Президент Гамбии Яйя Джамме

Гамбия президенти шайлоодон утулгандан кийин анын жыйынтыгын жокко чыгарып салды

1280
(жаңыланган 16:05 15.12.2016)
Учурдагы өлкө башчы мамлекетти 1994-жылдан бери жетектеп келет. Акыркы жолу 2013-жылы кайра шайланган.

БИШКЕК, 15-дек. — Sputnik. Континенталдык Африкадагы эң кичинекей мамлекет — Гамбиянын лидери президенттик шайлоодон утулуп калгандан кийин анын жыйынтыгын жокко чыгарып салды. Бул тууралуу Американын Washington Times жазып чыкты.

Үстүбүздөгү жылдын 1-декабрында Гамбияда президенттик шайлоо өтүп, 1994-жылдан бери мамлекетти жетектеп келген Яйя Жамма оппозициячыл атаандашы Адам Бэрроудан утулуп калган. Жеңилгенине моюн сунуп берген Жамма бир жумадан кийин шайлоонун жыйынтыгын жокко чыгарып, кайра добуш берилишин талап кылган.

Маалыматка ылайык, шейшемби күнү коопсуздук күчтөрү Борбордук шайлоо комиссиясынын имаратын басып алган. Кечээ БУУнун башкы катчысы Пан Ги Мун бул көрүнүштү сынга алып, имаратты бошотууну талап кылган. Мындан тышкары, бийликти тынч өткөрүп берүүгө тоскоолдук жарата турган бардык аракеттерден баш тартууга чакырган.

51 жаштагы Яйя Жамма аскердик төңкөрүштөн кийин өлкөнү 1994-жылдан бери башкарып келет. Акыркы жолу 2013-жылы кайра шайланып, президенттик такка отурган.

1280
Белгилер:
жеңилүү, президент, шайлоо, Гамбия
Тема боюнча
Атамбаев Мирзиёевди Өзбекстандын президенти болушу менен куттуктады
UFC чемпиону Хабиб Нурмагомедов. Архив

Көк бөрү көрөбүз! Хабиб машыктыруучусу менен Кыргызстанга келет

76
(жаңыланган 00:06 26.11.2020)
Нурмагомедов Кыргызстанга 2018-жылы келген. Анда ал өлкөдө ушунчалык атактуу экенине таң калганын билдирген.

БИШКЕК, 25-ноя. — Sputnik. UFC чемпиону Хабиб Нурмагомедовдун машыктыруучусу Хавьер Мендез Instagram баракчасына Кыргызстанга келип, көк бөрү оюнун көрүү каалоосу тууралуу жазган.

Посмотреть эту публикацию в Instagram

Публикация от Javier Mendez (@akajav)

Мендез менен Нурмагомедов азыр Бириккен Араб Эмирлигинде жүргөнү маалым болду. Машыктыруучу Кыргызстанды кайрадан көргүсү келип жатканын кыргыз ишкери менен жолукканда айткан.

"Кереметтүү Кыргызстанга барууну чыдамсыздык менен күтүп жатам, ошондой эле көк бөрү оюнун да көрсөк дейбиз", — деп жазган Мендез. 

UFC чемпиону да Instagram баракчасынын сторис бөлүмүнө "Жакында Кыргызстанга барам" деп жазган.

Белгилей кетсек, 2018-жылы Хабиб Нурмагомедов Улуттук олимпиада комитетинин чакыруусу менен өлкөгө келип кеткен. Анда ал КРде ушунчалык атактуу экенине таң калганын билдирген.

76
Тема боюнча
Миссиямды аткардым. Хабиб кайра октагонго чыгар-чыкпасын айтты
Легендарлуу футболчу Диего Марадона. Архив

Легендарлуу футболчу Диего Марадона көз жумду

105
(жаңыланган 22:50 25.11.2020)
Аргентиналык спортчу 60 жашта болчу. Ал 30-октябрда медициналык көзөмөлдөн өтүү үчүн ооруканалардын бирине жаткырылган.

БИШКЕК, 25-ноя. — Sputnik. Футбол боюнча 1986-жылы дүйнө чемпиону болгон легендарлуу футболчу Диего Марадона көз жумду. Бул тууралуу РИА Новости Аргентинанын TN телеканалына таянып кабарлады.

Аргентиналык спортчу 60 жашта болчу.

30-октябрда "Химнасия жана Эсгрима" футбол клубуна башкы машыктыруучулук кылып жаткан Марадона бир катар текшерүүлөрдөн өтүү үчүн ооруканага жаткырылган. Кийинчерээк анын мээсине операция жасалгандыгы кабарланган. Марадона ооруканадан 12-ноябрда чыгарылганы айтылган. Футбол адисинин акыркы жылдары басканы оорлошуп, өзүн начар сезип калган.

105
Тема боюнча
Роналду, Зидан, Марадона... Дүйнөлүк футболчулардын атын алган кыргызстандыктар