Токой. Архив

Окумуштуулар: жер 25 жылда жапайы жаратылыштын 10%ын жоготту

135
Уотсон жана анын кесиптештери адамдын колу тийбеген жерлердин картасын түзүп жатып, ушундай жыйынтыкка келишкен.

БИШКЕК, 10-сен. — Sputnik. Адам баласы чейрек кылымда жапайы жаратылыштын 10 пайызын жок кылды. Бул тууралуу РИА Новости Current Biology журналына таянып жазып чыкты. 

Макаладагы маалыматка ылайык, учурда кургактыктын 23 пайызы адамзаттын колу тийбеген бөлүк болуп саналат. 

"Биздин колубуздан келе турган нерсе — адам колу тие элек жерлерди коргоо болуп эсептелет. Эгер биз табиятты коргоп калбасак, жапайы жаратылыш жоголот. Анда бул жердин климаты үчүн, дегеле жалпы табият үчүн чоң катастрофа болмокчу. Мындан планетадагы калктын аярлуу катмары өзгөчө жабыр тартат. Биз азыр кандайдыр бир аракеттерди көрүп, балдарыбызга, неберелерибизге жакшы, корголгон табиятты өткөрүп беришибиз керек", — деди Квинсленд университетинен Джеймс Уотсон.

Уотсон жана анын кесиптештери адамдын колу тийбеген жерлердин картасын түзүп жатып, ушундай жыйынтыкка келишкен. Бул маалымат жапайы жаныбарларды коргоо Коому (WCS) тарабынан өткөн кылымдын 90-жылдарынан бери жаңыланган эмес.

Окумуштуулардын иликтөөсүндө "катастрофалык" жерлер көбөйүп, акыркы 20-25 жылда жапайы жаратылыштын 9,6% жоголуп кеткен. Бул жерлер аянты боюнча Австралиянын жарымына же АКШнын үчтөн бир бөлүгүнө барабар (3,3 миллион чакырым).

Макалада мындай аймактар көбүнчө эки континентте — Түштүк Америка жана Африкада көп. Буга токойлордун кыйылышы, айыл-чарба жерлеринин жардыруу аркылуу кеңейтилиши жана ошондой эле абдан тездик менен калктын санынын өсүшү таасир эткен.

Окумуштуулар өткөн кылымдын 90-жылдарында мыйзам тарабынан табиятка кол тийгизүүгө тыюу салынган кээ бир аймактардын азыр дагы ошол абалда тургандыгын айтышат.

135
Белгилер:
климат, жаратылыш, жер, Африка, Түштүк Америка
Тема боюнча
Окумуштуулар "ак кол, ак чүч" аялдар кайсы мамлекетте көп экенин аныкташты
Окумуштуулар: бою узундар кодолорго караганда алыс аралыкты жакшы эсептешет
Бавария оюнчусу Роберт Левандовски алтынчы голду киргизүүдө

"Барселонанын" дарбазасына кирген 8 топ! 74 жылдан берки ири жеңилүү

27
(жаңыланган 11:19 15.08.2020)
Окуя "Барселонанын" тарыхында Европа кубогу үчүн мелдештериндеги эң ири эсептеги жеңилүү болуп калды.

БИШКЕК, 15-авг. — Sputnik. Испаниянын "Барселона" клубу УЕФАнын Чемпиондор лигасы мелдешинин чейрек финалында германиялык "Бавария" командасына 8:2 эсебинде утулду. Бул тууралуу РИА Новости жазды.

Мындай көрүнүш каталониялык команданын 74 жылдан бери эң ири эсепте утулган оюну болду. Акыркы ирет "Барселонанын" дарбазасына сегиз гол кирген учур 1946-жылы катталган. Анда Испаниянын кубогу үчүн мелдеште "Севилия" 8:0 эсебинде уткан.

УЕФА футболдук беттештери COVID-19 курмандыктарына аза күтүү менен башталат

"Барселона" буга чейин 1931-жылы өлкө чемпионатында "Атлетик" клубуна 12:1 эсебинде, 1940-жылы "Севилияга" 11:1 эсебинде утулган. 8:2 эсеби менен эки ирет, 1935 жана 1943-жылдары Испания кубогунда мадриддик "Реал" клубуна жеңилген.

