Голливуд актеру Жим Керри

Жим Керри сүйлөшкөн кызына жыныстык оору жугузган деп айыпталды

102
(жаңыланган 14:14 12.10.2016)
Буга чейин Катрион Уайттын күйөөсү Марк Бертон актерду сотко берген. Ал актерду кызга туура эмес дары-дармектерди берип келген деп күнөөлөгөн.

БИШКЕК, 12-окт. — Sputnik. Былтыр сентябрь айында Жим Керринин каза болгон мурдагы сүйлөшкөн кызынын энеси Голливуд актеруна каршы Лос-Анджелестин сотуна доо арыз жазды. Ал актерду кызынын өлүмүнө себепкер деп айыптаган. Бул тууралуу Британиянын Би-Би-Си телерадиокорпорациясына шилтеме кылып РИА Новости жазып чыкты.

Катрион Уайттын энеси Бриджит Суитман анын кызы мыйзамсыз дарыларды ашыкча ичип алгандыгы үчүн каза болгонун, ал дарыны Жим Керри алып бергендигин айтууда.

Арызда актер кызына кылган мамилеси үчүн уялышы керектиги жазылган. 

"Биз дүйнө чындыкты билишин каалайбыз. Чынында Жим Керри ким болгонун, анын кызга жыныстык катнаш аркылуу инфекцияларды жугузгандыгы, аны кордоп- басынтканы, кыздын үй-бүлөсүнүн оозун басуу үчүн өзүнүн юристтерин колдонгонун жана кызга мыйзамсыз дарыларды бергендигин айтыш керек", — деп жазылган Лос-Анджелес сотуна берилген документте.

Буга чейин Жим Керриге карата ушул сыяктуу доомат менен маркумдун күйөөсү Марк Бертон менен сотко кайрылган. Ал актерду кызга туура эмес дары-дармектерди берген деп күнөөлөгөн.

Керри өзүнүн дарегине айтылган дооматтарды "шермендечилик" деп атап, качандыр бир убакта адамдар өз пайдасы мындай иш-аракеттерди жасоону токтоторунан үмүттөнөрүн белгиледи.

Былтыр сентябрь айында полиция Катрион Уайттын жансыз денесин Лос-Анджелестеги үйүнөн табышкан.

Ал көп өлчөмдө дары ичип өзүнө кол салышы ыктымал экени айтылган. ЖМКлар ал өлүмүнө чейин бир нече саат мурун Жим Керри менен мамилесин үзгөндүгүн айтып чыгышкан. Бул учурда Катрион Марк Бертондун мыйзамдуу аялы болчу. 

102
Белгилер:
актер, оору, жугузуу, Жим Керри, Голливуд
Тема боюнча
Актер Жим Керри мурдагы сүйлөшкөн кызынын өлүмүнө айыпталып жатат
UFC уюмунун жеңилирээк салмактагы чемпиону Валентина Шевченко бир тууган эжесин Антонина менен. Архив

Ыңгайсыз болуп турам. Валентина эжеси Антонинаны колдогон сөздөрүн жазды

29
(жаңыланган 12:30 31.05.2020)
Антонина сиңдиси Валентинанын мурдагы атаандашы менен кармашты. Ушул жылдын февралында кыргызстандык спортчу Чукагянды техникалык нокаут менен утуп алган.

БИШКЕК, 31-май — Sputnik. UFC уюмунун жеңилирээк салмактагы (57 кг) чемпиону Валентина Шевченко UFC on ESPN 9 турниринде Кэтлин Чукагянга утулган эжеси Антонинаны колдоого алды. Ал билдирүүсүн Twitter-аккаунтуна жазды.

Бүгүн эртең менен болгон беттеште Антонина Шевченко америкалык Кэтлин Чукагян менен кез келип, калыстардын бирдей чечими менен жеңилип калды. Каршылашы беттештин жүрүшүндө көбүрөөк үстөмдүк кылды.

