WhatsApp мобилдик тиркемеси. Архив

WhatsApp Android колдонуучулары үчүн видео чалууларды сынай баштады

485
(жаңыланган 10:47 27.10.2016)
Чектелген колдонуучулардын чөйрөсүндө үн билдирүү менен чалуудан сырткары видео чалуу кызматы пайда болду. Бул функция WhatsApp тиркемесинин акыркы бета-версиясында иштейт.

БИШКЕК, 27-окт. — Sputnik. WhatsApp уюлдук мессенджери Adroid колдонуучуларынын чектелген чөйрөсүндө видео чалууну сынай баштады. Бул тууралуу Android Police интернет-порталына шилтеме кылып The Daily Mail британ басылмасы маалымдады. 

​Басылма белгилегендей, WhatsApp аркылуу чалууну каалаган колдонуучулар үн жана видео чалуу деген эки тандоону көрүшөт. Ошол эле учурда камера аркылуу баарлашуу үчүн чалууну кабыл алып жаткан тараптын дагы ушул версиясы болушу шарт.

Skype функцияларына окшогон жаңы кеңейтүү WhatsApp тиркемесинин акыркы бета-версиясында (2.16.318) иштейт, айрымдарында бул кызмат жаңылоо орнотулбаса деле жеткиликтүү. Азырынча кеңири жеткиликтүү боло турган учур айтыла элек.

Тиркеменин иштеп чыгуучулары жакында эле видеого жана фотого жазганга жана тартканга мүмкүн боло турган камеранын мүмкүнчүлүгүнүн кеңейиши менен тааныштырган. 

485
Белгилер:
фото, камера, WhatsApp
Тема боюнча
ЖМК: WhatsApp камерасынын мүмкүнчүлүгүн кеңейтти
Президент Садыр Жапаров. Архивдик сүрөт

Садыр Жапаров эртең Казакстанга барып кимдер менен жолугары белгилүү болду

120
(жаңыланган 12:38 01.03.2021)
Жапаров коңшу өлкөнүн биринчи адамдары, тунгуч президенти жана ишкерлери менен жолугушары күтүлүүдө.

БИШКЕК, 1-мар. — Sputnik. Президент Садыр Жапаров 2-3-март күндөрү Казакстанга мамлекеттик иш сапары менен барат. Бул тууралуу президенттик апараттын тышкы саясат бөлүмүнүн башчысы Дастан Дүйшекеев билдирди.

Сапардын алкагында мамлекет башчы коңшу өлкөнүн президенти Касым-Жомарт Токаев менен сүйлөшүүлөрдү жүргүзүп, эки жана көп тараптуу кызматташуунун актуалдуу маселелерин, ошондой эле өз ара байланыштардын мындан аркы келечегин талкуулай турганы белгиленди.

"Казакстан менен кызматташтыгыбыз жогорку деңгээлде жана иш жүзүндө бардык чөйрөлөрдө эки жана көп тараптуу өз ара кызматташуунун оң динамикасы бар. Биз Казакстан Республикасы менен стратегиялык өнөктөштүктү жана союздаштык мамилелерди мындан ары чыңдоо максатын көздөйбүз", — деп белгиледи Дүйшекеев.

Мындан сырткары, Жапаров Казакстандын тунгуч президенти Нурсултан Назарбаев, Парламенттин Мажилисинин төрагасы Нурлан Нигматулин жана премьер-министр Аскар Мамин менен жолугушары күтүлүүдө.

Соода-экономикалык мамилелерди өнүктүрүүнүн маанисин эске алып, Казакстандын ишкерлер чөйрөсүнүн өкүлдөрү менен жолугушуу дагы каралган.

120
Белгилер:
иш сапар, жолугушуу, Казакстан, Садыр Жапаров
Тема боюнча
Садыр Жапаров 2-3-март күндөрү Казакстанга барат
Коңшулук мамилени арттыралы. Жапаров Өзбекстандын ТИМ башчысын кабыл алды
ӨКМ кызматкери. Архивдик сүрөт

5 студенттин өлүмү. Ташкентте кафени атайылап өрттөдү делген киши кармалды

68
(жаңыланган 10:56 01.03.2021)
Тергөөнүн алгачкы маалыматы боюнча, шектүү кафенин ичине жана дубалына белгисиз суюктук чачып өрт койгон.

