Олимпийский чемпион по метанию молота из Таджикистана Дильшод Назаров на XXXI летних Олимпийских играх

New York Times рейтингинде Тажикстан АКШны артка таштап, Олимпиада лидери болду

1873
(жаңыланган 18:33 26.08.2016)
Тажикстан Олимпиада оюндарында бир алтын медалга ээ болгон. Ошентсе да катнаштык рейтингде АКШдан озуп түштү.

БИШКЕК, 25-авг. — Sputnik. Тажикстан Рио-де-Жанейродо өткөн Олимпиада оюндарынын жыйынтыгында спортчулардын санына карата тийген медалдын көптүгү боюнча АКШдан да алдыга чыкты.

Рейтингди америкалык New York Times басылмасы түзүп, андагы маалымат medalspercapita.com сайтына жарыяланды.

Рейтингдин авторлору ар бир командага бир алтын үчүн төрт упай, күмүш үчүн эки жана коло медаль үчүн бир упай берип эсептешкен.

Рио-де-Жанейродо өткөн жайкы олимпиадалык оюндарга Тажикстандын атынан жети спортчу спорттун төрт түрү боюнча барышкан. Олимпиадалык алтынды Дилшод Назаров алыстыкка балка ыргытуу боюнча алган.

Буга байланыштуу коңшу өлкөнүн командасы төрт упайга ээ болду. Бул упайды Олимпиадага барган жети спортчуга бөлгөндө 0,57ден тийген. Мындай коэффициент Олимпиада оюндарына катышкан өлкөлөрдүн бардыгын артта калтырды.

Экинчи орунда 0,53 коэффициентке ээ болгон АКШ курама тобу турат. Ал эми үчүнчү орунду 0,50 упай топтогон Азербайжан, Косово жана Иордания бөлүп алышты.

Ошентип, Назаров Тажикстандын эгемендүүлүк алгандан берки алтын медаль уткан биринчи спортчусу болуп калды.

1873
Белгилер:
лидер, Олимпиадалык оюндар, Тажикстан
Тема:
Олимпиадалык оюндар, Рио — 2016 (160)
Тема боюнча
Польшалык атлет оорулуу балага жардам берүү үчүн Риодо жеңип алган медалын сатты
Риодогу Олимпиаданын жабылышы: кыргыз желегин көтөргөн Айсулуу, миңдеген фейервектер
Бышырылган жумуртка. Архив

Адис: жумуртка диабеттен жабыркагандар үчүн пайдалуу тамак

31
Дарыгерлер жумурткадан жасалган эртең мененки тамак адамды узак убакытка ток кармап, денедеги майдын азайышына өбөлгө болорун белгилешет.

БИШКЕК, 5-дек. — Sputnik. Жумуртка экинчи типтеги диабет менен жабыркагандар үчүн пайдалуу азык. Бул тууралуу РИА Новости Америкалык диабет ассоциациясына шилтеме берип жазды.

Адистер тооктун бир жумурткасында бир граммга жетпеген углевод жана жети граммга жакын белок бар экендигин айтышат. Мындан сырткары, жумуртка нервди жана булчуңдарды чыңдап, жүрөк-кан тамыр системасын жакшыртуучу калийдин булагы экендигин белгилешет.

"Жумуртканы ачкарын такай жеп туруу экинчи типтеги диабет менен жабыркаган адамдардын канындагы глюкозанын деңгээлин жакшыртууга мүмкүн экенин изилдөөлөр көрсөттү", — деп айтылат маалыматта.

Дарыгерлер жумурткадан жасалган эртең мененки тамак адамды узак убакытка ток кармап, ашыкча тамак жеп алуудан сактап, денедеги майдын азайышына өбөлгө болорун белгилешет.

31
Белгилер:
жумуртка, кеңеш, диабет, диета, ден соолук
Тема боюнча
Кант диабети менен ооругандар арзандатылган тесттерди сатып алса болот
Немец диетологдору ачкарын жегенге болбой турган азыктарды атады
Уктап жаткан киши. Архивдик сүрөт

Дарыгер коркунучтуу түштөрдөн кантип арылса болорун айтып берди

55
Сомнолог адамдын жаман түштөрү эки топко бөлүнөрүн айтты. Экөө тең кишинин психологиялык абалынан көз каранды экен.

