Илимпоздор кызамыкка каршы жаңы дары иштеп чыгышууда

© Sputnik / Валерий Мельников / Медиабанкка өтүүШприц кармаган доктурдун архивдик сүрөтү
Шприц кармаган доктурдун архивдик сүрөтү - Sputnik Кыргызстан
Жазылуу
"Тирүү" вирустун негизинде жаралган кызамыкка каршы вакцина кырк жылдан бери колдонулуп келгени менен биологдор бул вакцинаны кош бойлуу айымдар үчүн сунуштабайт.

БИШКЕК, 24-ноя. — Sputnik. Москва университетинин биологдору өсүмдүктөрдү жабыркатуучу вирустун негизинде жасалган кызамык дартына каршы вакцинаны клиникалык текшерүүгө жиберишти. Бул тууралуу Vaccine журналы жазганын РИА Новости билдирди. 

Кызамык — жеңил жугуштуу оору. Кош бойлуу айымдарга жана ичиндеги балага да өтө зыян. "Тирүү" вирустун негизинде жаралган кызамыкка каршы вакцина кырк жылдан бери колдонулуп келгени менен биологдор бул вакцинаны кош бойлуу айымдар үчүн сунуштабайт. 

"Тескеринче, эмделген кош бойлуу айым ден-соолугуна коркунуч жаратып алышы ыктымал. Ошондуктан биз жаңы вакцинанын үстүндө иштеп жатабыз", — деди Ломоносов атындагы Москва мамлекеттик университетинен Ольга Карпова.

Илимпоздор кызамык дартына каршы өсүмдүктөрдү жабыркатуучу вирустун негизинде жасалган жаңы вакцинанын үстүндө көп убакытка чейин иштешкенин белгилеп, жыйынтыгы жакшы болгонун айтышат.

"Бул вакцинанын көчүрмөсүн жаныбарларга колдонуп көрүп, колдонууга болорун текшердик, эффективдүүлүгүн байкадык", — деп билдирди илимпоздор.

Учурда окумуштуулар өз ишин улантып, жаңы вакцинаны клиникалык текшерүүгө жиберишти. 

Жаңылыктар түрмөгү
0