Мээнин рентген сүрөтү. Архив

Окумуштуулар эстөөлөрдөн кантип арылуунун жолун табышты

97
Эгер адамдагы бул ген кандайдыр бир жагдайдан улам жайлап кала турган болсо, киши акылынан айнып, унутчаак болуп калышы ыктымал дейт окумуштуулар.

БИШКЕК, 2-июл. — Sputnik. Бельгиянын Левенск католик университетинин жана Германиядагы Лейбниц институтунун изилдөөчүлөрү чычкандардын мээсиндеги бир генге таасир берүү менен эстөөлөрүн жокко чыгара алышканын РИА Новости агенттиги Biological Psychiatry журналына шилтеме берүү менен билдирди.

Нейробиологдор нейропластин генин маал-маалы менен "өчүрүп" тургудай кылып өзгөртүшкөн.

Изилдөөчүлөр эксперимент учурунда чычкандарды тордун ичинен жарык күйгөндө бир учунан экинчи учуна барууга үйрөтүшкөн. Чычкандар жарык күйөрү менен тордун тигил башында тамак бериле турганын билип алышкан. 

Чычкандар көндүм аракеттерди жакшы аткарып баштаганда алардын нейропластин генин "өчүрүп" коюшкан. Анда чычкандар берилген тестти унутуп, мурда жасап келген нерселерин унутуп калышкан.

Нейропластин мээнин иштөөсү үчүн абдан керектүү. Эгер адамдагы бул ген кандайдыр бир жагдайдан улам жайлап кала турган болсо, киши акылынан айнып, унутчаак болуп калышы ыктымал дейт окумуштуулар.

97
Белгилер:
эксперимент, окумуштуулар, илим
Тема боюнча
Окумуштуулар инфарктты 5 жыл мурда биле турган тест түзүп чыгышты
Генетиктер кайгыруу эмне себептен чачты агартарын аныкташты

Футбол боюнча Европа чемпионатынын расмий ыры жаңырды. Видеоклип

26
(жаңыланган 12:18 14.05.2021)
Чемпионаттын расмий ырын голландиялык ди-джей Мартин Гаррикс, ошондой эле Ирландиянын U2 Bono жана The Edge рок тобунун мүчөлөрү аткарышты.

Трек We are the people ("Биз — элбиз") деп аталат.

"Жаңы ырымды (Боно жана Эдже катышкан) тартуулай турчу да күн келди. Ал быйылкы жылы өтүүчү футбол боюнча EURO турниринин расмий ыры болот", — деген Гаррикс.

2020-жылга белгиленген Европа чемпионаты коронавирус пандемиясынан улам 2021-жылдын жай айына жылдырылган болчу.

Европа биринчилигин 11-июндан тарта 11-июлга чейин континенттеги 11 шаарда өткөрүү пландалган. Ал үчүн Санкт-Петербург (Россия), Лондон (Англия), Севилья (Испания), Мюнхен Германия), Баку (Азербайжан), Рим (Италия), Бухарест (Румыния), Копенгаген (Дания), Амстердам (Нидерланддар), Глазго (Шотландия) жана Будапешт (Венгрия) шаарлары тандалган.

26
Белгилер:
клип, мелдеш, Европа чемпионаты, футбол
Тема боюнча
Кыргызстандык дзюдочу кыздар Азия кубогунда намыс талашат
Айдын тутулушу. Архив

Жакында "Супер Ай" толугу менен тутулат. Кубулушту кимдер көрө алат

85
(жаңыланган 10:11 14.05.2021)
Бул кубулуштун өзгөчөлүгү — Ай тутулганда спутник Жерге болушунча жакындап, Айдын шакекчеси адаттагыдан чоң болуп көрүнөт.

БИШКЕК, 14-май — Sputnik. "Супер Ай" толугу менен 26-майда тутулат. Бул тууралуу Москва планетарийи кабарлады.

Бул Айдын тутулушунун өзгөчөлүгү — Ай тутулганда спутник Жерге болушунча жакындап, Айдын шакекчеси чоң болуп көрүнөт. Планетарий 2021-жылдагы эң чоң Ай 26-майда байкаларын белгиледи.

Жер менен Айдын (перигей) ортосундагы бөтөнчө көрүнүштөр Бишкек убактысы боюнча саат 7:52де башталат. Бирок аны байкоо үчүн аба ырайы жакшы болушу керектиги белгиленди.

Ошол эле учурда жердегилер Айдын толук тутулганын көрө алышат. Бирок Time and Date сайтынын жазганына караганда, аны кыргызстандыктар көрө алышпайт. Айдын тутулуусу Түндүк Американын батыш жээгинде, Тынч океанда, Индонезияда, Австралияда, Азиянын чыгыш жээгинде, Сибирдин түштүк-чыгышында жана Ыраакы Чыгышта байкалат.

85
Белгилер:
Австралия, Индонезия, жер, ай
Тема боюнча
360°. РФ окумуштуулары космостун интерактивдүү картасын түзүп чыгышты
Токтогул суу сактагычы. Архив

Токтогул суу сактагычындагы суунун деңгээли көтөрүлүүдө

0
(жаңыланган 13:26 14.05.2021)
Быйыл суу сактагычтагы суу кескин азайып кеткендиктен жээкке адамдардын сөөктөрү чыгып, суу алдында калган курулуштардын калдыктары көрүнүп калган.

БИШКЕК, 14-май — Sputnik. Токтогул суу сактагычындагы суунун көлөмү 14-майга карата 9 миллиард 605 миллион куб метрди түздү. Бул тууралуу "Электр станциялары" ишканасы кабарлады.

Ишкананын расмий сайтындагы маалыматка ылайык, учурда суу сактагычка секундасына 1 085 куб метр суу агып кирүүдө. Ал эми агып чыккан суунун көлөмү 251 куб метрди түзөт.

Быйыл Токтогул суу сактагычындагы суунун деңгээли кескин төмөндөп кеткендиктен жээкке адамдардын сөөктөрү чыгып, суу алдында калган курулуштардын калдыктары көрүнүп калган.

Жакында эле Sputnik Кыргызстандын кабарчысы Токтогул суу сактагычына барып, объектинин азыркы абалын жеринен видеого тартып келген.

Суу сактагычка 19,5 миллиард куб метр суу батат. Минималдуу деңгээл 5,5 миллиарддга чейин болушу керек.

0
Белгилер:
суу сактагычы, Токтогул ГЭСи, деңгээл, суу, электр энергиясы
Тема боюнча
Кыргызстан Орто Азияны климаттык апааттан сактап кала алат. Суу тууралуу маек
Астапаев: электр энергия өндүргөн сүзүп жүрүүчү станциялар курулат