"Кандай гана болбосун, сени жакшы көрөм, менин сүйүктүү эжем! Сен мага эргүү, колдоо берген дүйнөдөгү эң кымбат адамымсың. Жаракатыма байланыштуу октагондун бурчунда туруп, сага колдоо көрсөтө албай калганыма ыңгайсыз болуп турам. Бирок ар дайым жаныңда болом", — деген Валентина.

Белгилей кетсек, эже-сиңди бир салмактан беттешке чыгышат. Бүгүн Антонина Валентинанын мурдагы атаандашы менен кармашты. Ушул жылдын февралындагы UFC 247 турниринде кыргызстандык спортчу Чукагянды техникалык нокаут менен утуп, наамын коргоп калган.

29
Белгилер:
атаандаштык, колдоо, беттешүү, Валентина Шевченко, Антонина Шевченко, UFC
Тема боюнча
Антонина Шевченко Лас-Вегастагы UFC турниринде жеңилип калды. Видео
Мындан да күчтүү болуп кайтам! Бети-башы көгала Антонина үн катты
Коронавируска тест жасап жаткан медицина кызматкери

Ааламда коронавирус жуктургандардын саны 6 миллиондон ашты

12
(жаңыланган 12:10 31.05.2020)
Пандемия башталгандан бери жер жүзүндө 369,1 миң адам көз жумду. Коронавирус жуктурган жана каза тапкан мамлекеттердин сап башында Америка турат.

БИШКЕК, 31-май — Sputnik. Дүйнө жүзүндө коронавирус инфекциясын жуктурган адамдардын саны 6 миллиондон ашты. Бул тууралуу Жон Хопкинс университетинин сайтында жазылган.

Акыркы маалыматтар боюнча, жалпы жонунан вируска кабылгандардын саны 6 миллион 60 миң кишиге жетти. Пандемия башталгандан бери 369,1 миң адам көз жумду.

Дүйнө жүзү боюнча АКШда инфекциянын эң көп учуру аныкталды, ал жакта ооругандардын саны 1,7 миллиондон ашат. Экинчи орунда Бразилия турат, жуктургандарды саны 498 миңден көп. Үчүнчү сапта Россия, ал мамлекетте вирустун 396,5 миң учуру катталган.

Коронавирустан каза тапкандар боюнча дагы Америка алдыга чыкты. Өлкөдө 103,781 адам көз жумган.

12
Белгилер:
өлүм, жуктуруу, коронавирус, Дүйнө
Тема:
Кытайдагы жаңы типтеги коронавирус
Тема боюнча
Москвада чектөөлөр коронавирустун вакцинасы чыкканга чейин улантылат
Мышык менен ойноп жаткан бөбөк. Архив

Бөбөгүн жоготкон бала милицияга айтып, алар эки жашар баланы эки саатта тапты

0
(жаңыланган 12:55 31.05.2020)
29-май күнү милиционерлер Ак-Өргө конушун аралап нөөмөттө жүргөндө, инисин жоготуп алган бала кайрылган.

БИШКЕК, 31-май — Sputnik. Патрулдук милиция башкармалыгынын инспекторлору Бишкектин Ак-Өргө кичи районунда жоголуп кеткен эки жашар баланы ата-энесине таап берди. Бул тууралуу аталган башкармалыктын маалымат кызматынан билдиришти.

29-май күнү милиционерлер Ак-Өргө конушун аралап нөөмөттө жүргөндө, инисин жоготуп алган бала (жашы айтылган эмес) кайрылган. Ал саат 13.30дар чамасында эшиктин алдында ойноп турган инисин таппай калганын айткан.

"Эки сааттан кийин бөбөк ошол эле конуштагы Гагарин менен Ашар көчөлөрүнүн кесилишинен табылып, ата-энесинин колуна тапшырылды", — деп айтылат билдирүүдө.

Милициядан билдиришкендей, небересинин табылганына сүйүнгөн чоң эне инспекторлорго ыраазычылыгын айткан.

0
Белгилер:
издөө, бала, милиция, "Ак-Өргө" кичи району, Бишкек
Тема боюнча
Чүйдөн жоголгон өспүрүм кыздар Баткенден табылды