Испаниянын токоюнда чыккан өрттү өчүрүү иштери

Испанияда токой өртүн өчүрүүгө мүмкүн болбой жатат

69
Өлкөнүн өрткө каршы күрөшүү жана жаратылышты коргоо уюмдары бул окуяны "апокалипсис" деп атады.

БИШКЕК, 8-сен. — Sputnik. Испаниянын токоюнда чыккан өрттү өчүрүүгө мүмкүн болбой жатканын РИА Новости билдирди.

Маалыматка ылайык, Испаниянын Оренсе провинциясында 3,2 миң гектар токой күйүп кетти. Токойдогу жалын ага жакын жайгашкан үйлөргө да жетип, О Шурес (O Xures) аттуу жаратылыш паркы жабыркады.

Провинциянын өрткө каршы күрөшүү жана жаратылышты коргоо уюмдары бул окуяны "апокалипсис" деп атады.

Жергиликтүү кызматтар өрттүн алдын алуу боюнча бардык аракеттерди көрүп жатканын маалымдашууда. Ал ортодо Жарандык Гвардия токойго өрт койгондорду издеп жатат. Жуманын башында Валенсия аймагында дагы өрт чыгып, 812 гектар токой күйгөн. Анын кесепетинен 1,4 миң киши башка жакка көчүрүлгөн.

Учурда Испаниянын бардык аймагында кырсыктын жогорку деңгээли жарыяланып, калкты этият болууга чакырыктар ташталды.

69
Белгилер:
токой, өрт, Испания
Тема боюнча
Испанияда кенч издеп жерге кирип кетти деген кишинин сөөгү табылды
Испаниядагы өрт 9 га токойду жок кылды
Ооруканада бөбөк. Архив

Өзбекстанда төрөлгөн эки баштуу сиам эгиздер 9 күн жашап чарчап калышты

97
(жаңыланган 19:30 06.07.2020)
Жарык дүйнөгө келген перзенттер жакшы дем ала албай, жүрөгү начар иштегендиктен көп профилдүү медициналык борбордо ак халатчандардын көзөмөлүндө болчу.

БИШКЕК, 6-июл. — Sputnik. Өзбекстанда июнь айынын соңунда төрөлгөн эки баштуу сиам эгиздер чарчап калышты. Бул тууралуу РИА Новости агенттиги өлкөнүн Саламаттык сактоо министрлигине таянып жазып чыкты.

Мекеменин маалыматына ылайык, өзгөчө эгиздер 27-июнда жарык дүйнөгө келип, салмагы 4,6 килограмм, бою 48 сантиметр эле.

Самаркандда сейрек кездешкен сиам эгиздери жарыкка келди. Видео

Изилдөөдөн кийин анын эки өтү бар экени, калган органдарды кадимки адамдыкындай эле жетилгени анык болгон. Жарык дүйнөгө келген перзенттер жакшы дем ала албай, жүрөгү начар иштегендиктен көп профилдүү медициналык борбордо ак халатчандардын көзөмөлүндө эле.

Жергиликтүү басылмалардын бири сиам эгиздин энеси ымыркайлардын кемтиги бар экенин үч айлык боюнда бар кезинде эле билгенин жазып чыгышты. Ага карабай ал төрөөнү чечкен.

Дарыгерлердин пикиринде, сиам эгиздеринин пайда болушуна гендик мутациялар себеп болгон.

97
Белгилер:
медицина, сиам эгиздери, Өзбекстан
Тема боюнча
Бангладеште бир баштуу сиам эгиздерин операцияга даярдашууда. Видео
Бишкекте коронавирустан көз жумган 27 жаштагы келин эгиз төрөгөн. Чоо-жайы
Илимий лабораториянын кызматкери. Архив

Дүйнөлүк уюм Россиянын COVID-19га каршы чыгарган вакцинасына кызыгып жатат

232
(жаңыланган 17:04 06.07.2020)
Дүйнөлүк саламаттыкты сактоо уюму Коронавируска каршы медициналык дарылардын тилектештик тести боюнча иш алып барууда. Бирок ага ири державалардын адистери катыша элек.

БИШКЕК, 6-июл. — Sputnik. Дүйнөлүк саламаттыкты сактоо уюму Россиянын COVID-19га каршы чыгарган вакцинасына кызыгып жаткандыгын аталган уюмдун башкы илимий кызматкери Сумия Сваминатан айтты. Бул маалыматты Sputnik радиосу таратты.

