Дутертеге адам өлтүргөнү үчүн импичмент жарыяланышы мүмкүн

© REUTERS / LEAN DAVAL JRФилиппин президенти Родриго Дутертегенин архивдик сүрөтү
Филиппин президенти Родриго Дутертегенин архивдик сүрөтү - Sputnik Кыргызстан
Жазылуу
Полициянын берген маалыматы боюнча Дутерте бийликке келгенден бери баңгизат ишмердүүлүгү менен алектенген үч миңге чукул адам өлтүртүлгөн.

БИШКЕК, 15-дек. — Sputnik. Филиппин президенти Родриго Дутертеге импичмент жарыяланышы мүмкүн. Бул тууралуу РИА Новости Рейтер агенттигине шилтеме берип жарыялады.

Мурда Родриго Дутерте Давао шаарынын мэри болуп турганда кылмышка шектелген адамдарды өзү өлтүргөнүн айтып чыккан. 

"Бул нерсени Даваодо өзүм жасагам. Аны мен кыла алгандан кийин полиция да жасай алат деген түшүнүктү киргизгим келген. Мен Даваодо мотоцикл менен көчөлөрдү көзөмөлдөп, кылмышкер адамды өлтүрүү үчүн чынында кандайдыр бир жаңжалды издечүмүн", — деди Дутерте.

Мындан улам сенатор Лейла да Лима анын адам өлтүрүү кылмышы ага каршы импичмент жарыялоого негиз болоорун айткан.

"Бул коомдук ишеничке чыккынчылык кылуу болуп саналат. Анткени массалык адам өлтүрүү оор кылмышка барабар. Баш мыйзамга ылайык, оор кылмыш кылганда ага каршы импичмент жарыялоого болот", — деди сенатор.

Түштүк Кореянын президента Пак Кын Хенин архивдик сүрөтү - Sputnik Кыргызстан
Түштүк Кореянын президентине импичмент жарыяланды
Май айында Филиппинге президент болуп шайланган Дутерте баңгизат колдонуп, аны тараткан адамдарга каршы күрөш баштаган. Полициянын берген маалыматы боюнча ал бийликке келгенден бери баңгизат ишмердүүлүгү менен алектенген үч миңге чукул адам өлтүртүлгөн. Дүйнө коомчулугу өлкөдөгү баңгизат сатуу аракеттерине каршы күрөшкөн Дутертенин аракеттерин бир нече жолу талкуулаган.

Жаңылыктар түрмөгү
0