Гандура кийген киши. Архив

Аравиялык эркектерди улуттук кийим гандурадан баш тартууга чакырышты

201
(жаңыланган 10:49 04.07.2016)
Бириккен Араб Эмирлигинин ТИМи Америкада дарыланып жаткан эмираттык ишкердин полиция тарабынан жарадар болушунан кийин жашоочуларды сак-сактап турат.

БИШКЕК, 4-июл. — Sputnik. Бириккен Араб Эмирлигинин (БАЭ) Тышкы иштер министрлиги жашоочуларды чет өлкөдө жүргөндө улуттук кийим — гандурадан (эркектердин узун көйнөгү) баш тартууга чакырды. Бул тууралуу министрликтин Twitter тармагындагы баракчасына жарыяланды.

Мындай кадам мекеме Америкада дарыланып жаткан эмираттык ишкердин полиция тарабынан жарадар болушунан кийин кабыл алынууда. Маалыматка ылайык, аталган бизнесмен кийген кийими үчүн "Ислам мамлекети" тобунун мүчөсү катары шектелген. 

"Чет жакта жүргөн мекендештерибизди гандура кийбөөгө чакырабыз", — деп айтылат билдирүүдө.

Ишкер Ахмед аль-Минхали Emirates today басылмасына кийиминин айынан кантип өлүп болуп кала жаздагандыгын айтып берген. Ал Кливленд шаарындагы мейманканалардын бирине токтогондо, ишкердин сырткы кийиминен шектенген ал жердеги кызматкер "шектүү киши" келгендиги туурасында полицияга кабар берген. Полиция келип ур-соккуга алып, анын кесепетинен араб ооруканага түшүп калган.

201
Белгилер:
гандура, баш кийим, коопсуздук, кийим, АКШ, Бириккен Араб Эмираттары
Тема боюнча
Стамбулдагы терактыга байланыштуу түрк полициясы 11 чет элдикти кармады
Немистердин жарымынан көбү аэропорттогу терактылардан кооптонушат
UFC чемпиону Хабиб Нурмагомедов. Архив

Көк бөрү көрөбүз! Хабиб машыктыруучусу менен Кыргызстанга келет

76
(жаңыланган 00:06 26.11.2020)
Нурмагомедов Кыргызстанга 2018-жылы келген. Анда ал өлкөдө ушунчалык атактуу экенине таң калганын билдирген.

БИШКЕК, 25-ноя. — Sputnik. UFC чемпиону Хабиб Нурмагомедовдун машыктыруучусу Хавьер Мендез Instagram баракчасына Кыргызстанга келип, көк бөрү оюнун көрүү каалоосу тууралуу жазган.

Посмотреть эту публикацию в Instagram

Публикация от Javier Mendez (@akajav)

Мендез менен Нурмагомедов азыр Бириккен Араб Эмирлигинде жүргөнү маалым болду. Машыктыруучу Кыргызстанды кайрадан көргүсү келип жатканын кыргыз ишкери менен жолукканда айткан.

"Кереметтүү Кыргызстанга барууну чыдамсыздык менен күтүп жатам, ошондой эле көк бөрү оюнун да көрсөк дейбиз", — деп жазган Мендез. 

UFC чемпиону да Instagram баракчасынын сторис бөлүмүнө "Жакында Кыргызстанга барам" деп жазган.

Белгилей кетсек, 2018-жылы Хабиб Нурмагомедов Улуттук олимпиада комитетинин чакыруусу менен өлкөгө келип кеткен. Анда ал КРде ушунчалык атактуу экенине таң калганын билдирген.

76
Тема боюнча
Миссиямды аткардым. Хабиб кайра октагонго чыгар-чыкпасын айтты
Легендарлуу футболчу Диего Марадона. Архив

Легендарлуу футболчу Диего Марадона көз жумду

105
(жаңыланган 22:50 25.11.2020)
Аргентиналык спортчу 60 жашта болчу. Ал 30-октябрда медициналык көзөмөлдөн өтүү үчүн ооруканалардын бирине жаткырылган.

БИШКЕК, 25-ноя. — Sputnik. Футбол боюнча 1986-жылы дүйнө чемпиону болгон легендарлуу футболчу Диего Марадона көз жумду. Бул тууралуу РИА Новости Аргентинанын TN телеканалына таянып кабарлады.

Аргентиналык спортчу 60 жашта болчу.

30-октябрда "Химнасия жана Эсгрима" футбол клубуна башкы машыктыруучулук кылып жаткан Марадона бир катар текшерүүлөрдөн өтүү үчүн ооруканага жаткырылган. Кийинчерээк анын мээсине операция жасалгандыгы кабарланган. Марадона ооруканадан 12-ноябрда чыгарылганы айтылган. Футбол адисинин акыркы жылдары басканы оорлошуп, өзүн начар сезип калган.

105
Тема боюнча
Роналду, Зидан, Марадона... Дүйнөлүк футболчулардын атын алган кыргызстандыктар