Түркияда төңкөрүш кылууга аракет кылган диний үгүттөөчү Фетхуллах Гүлен. Архив

Азербайжан бийлиги Гүлендин бардык тарапташтарын табаарын убада кылды

86
(жаңыланган 14:53 21.08.2016)
Азербайжанда Гүлен менен байланышы бар деген шектүү уюмдар тыкыр текшерүүдөн өтүп жатат.

БИШКЕК, 21-авг. — Sputnik. Түркияда төңкөрүш кылууга аракет кылган диний үгүттөөчү Фетхуллах Гүлендин Азербайжандагы бардык тарапташтары табылып, ачыкка чыгат.

Бул туурасында Азербайжандын президенттик администрациясынын тышкы байланыш боюнча бөлүмдүн жетекчиси Новруз Мамедов билдиргенин РИА Новости маалымдады.

Коргоо кызматынын башкы тергөө башкармалыгында "ыкчам–иликтөө иши жөнүндөгү мыйзамдарды бузуу" жана "кызматтык ыйгарым-укуктарын кыянаттык менен колдонуу" беренелеринин негизинде кылмыш иши козголгон.

"Гүлендин бардык тарапташтары ачыка чыгат. Азербайжанда аларды табуу аракети көрүлүүдө. Гүлендин кыймылы өлкөдөгү оппозияцчылар менен байланышы бар экендиги иликтөөдө көрүнүп жатат. Азербайжанда туруктуулукту сактоо үчүн алдын-ала бардык чаралар көрүлөт", — деген Новруз Мамедов агенттикке берген маалыматында.

16-июлга караган түнү Стамбул менен Анкара шаарларында козголоң чыгып, аскердик төңкөрүш жасоого аракет болгон. Бийликтин көргөн чарасы менен ал ишке ашпай, акыркы маалыматтар боюнча 246 киши каза болгон.

Мындан тышкары, эки миңден ашуун адам ар кандай жаракат алган.

Түркия бийлиги бул аракеттерге диний үгүттөөчү Фетхуллах Гүлендин тийиштиги бар экендигин айтып, АКШдан аны экстрадиция кылууну талап кылган. Ал эми Гүлен козголоңду айыптап, ага катыштыгы жок экендигин айткан. 

86
Белгилер:
тараптар, мамлекеттик төңкөрүш, Анкара, Азербайжан, Түркия
Тема:
Түркиядагы аскердик төңкөрүш аракети (65)
Тема боюнча
Назарбаев: Казакстандагы Гүленге тийиштүү делген мектептер текшерүүдөн өтөт