Паралимпиада чемпиону бельгиялык Марике Верворт. Архив

Чемпион кыз Рио Олимпиадасынан кийин жашоо менен кош айтышууну чечти

593
(жаңыланган 11:32 02.08.2016)
Бельгиялык спортчу эвтаназия процедурасы үчүн бардык документтерди даярдап койгону айтылууда.

БИШКЕК, 2-авг. — Sputnik. Паралимпиада чемпиону бельгиялык Марике Верворт эвтаназия үчүн бардык документтерин даярдап, Рио Олимпиадасынан кийин жашоо менен кош айтышууну чечти. Бул тууралуу RTL телерадиокомпаниясы билдирди.

"Рио Олимпиадасынан кийин карьерамды токтотом. Андан кийин эмне күтүп турганын дагы көрө жатабыз. Жашоом кубанычтуу көз ирмемдерге бай болгону менен эвтаназия тууралуу да ойлоно баштадым. Оорума карабай башкалар кыялдана турган нерселерге жетиштим", — деди Верворт.

Маалыматка ылайык, бельгиялык спортчу эвтаназия процедурасы үчүн бардык документтерди даярдап койгон. Марике Верворт — 2012-жылы өткөн Паралимпиаданын коляскадагы жарыш боюнча чемпиону. Ал булчуңдарынын айыккыс дартына чалдыккан.

Эвтаназия (айыккыс оорулуулардын жашоосун токтотуу) Бельгияда 2002-жылдан тарта мыйзамдаштырылган.

593
Белгилер:
чемпионат, эвтаназия, Бельгия
Тема:
Олимпиадалык оюндар, Рио — 2016 (160)
Тема боюнча
Рио-2016: ыр жазып, сүрөт тарткан балбан Айсулуу Тыныбекова: Олимпиадага даярмын!
РИО-2016: Дзюдочу Отар Бестаев: Кыргызстандын намысын аягына чейин коргойм
Бишкек шаары. Архивдик сүрөт

Казакбаев бюджетти колдоо боюнча РФ президентинин өкүлү Козак менен сүйлөштү

7
Эске салсак, тышкы иштер министри Руслан Казакбаев 22-24-октябрь күндөрү Россия Федерациясына иш сапары менен барган.

БИШКЕК, 24-окт. — Sputnik. Тышкы иштер министри Руслан Казакбаев РИА Новости агенттигине берген маегинде Россиянын президенттик администрациясынын жетекчисинин орун басары Дмитрий Козак менен көп маселелерди талкуулаганын, анын ичинде Кыргызстандын бюджетине колдоо катары финансылык жардам тууралуу дагы сөз болгонун айтты.

"Дмитрий Николаевич Козак жана анын кесиптештери менен жолуктук. Россия тарап Кыргызстанда парламенттик шайлоодон кийин түзүлгөн абалды турукташтырууда маанилүү роль ойноду", — деди Казакбаев.

Садыр Жапаровдун биринчи кайсы өлкөгө иш сапар менен барары айтылды

Ошондой эле жолугушууда Россия тараптан кыргыз экономикасына көрсөтүлчү колдоолор тууралуу сөз болду.

"Биздин өкмөттүн иши, алдыда келе жаткан саясий иш-чаралар тууралуу кеп кылдык. Анан, албетте, азыркыдай катаал убакта Россия тараптан Кыргызстандын бюджетин колдоо иретинде берген жардам тууралуу сүйлөштүк", — деди ТИМ башчысы.

Эске салсак, тышкы иштер министри Руслан Казакбаев 22-24-октябрь күндөрү Россия Федерациясына иш сапары менен барган.