БИШКЕК, 1-мар. — Sputnik. Ташкент шаарындагы "Шовотландия" кафесине өрт коюуга шектелген адам кармалды. Бул туурасында Sputnik Өзбекстан агенттиги жазды.

Чилензарск районундагы кафеден чыккан өрт тууралуу маалымат өрт өчүрүү кызматына 27-февралда түнкү саат 3:51лер чамасында түшкөн. Жалын саат 4:37де чектөөгө алынган. Кийинчерээк шаардык милиция башкармалыгы кырсык болгон жерден беш студент ууланып каза болгонун кабарлаган.

Милиция Самарканд облусуна караштуу Тайлак районунун тургуну, мурда соттолгон жаран атайылап өрт коюушу мүмкүн деп эсептеп жатат.

"Тергөөнүн алгачкы маалыматы боюнча, ал 27-февралда саат 3:30да Daewoo Matiz үлгүсүндөгү унаа менен кафеге келип, дубалына белгисиз суюктук чачкан. Андан соң ичине дагы бир идиштеги суюктукту ыргытып күйгүзүп жиберген. Шектүү өрт тутанганча карап туруп, анан качып кеткен", — деп айтылат билдирүүдө.

Бул боюнча "Атайылап жок кылуу жана мүлктү зыянга учуратуу" беренеси менен кылмыш иши козголгон. Тергөөнү Ташкент прокуратурасы жүргүзүп жатат.

68
Белгилер:
өлүм, студент, кафе, кармоо, өрт, Ташкент
Тема боюнча
Былтыр "Орто-Сай" базарында ири өрт чыгарган деген киши кармалды
Өрт чыккан үйдөн чиедей беш бир тууган көз жумду. Казакстандагы жүрөк тилген окуя
Суу өчүрүү. Архив

Эртең Бишкектин айрым жерлеринде суу болбойт

0
(жаңыланган 13:40 01.03.2021)
Суу токтотулган конуштун тургундары, социалдык мекемелердин баары жергиликтүү бийлик өкүлдөрү тарабынан кошумча эскертилери белгиленди.

БИШКЕК, 1-мар. — Sputnik. Эртең Бишкектин бир районунда суу болбойт. Бул тууралуу мэриянын маалымат кызматы билдирди.

Бишкектин "Ак-Босого-1", "Ак-Босого-2" суу тосмолорун оңдоо жана шаардык суу түтүктөрү тармагын жазга карата даярдоонун алкагында айрым көчөлөрдө суу токтойт.

"Эртең, 2-мартта, саат 09:00дөн кечки 18:00гө чейин Ак-Босого конушунда жана райондогу Сары-Челек, Нурек, Андижан жана Бухара көчөлөрүндө ичүүчү суу убактылуу токтотулат. Ошондой эле №81 мектепте, №2 "Алтынай" балдар бакчасында, №14 Үй-бүлөлүк дарыгерлер борборунда, №15 милиция пунктунда жана №16 муниципалдык аймагында убактылуу суу жок болот", — деп айтылат маалыматта.

Конуш тургундары, социалдык мекемелердин баары жергиликтүү бийлик өкүлдөрү тарабынан кошумча эскертилери белгиленди.

Шаар бийлиги ичүүчү сууга байланышкан бардык маселелер боюнча 1533 бирдиктүү маалымат борборуна жана мэрияда үзгүлтүксүз иштеп жаткан 1840, 1850 номерлерине кайрылууга болорун айтты. Ал эми көйгөй боюнча сүрөт, видео материалдарды 0554 182-185 WhatsApp номерине салууга болот.

0
Белгилер:
эскертүү, өчүрүү, оңдоо, суу, Бишкек мэриясы
Тема боюнча
Уурдабагылачы?!. Мэрия шаардыктарга кайрылды