Кечээ Лиссабондо Чемпиондор лигасында "Бавария" менен беттеши "Барселонанын" тарыхында Европа кубогу үчүн күч сынашуусундагы эң ири эсептеги жеңилүү болуп калды.

Эскерте кетсек, пандемияга байланыштуу аталган мелдеш августта жанданып, коронавирус илдети жок деген аймакта — Португалиянын Лиссабон шаарында борборлоштурулуп өтүүдө. Чейрек, жарым финалдык оюндар бир эле беттеш менен уюштурулуп жатат.

27
Белгилер:
тарых, эсеп, жеңилүү, Барселона, Чемпиондор лигасы, футбол
Тема боюнча
Кыргызстандык футболчу Гүлжигит Алыкулов УЕФАнын мелдешинде ойнойт
Түркияда ойногон кыргызстандык жаш футболчу эл аралык сыйлыкка татыды
Телефонго жүктөлгөн Telegram тиркемеси. Архивдик сүрөт

Көрүп сүйлөшсө болот. Telegram мессенджерине видеочалуу кошулду

22
(жаңыланган 11:23 15.08.2020)
Мессенджер жети жыл ичинде өзүнө 400 миллион активдүү колдонуучуну топтой алганын айтып, алардын суранычы менен видеочалууну киргизгенин билдирди.

БИШКЕК, 15-авг. — Sputnik. Telegram мессенджери жети жылдык мааракесин утурлай видеочалуу кызматын кошконун РИА Новости жазды.

Азырынча функция Android OС базасындагы смартфондордун колдонуучулары үчүн гана жеткиликтүү экендиги белгиленди.

WhatsApp жаңы функцияны ишке киргизип жатат

"2013-жылы маалыматтарды коопсуз алмаша алган анча чоң эмес тиркемени иштеп чыктык эле. Азыр эми өсүп-өрчүп, өзүнө 400 миллион активдүү колдонуучуну топтой алды. Ушул тапта эл көптөн бери суранган кызматты кошуп жатабыз. Эми катталуучулар бири-бирин көрүп дагы сүйлөшө баштайт. Жакшы жери — видео аркылуу сүйлөшүп жатып эле аны экрандан жылдырып коюп, чатта жазыша берсе болот. Мындан сырткары, анимациялык быйтыкчалар дагы көбөйтүлгөн", — деп жазылган мессенджердин расмий блогунда.

Ошондой эле учурда Android түзүмүнөн тышкары iOS колдонуучуларына да видеочалууну киргизүү боюнча иштер жүрүп жатканы кошумчаланды.

Мындан сырткары, жакынкы күндөрү видео аркылуу бир нече адам бир убакта кошулуп сүйлөшө алгыдай мүмкүнчүлүктөр каралып жатат.

22
Белгилер:
чалуу, колдонуучу, кызмат, Telegram
Тема боюнча
Instagram: 25 билдирүүнү дароо өчүрүүгө мүмкүнчүлүк жаралды
Telegram мессенджеринде жаңы функциялар пайда болду
Медиктер бейтапты ташууда. Архивдик сүрөт

Коронавирус дагы эки адамдын өмүрүн алды

0
(жаңыланган 11:37 15.08.2020)
Илдетке кабылып, абалы оорлошкондордун басымдуу бөлүгү дарыланган "Семетей" обсервациясы кечээ жабылды.

БИШКЕК, 15-авг. — Sputnik. Коронавирус дагы эки бейтаптын өмүрүн алганын Республикадык штаб кабарлады.

Ага ылайык, жугуштуу оорудан көз жумгандар Ош шаары менен Нарын облусунда катталган.

Жалпысынан коронавирустан көз жумган кыргызстандыктардын саны 1 493кө жетти.

0
Белгилер:
стационар, өлүм, Кыргызстан, коронавирус
Тема:
Кыргызстандагы коронавирус жуктуруп алгандар
Тема боюнча
Бүгүн COVID-19га кабылган 272 адам аныкталды
Кечээтен бери өлкөдө коронавирустан 329 адам сакайды