ФБР балдарын какыс-кукус кылган Брэд Питтке иш козгошу мүмкүн

© Sputnik / Екатерина Чеснокова / Медиабанкка өтүүАктер Уильям Брэдли "Брэд" Питтин архивдик сүрөтү
Актер Уильям Брэдли Брэд Питтин архивдик сүрөтү - Sputnik Кыргызстан
Жазылуу
Ал арада ажырашууга себепкер деп айтылып жаткан француз актриса Марион Котийяр үн катты.

БИШКЕК, 23-сен. — Sputnik. ФБР актер Брэд Питтин балдарына жасаган катуу мамилеси боюнча иликтөө ишин ачышы мүмкүн. Бул туурасында РИА Новости Ассошиэйтед Пресске таянып кабарлады.

Ведомствонун өкүлү Лора Эмиллер ФБР басылмалар жазгандай, Питтин балдарына жасаган урду-сокту мамилеси боюнча маалыматтардан улам иликтөө ишин баштоону карап жатат. Питт жубайы Анжелина Жоли жана балдары менен учуп-конуп жүргөн учурда жаалданып, урушуп тим болбостон, чаап жибергендиги үчүн күнөөлөнүүдө. 

Белгилүү жубайлар Анжелина Жоли менен Брэд Питтин архивдик сүрөтү - Sputnik Кыргызстан
Момдон жасалган Анжелина менен Брэд да "ажырашты"
Буга чейин TMZ порталы Питтин ишин Лос-Анжелестин полициясы иликтеп баштаганын жазган.

Аптанын ортосунда Жоли азырашууга арыз бергендиги маалым болгон. 

Ал арада француз актриса Марион Котийяр үн катты. Бир катар басылмалар Брэд Питт менен Анжелина Жолинин ажырашуусуна дал ушул аялды күнөкөр деп жазып чыккан. Себеби буга чейин алар биргелешип тартылган "Союздаштар" тасмасында жакын болуп кеткен деген маалыматтар айтылган. 

Актриса жылдыздуу түгөйлөрдүн ажырашуусуна себепкер эместигин жана эч кандай сүйүү оту жанбаганын билдирген. Котийяр балдарынын атасы жана жакшынакай жубай бардыгын баса белгилеп, ал жашоосундагы эң сүйүктүү адамы экендигин айткан. 

Ажырашуунун себеби катары Жоли жубайы менен болгон пикир келишпестиктерди атаган. Мындан тышкары, актриса жуптардын алты баласы тең анда калышын өтүнгөн. Ал эми Питт алар менен каалаган учуруда жолугуп, юридикалык жактан балдардын камкорчусу бойдон кала бермекчи.

Жаңылыктар түрмөгү
0