Основатель движения Хизмет Фетхуллах Гюлен. Архив

Түркия Индияны Гүленге байланыштуу мекемелерди жабууга чакырды

106
(жаңыланган 10:24 09.08.2016)
Түркиянын тышкы иштер министри Мевлют Чавушоглу Исламабадга жасаган сапарында мындай өтүнүчүн Пакистандын бийлигине да айткан. Мындай кайрылууну Кыргызстанга да жасаганы белгилүү.

БИШКЕК, 9-авг. – Sputnik. Түркиянын Мумбайдагы башкы консулу Эрдал Сабри Эрген Индияны өлкө аймагындагы диний үгүттөөчү Фетуллах Гүленге байланыштуу мекемелерди жабууга чакырды. Ал кишини Анкара Түркиядагы июлда болгон аскердик төңкөрүшкө тиешеси бар деп күнөөлөп келет. 

"Бул тармакка байланышы болгондун бардыгы жабылышы керек. Аны тыкыр текшерүүгө алуу абзел. Бул башына жаман ойлор орноп алган мыйзамсыз тармак. Ага байланыштуу мекемелер Мумбайда да бар. Биздин элчи индиялык бийликти маалымдар кылды", — деп айтты башкы консул журналисттерге.

Аны жергиликтүү жалпыга маалымдоо каражаттары түз алып көрсөттү.

"Биз Индия менен Махараштра өкмөтүн Мумбайдагы бул тармакка тиешелүү бардык мекемелерди жабууну сурандык", — деди ал.

Анын айтымында, башкы консулдук Махараштранын бийлиги менен, ал эми элчи Нью-Делинин өкмөтү менен иштеп жатат. Бирок ал "юридикалык себептерден улам" анын майда-чүйдө учурларын айтуудан баш тартты.

Августтун башында Түркиянын тышкы иштер министри Мевлют Чавушоглу Исламабадга жасаган сапарында мындай өтүнүчүн Пакистандын бийлигине да айткан.

Мындай маанайда Кыргызстанга да кайрылган.

16-июлга караган түнү Стамбул менен Анкара шаарларында козголоң чыгып, аскердик төңкөрүш жасоого аракет болгон. Бийликтин көргөн чарасы менен ал ишке ашпай, акыркы маалыматтар боюнча 246 киши каза болгон. Мындан тышкары, эки миңден ашуун адам ар кандай жаракат алган.

Түркия бийлиги бул аракеттерге диний үгүттөөчү Фетуллах Гүлендин тийиштиги бар экендигин айтып, АКШдан аны экстрадиция кылууну талап кылган. Ал эми Гүлен козголоңду айыптап, ага катыштыгы жок экендигин айткан. 

106
Белгилер:
Фетхуллах Гүлен, Индия, Түркия
Тема боюнча
Түркия президенти өлкөгө кайрадан өлүм жазасын киргизүүгө даяр турат
Назарбаев: Казакстандагы Гүленге тийиштүү делген мектептер текшерүүдөн өтөт