7
Белгилер:
жардам, каражат, экономика, Руслан Казакбаев, Кыргызстан, Россия
Тема боюнча
Лавров Кыргызстанга финансылык колдоо көрсөтүү боюнча суроого жооп берди
Россиянын Коопсуздук кеңешинин төрагасынын орун басары Дмитрий Медведев. Архивдик сүрөт

Медведев пандемия маалындагы мамлекеттердин башкы милдети тууралуу айтты

13
(жаңыланган 17:08 24.10.2020)
Эпидемия саясий эркиндиктер адамдын өмүрүн өзүнөн-өзү эле коргоп жибербестигин көрсөттү. Ал үчүн майнаптуу жана элдин бардыгы колу жетип, дарылана ала тургандай медициналык система керек.

БИШКЕК, 24-окт. — Sputnik. Коронавирус пандемиясынан улам жаралган кырдаал — экономиканын төмөндөшү бардык мамлекеттерди баалуулуктарды кайрадан карап чыгып, алдыңкы орунга адам ден соолугун, жашоосун, укугун коргоону коюу зарылдыгын көрсөттү. Бул тууралуу Россиянын Коопсуздук кеңешинин төрагасынын орун басары Дмитрий Медведев БУУнун 75 жылдыгына арналган макаласында айткан.

"Глобалдуу пандемиядан келип чыккан учурдагы экономикалык төмөндөө адамдардын татыктуу жашоосуна мамлекеттердин кепилдик берип, камсыздоосун кароого мажбур кылууда. Алар биринчи орунга адамдардын ден соолугун, жашоосун, укугун коргоо милдетин коюп, баалуулуктарды кайрадан карап чыгуусу зарыл", — деген Медведев.

Медведев БУУда "өзөктүк бештиктин" жеке саммитин өткөрүүнү сунуштады

Ал планетаны каптаган оору адамзаттын баарынын башына бирдей түшкөндүгүн айткан.

"COVID-19 эпидемиясы саясий эркиндиктер адамдын өмүрүн өзүнөн-өзү эле коргоп жибербестигин көрсөттү. Ал үчүн майнаптуу жана элдин бардыгы колу жетип, дарылана ала тургандай медициналык система менен социалдык коргоо керек. Санитардык коопсуздукту камсыздай алган мамлекеттик жалпы программалар жана бардык деңгээлдеги бийликтин иши так жөндөлүп турушу зарыл", — деп кошумчалаган Медведев.

Анын пикиринде, экономикасын мобилизация жасай алуучу дал ошол күчтүү мамлекеттер менен пандемияга каршы иштеген саясий институттар тумоонун кесепети менен натыйжалуу күрөшүп, миллиондогон өмүрлөрдү сактап калды.

БУУ пандемия учурунда байыган миллиардерлерди элге жардам берүүгө чакырды

"Цивилизациялуу элдин атынан түптөлгөн БУУ 1940-жылдын аягында 1950-жылдары пайда болгон, бул сыяктуу башка эл аралык уюмдарга Дүйнөлүк экинчи согуш сыяктуу алааматтардын кайталанышына жол бербөө чакырыгы ташталган. Алар көптөрдүн жүрөгүн үшүткөн геноцид, аскердик кылмыш, адам баласынын укугу менен эркиндигин тепсөө, кишилерди мазактоо, басынтуу эле. Бул максатка жетүү үчүн ири алдыда мамлекеттин социалдык өнүгүүгө киришүүсүн чектөө, жеке эркиндиктин абсолютташтырылышы, коомдук кызыкчылыгына таасирин тийгизүү менен субъективдүү укуктардын үзгүлтүксүз кеңейип турушу болгон. Бир эле учурда улуттук мамлекеттерге "позитивдүү милдеттер" алкагында бир топ милдеттер конкреттүү бир адамдын укугун бузуудан алыс болуу максатында эле жүктөлбөстөн, аны менен камсыздоону, мамлекеттик "туура" башкарууга кепилдик берүүнү сактап турат", — деген Медведев.

Россиянын Коопсуздук кеңешинин төрагасынын орун басарынын макаласын толугу менен RT телеканалынын таап, таанышууга болот.

13
Белгилер:
милдет, мамлекет, пандемия, Дмитрий Медведев, БУУ, СССР, Россия
Тема боюнча
Путин ДССУнун потенциалын жакшылап бекемдөөгө чакырды