БИШКЕК, 5-дек. — Sputnik. Түндө жаман түштөр кирип же адамдын уктап жатып кыйналышына күндүзгү стресстик абал себепкер болот. Бул тууралуу медицина илимдеринин доктору, сомнолог Роман Бузуновго шилтеме берип РИА Новости жазды.

"Мисалы, жаңылыктарды бир күндө 15 мүнөт карап коюу жетиштүү. Башка убакта негативди карап отура бербей, колдон келсе сейилдеп келиңиз. Көп кыймылдап, үй жумуштарын жасаңыз. Чарчаганга чейин жумуш кылуу стресс менен жагымсыз ойлордон арылуунун эң сонун жолу. Маанай чөгүп, ал кеткенде кофе же таттуулар менен алаксыбай, чуркап же дене көнүгүүлөрүн жасаңыз", — деди сомнолог.

Анын айтымында, адамдын жаман түштөрү эки топко бөлүнөт.

"Биринчиси — ар кандай сюжеттеги түштөр. Алар мээ бир нерсеге бушайман болуп, бирок ошол кырдаалдан чыгып кетүүгө жол издеп жатканда кирет. Экинчиси — бир эле окуя кайталана берген түштөр. Ал бир нерсеге көнө албай же маанилүү чечим кабыл ала албай жаткан адамдарга көп кирет", — деди профессор.

Мындан тышкары, адис көпчүлүк учурда адамдын күнү кандай өтсө, уйкусу дагы дал ошондой болорун кошумчалады.

55
Белгилер:
психология, ден соолук, адам, адис
Тема боюнча
Окумуштуулар уйкусуздуктун таң калычтуу себебин табышты
Уйку канат. Дарыгер кумшекерден баш тартуунун пайдасын айтты
Нарын облусу. Архивдик сүрөт

Өкмөт Нарынга 300 үй-бүлө үчүн эксперименталдык айыл курууга белсенүүдө

0
(жаңыланган 11:13 05.12.2020)
Ал жерге сейсмологиялык жана сел жүрүү кооптуулугунда турган Ак-Чий, Жаңы-Тилек айылдарынын жашоочуларын көчүрүп келүү пландалууда.

БИШКЕК, 5-дек. — Sputnik. Кыргыз өкмөтү Нарын облусуна "Ак-Тилек" деп аталган эксперименталдык конуш курууга белсенип жатат. Тийиштүү буйруктун долбоорун Архитектура, курулуш жана коммуналдык-турак жай агенттиги коомдук талкууга чыгарды.

Жаңы конуш Ак-Талаа районунда пайда болору айтылган. Ал жерге сейсмологиялык жана сел жүрүү кооптуулугунда турган Ак-Чий, Жаңы-Тилек айылдарынын жашоочуларын көчүрүп келүү пландалууда. 1990-жылдын аягынан 2010-жылга чейин бул аймактарда бир нече жолу жер силкинип, сел түшүп кыйроолорго алып келген. Өзгөчө кырдаалдар министрлиги ал жердин тургундарын көчүрүү зарыл деген корутунду чыгарган.

Ак-Тилек конушу 300 турак жайга (1500 адам) ылайыкташкан. Курулуш агенттиги жерлер 2019-жылдын ноябрында эле өкмөттүн токтому менен трансформация болгонун билдирди.

Конушту куруу жана пландаштыруу боюнча жаңы ыкмаларды колдонуу (конструкция, курулуш материалдары, инженердик камсыздоо системасы) чечими кабыл алынгандыктан эксперименталдуу калктуу конуш деген макам берилет.

Ошондой эле планын иштеп чыгууда шаар куруу боюнча дүйнөлүк тажрыйба жана экологияга аяр мамиле жасоо принциби колдонулганы белгиленет. Үйлөрдүн ичи жылуу жана жер титирөөгө туруштук берүү деңгээли жогору болоруна ишендирет.

Долбоордун суммасы жазылган эмес, бирок өкмөт ага бюджеттик каражат коротулбай турганын айтты. БУУнун Европа экономикалык комиссиясынын долбоору аркылуу каражат жана инвестиция тартылары күтүлүүдө. Бул боюнча алдын ала макулдашуу түзүлгөн.

Техникалык документациясы менен өкмөттүн сайтынан кененирээк таанышууга болот.

0
Белгилер:
айыл, тургун, курулуш, Нарын, жаңы конуштар
Тема боюнча
Өрттөнгөн прокуратуранын ордуна эмнеге шаардык кеңештин имараты курулат. Жооп
Өзгөн менен Араванда эки төрөт үйү пайдаланууга берилди