-жашырганы аныкталса, ал Канаданын тарыхындагы эң ири алдамчылык болуп калат.

Кумтор алтын кени. Архив - Sputnik Кыргызстан
Депутаттар Кумтөр боюнча кылмыш иштердин эскирип кетүүсүн жокко чыгарууну каалашат
Аталган компания менен Канаданын салык кызматы ортосундагы түшүнбөстүктөр 2008-жылдан бери уланып келет. Ал убакта дүйнөдө өндүрүлгөн урандын 18 пайызын чыгарган компания Швейцарияда туунду компаниясын негиздеп, ал жакка Канадада казылган продукциясы алып келинип турган. Басылма компания арзан баада алып келген продукциясын Швейцарияда өтө кымбат баа менен сатып турганын жазат.

Компания кирешелери тууралуу маалыматтарды Канаданын эмес, Швейцариянын салык кызматына төлөп турган.

Кийин белгилүү болгондой Швейцариядагы туунду компанияда бир гана кызматкер катталган, ал дагы Швейцарияда эмес Германияда жашаганы маалым болгонун Huffington Post басылмасы баса белгилейт.

Айрым маалыматтарга ылайык, Cameco 2005-жылы туунду компаниясы аркылуу өзүнүн ири кирешелерин Барбадостогу оффшордук аймактар аркылуу алып чыгып кеткен.

Cameco компаниясынын 1992-2003-жылдары "Кумтөрдө" үлүшү болгон. 2009-жылдан тарта туунду Centerra Gold Inc. компаниясы аркылуу үлүшкө болгон ээлигин камсыздап келет.

Жаңылыктар түрмөгү
0