Стюардесса. Архив

Араб Эмирлигинде стюардессаны өөп жиберген кишини түрмөгө отургузушту

1088
Ызаланган 25 жаштагы стюардесса Дубайга конору менен полицияга арызданган.

БИШКЕК, 2-сен. — Sputnik. Селфи жасап жатып, стюардессаны өөп жиберген кишини Дубайдын соту үч ай түрмөгө отургузуу чечимин кабыл алды. Бул туурасында РИА Новости The National басылмасына шилтеме берип кабарлады.  

Сот Танзаниянын 42 жаштагы жаранын кыздарга тийишкен деген айып менен абакка салды. Сотто ал стюардессаны бир өөп алганын моюндап, бирок асылды деген айыпты такыр тааныбай тургандыгын айтты. 

Окуя 11-апрелде Emirates деп аталган авиакомпаниянын учагынын ичинде болгон. Алгач танзаниялык эркек стюардессаны селфи жасоого көндүргөн да, сүрөткө түшүп жатып кызды өөп жиберген. Ызаланган жыйырма беш жаштагы стюардесса окуя тууралуу учак Дубайга конору менен полицияга билдирген. Өпкүч эркек үч ай түрмөдө отуруп, жазасын өтөгөндөн кийин өлкөсүнө куулуп чыккан.

1088
Белгилер:
селфи, депортация, стюардесса, Дубай
Тема боюнча
Астана күнүнө карата абакта отургандар флешмоб өткөрүштү