Фетхуллах Гюлен. Архив

Түркия бийлиги Гүленди эки жолу кесип, 1900 жыл түрмөгө отургузууну талап кылууда

133
(жаңыланган 17:23 16.08.2016)
Чогултулган материалдардын көлөмү 2,5 миң бет болуп, бүгүн өлкөнүн Жогорку кылмыш сотуна берилди.

БИШКЕК, 16-авг. — Sputnik. Түркиянын Башкы прокуратурасы өлкөдөгү ишке ашпай калган 16-июлдагы аскердик төңкөрүш үчүн диний үгүтчү Фетхуллах Гүленди эки ирет эркинен ажыратып, түрмөгө 1900 жыл кесүүнү талап кылууда. Бул туурасында РИА Новости Анадолу агенттигине шилтеме кылуу менен кабарлады.

Гүлендин уюмуна карата финансылык иштерден улам 2015-жылдын сентябрь айында кылмыш иши козголгон. Чогултулган материалдардын көлөмү 2,5 миң бет болуп, бүгүн өлкөнүн Жогорку кылмыш сотуна берилди.

Аталган кылмыш иши боюнча 11 адам суралып, террорчулукту финансылоо жана бийликти кулатуу күнөөсү коюлуп жатат.

Ал эми прокурор Фетхуллах Гүленди эки жолу өмүр бою эркинен ажыратып, андан сырткары 1900 жыл түрмөгө кесүүнү талап кылды.

133
Белгилер:
Фетхуллах Гүлен, Түркия
Тема:
Түркиядагы аскердик төңкөрүш аракети (65)
Тема боюнча
Түркияда төңкөрүш аракетинен кийин 81,5 миң адам ишсиз калды
Түркия президенти өлкөгө кайрадан өлүм жазасын киргизүүгө даяр турат