Сейилдөө. Архивдик сүрөт

Окумуштуулар: таза абада көп сейилдеген адам инфаркттан оолак болот

286
(жаңыланган 14:42 09.01.2019)
Америкалык окумуштуулар сейилдөө жүрөктүн жана кан тамырлардын жакшы иштешине таасир берип, ооруларды алдын аларын айтып чыгышты.

БИШКЕК, 23-ноя. — Sputnik. Америкалык окумуштуулар көп жана үзгүлтүксүз сейилдөө жүрөк жана кан тамырлардын иштешин жакшыртып, адамды инфаркттан жана башка жүрөк ооруларынан сактай тургандыгын айтып чыгышты.

Бул тууралуу Creative Nursing журналындагы макалага шилтеме жасап РИА Новости билдирди. 

Бингхэмтон университетинен Памела Фас жана анын кесиптештери 70тей жаш жана улгайган аялдардын арасында байкоо жүргүзүшкөн. Алар Нью-Йоркто жашаган жана сергек жашоо образына, сейилдөөгө үгүттөгөн ар түрдүү ыктыярдуу программаларга катышкан адамдар эле.

Анализ көрсөткөндөй аялдар канчалык көп басып, сейилдеген сайын алардын канында холестериндин деңгээли жана кан басымы төмөн болгон. Кардиограммасы жана башка анализдери да өзгөрүп турган. Мунун баары жүрөктүн жана кан тамырлардын иштешин жакшыртканын көрсөтөт.

286
Белгилер:
кан тамыр, сейил бактары, инфаркт, жүрөк, Окумуштуулар
Тема боюнча
Жалал-Абаддагы жүрөк-кан тамыр илимий борборун дарыгерлер өздөрү оңдоого белсенүүдө
Дарыгер Жумабеков: ангина жүрөк сыздатса, кулак-мурун оорусу мээге чабат