Түркиядагы аскердик төңкөрүштүн катышуучулары. Архив

Түркиянын жогорку аскер кеңеши 99 полковниктин наамын жогорулатты

169
(жаңыланган 14:03 29.07.2016)
Түркияда бийликти аскердик төңкөрүш менен басып алууга болгон аракеттен кийин 1684 офицер кызматтан алынган. Анын ичинен 149 генерал менен адмиралдар бар.

БИШКЕК, 29-июл. — Sputnik. Түркиянын Жогорку аскер кеңеши 99 полковниктин наамын генерал жана адмиралга чейин жогорулатуу боюнча чечим кабыл алганын Anadolu агенттигине шилтеме берүү менен РИА Новости маалымдады.

Маалыматка ылайык, 47 генерал убактысы келгендиктен отставкага кетирилген. Андан сырткары 20 генерал жана адмиралдардын кызмат өтөөсү бир жылга узартылган.

Өз кызмат орундарын Түркиянын Куралдуу күчтөрүнүн Башкы штабынын жетекчиси Хулуси Акар, аскер аба күчтөрү жана аскер деңиз күчтөрүнүн башчылары сактап калган.

Түркиянын Жогорку аскер кеңешинин чечимдерин өлкө президенти Тайип Эрдоган да колдоп, бекиткен.

Түркияда бийликти аскердик төңкөрүш менен басып алууга болгон аракеттен кийин 1684 офицер кызматтан алынган. Анын ичинен 149 генерал менен адмиралдар бар.

169
Белгилер:
мамлекеттик төңкөрүш, Аскер, Түркия
Тема:
Түркиядагы аскердик төңкөрүш аракети (65)
Тема боюнча
Гүлен: Эрдоган жеке басарга айланып баратат
Кыргызстан түрк министринин "гүленчилерге" каршы чара көрүү чакырыгына жооп кайтарды