"Биз авифавир боюнча изилдөө, сыноо жүргүзүлүп жаткандыгын билебиз. Эки же үч дарыны тесттен өткөрүшүүдө, жыйынтыгын күтүп жатабыз. Мындан сырткары, россиялык вакцинага да кызыгуу бар", — деп айтып берген РИА Новостиге.

Сваминатан россиялык адистер вакцинаны иштеп чыкчулардын тилектештик тести менен кызматташууга макул болот деп үмүттөнүп жаткандыгын билдирген.

Россияда COVID-19га каршы вакцинаны сайдыргандардын абалы айтылды

Учурда Россия, Кытай, Улуу Британия, Франция жана АКШ Дүйнөлүк саламаттыкты сактоо уюму өткөрүп жаткан Коронавируска каршы медициналык дарылардын тилектештик тестине катышпай турат.

Россия өзү COVID-19га каршы бир учурда бир нече вакцина иштеп чыгып жатат.

"Вектор" борборунун адистери түзгөн үч вакцинанын прототиби сыноодон ийгиликтүү өттү. Мындан сырткары, учурда Гамалея атындагы эпидемиология жана микробиология илим-изилдөө институту менен биргеликте Коргоо министрлиги вакцинаны сыноону улантууда.

Россия COVID-19га каршы вакцинаны кантип сынап жатат. Ыктыярчылар тартылган видео

Жон Хопкинс университетинин акыркы маалыматтарына ылайык, жер жүзүндө коронавируска чалдыккандардын жалпы саны 11 миллион 564 миң 185ке жеткен. Илдеттен 536 миң 893 адам каза болгону айтылат.

Ал эми Кыргызстанда 7 691 учурга жетти. 2 843 адам сакайып, ооруканадан чыгарылса, тилекке каршы 92 жаран каза тапты.

Маалыматтарды Sputnik Кыргызстандын Telegram-каналына да кирип окуп турсаңыз болот.

232
Белгилер:
Дүйнөлүк саламаттыкты сактоо уюму, сыноо, тест, сыноочу, вакцина, коронавирус, Россия
Тема:
Дүйнөгө жайылган коронавирус
Тема боюнча
Россия COVID-19га каршы дары жана тесттерди дүйнөлүк рынокко алып чыгууга даяр
Депутат Чыныбай Турсунбеков

Депутаттар ЖКнын экс-спикери Чыныбай Турсунбековдун каза болгонун айтууда

268
(жаңыланган 01:12 07.07.2020)
Чыныбай Турсунбеков 60 жашта. Буга чейин ал пневмония оорусуна чалдыгып ооруканада жатканы айтылган.

БИШКЕК, 7-июл. — Sputnik. Жогорку Кеңештин депутаты Чыныбай Турсунбеков каза болду  деген маалыматтарды бир катар ЖМКлар, ЖКнын бир нече депутаттары социалдык тармакка жазышты. Ал эми ЖКнын маалымат кызматынын жетекчиси Ибраим Нуракун уулу  журналисттер жана башкаларды сабырдуулукка чакырып, маалыматтын тастыктала электигин айтты.

“Чыныбай Акунович... Бейиштен орун берсин. Жакындарына көңүл айтам. Дагы бир мыкты инсан арабыздан кетти..., — деп жазды депутат Кожобек Рыспаев.

Эльвира Сурабалдиева жана Дастан Бекешев да социалдык тармакта көңүл айтты.

"Ата Мекен" партиясынын лидери Өмүрбек Текебаевдин айтымында, Турсунбеков Бишкектеги Улуттук госпиталдын тез жардам терапия бөлүмүндө көз жумган.

Чыныбай Турсунбеков 57 жашта! Белгилүү саясий ишмер тууралуу 9 факты

Турсунбеков буга чейин пневмония оорусуна чалдыгып, абалы оор экенин айрым ЖМКлар жазышкан.

"Депутат жакынкы күндөрү өпкөнү жасалма дем алдыруучу аппаратынан чыгып, үйүнөн дарыланууга уруксат берилиши күтүлүүдө. Жалпы абалы жакшы жана стабилдүү. Алдын ала диагнозу пневмония. Коронавируска карата ПЦР-тести таза чыккан", — деп жазган эле Нуракун уулу.

Чыныбай Турсунбеков 60 жашта эле, Жогорку Кеңештин VI чакырылышынын төрагасы болуп иштеген.

268
Белгилер:
пневмония, өлүм, депутат, Чыныбай Турсунбеков
Тема:
Кыргызстандагы коронавирус жуктуруп алгандар
Тема боюнча
Белгилүү журналист Бүбүкан Досалиева дүйнө салды
Алмамбет Шыкмаматовдун жубайы Жанара Турдакунова пневмониядан каза болду