Лондон шаарынын мэри Борис Джонсон жана Голливуд актеру Арнольд Шварценеггер. Архивд

Мэр деп ушуларды айт! Кыялда жүргөн шаар башчылары…

523
(жаңыланган 15:52 09.01.2017)
Эгер Бишкектин жаңы мэри велосипед менен жүрүп, жеке кабинетинен баш тартып, кылмыштуулукту 70 пайызга кыскартып, Интернеттен элге жасаган иши тууралуу айтып, бир нече жыл ичинде шаарды өзгөртө алса — ал жөнүндө бүтүндөй дүйнө сөз кылары шексиз.

11-январь күнү Бишкек шаардык кеңеши мэр шайлайт. Калаа башчылыгына же учурдагы мэр Албек Ибраимов, же "Өнүгүү — Прогресс" фракциясынан көрсөтүлүп жаткан Нурдин Абдылдаев келет. Шайлоого сыртынан көз сала турган шаардыктар жаңы жетекчи төмөндө сөз кылчу мэрлердей болуп жакшы иштеп берет деп үмүт артып турушат.

Генеральный директор Renault Луи Швейцер и губернатор бразильского штата Парана Джейм Лернер в городе Булонь-Бийанкур.
© AFP 2021 / THOMAS COEX
Бразилиядагы Куритиб шаарынын мурдагы башчысы Жайме Лернер

Жайме Лернер — жеңил, бирок жемиштүү

1971-жылы Бразилиянын Куритиб шаарына архитектор жана инженер Жайме Лернер мэр болуп шайланат. Калаа башчысын тамтыгы чыккан тар көчөлөр, унаа тыгындары, чектен ашкан жакырчылык сыяктуу көйгөйлөр күтүп турган эле. Лернер баш оорудан арылуунун жөнөкөй жолун тапкан — мэр шаарды тазалоодон чыккан таштанды салынган бир капка тамак-аш жана коомдук унаада бекер жүрүүгө жол ачкан билет бере баштаган. Мындан тышкары, Куритибдин айланасын жээктен чыккан суу каптап кетчү. Лернер ал жерлерди сатып алып, парк кура баштаган. Анда өскөн чөптөн арылуу үчүн кой жайып жиберчү. Малдын жүнү башка муктаждыктарга жумшалган. Муну менен бирге мэр өзгөчө транспорттук система ойлоп таап, ал шаарга турак жай куруп, калааны өнүктүрүүгө шарт түзгөн.

Генеральный директор компании Bloomberg Майкл Блумберг выступает на пленарном заседании вместе с французским министром экономики Эммануэлем Макроном на мероприятии Global Summit в Париже. 14 октября 2016 года
© AFP 2021 / ERIC PIERMONT
Bloomberg компаниясынын башкы директору Майкл Блумберг

Майкл Блумберг — жеке кабинети 

Көптөргө бул адам маалымат менен камсыз кылган фирманын негиздөөчүсү катары белгилүү. Элдин көбү эле Нью-Йорктун мэринин иш бөлмөсү жоктугун биле бербейт окшойт. Блумберг бир ирет коомчулукка кол алдында иштегендер менен отурган иш ордун көрсөткөн. 

"Чоң алманын" башчысы ал тургай бюджеттин таңкыстыгын кыскартып, билим берүү системасын реформалап, коомдук жайларда чылым чегүүгө тыюу салып жана шаардыктар үчүн "түз чала турган телефон" номерин иштеткен. Ал эми коомдук транспорт тармагына анча көп өзгөртүү киргизген эмес. Анын жетекчи болуп келиши менен троллейбус каттамы өркүндөп, 250 чакырымга велосипед жолу салынган. Нью-Йорктун бир катар көчөлөрүнө коомдук транспорттон башка автоунаалардын жүрүшүнө тыюу салган. Ошентип, шаардын арбын жашоочулары автобус, троллейбус менен жүрө баштаган. 

Колумбийский кандидат в президенты от Партии зеленых Антанас Мокус во время дебатов с кандидатом в президенты от правящей партии национального единства Хуаном Мануэлем Сантосом в Боготе. 15 июня 2010 года
© AFP 2021 / EITAN ABRAMOVICH
Колумбиянын Богота шаарынын башчысы Антанас Мокус

Антанас Мокус — кылмышты 70 пайызга кыскарткан

Колумбиянын Богота шаарынын башчысы 1995-жылы кызматка келгенден тарта кылмыштуулукту 70, ал эми жол кырсыктарын 50 пайызга кыскарткан. Ал түндөп иштеген эс алуучу жайлардын баарын жаптырып, шаардыктардын өздөрүн кошо кайгуул топторго кошуп койгон. Ал эми үй-бүлөлүк зомбулуктан жабыр тарткан балдар үчүн "түз чала турган телефон" номерлерди ачкан. Мындай чаралар коррупциянын деңгээлин кадыресе төмөндөтүүгө жардамчы болгон. Шаарда ары бери каттагандардын жашын сураган бир нече сааттаган автотыгындарды көрүүгө болот эле. Жаңы мэр да мунун жолун тапкан. Ал көчөгө 420 мимдерди алып чыгып, жол эрежесин бузгандар менен автотыгынга себеп болгондорду мазактоого буйрук берген. Бул кишинин дагы бир жаңылыгы, атайын тактайчаларды орнотуп, айдоочуларды бири-бири менен жарык маанайда иштөөгө жетелеген. Мокус башчы болуп келгенден тарта шаар гүлдөп, өзгөрө баштаган. Мэр бюджетти да толтурганга жетишкен. Ага жергиликтүү жашоочулар Богота шаарын кайрадан куруп чыкты деген образдуу баасын берип келишет. 

Мэр Петрозаводска Галина Ширшина
© Sputnik / Игорь Подгорный
Петрозаводск шаарынын мэри Галина Ширшина

Галина Ширшина — шайлоочуларына интернет аркылуу отчет берген мэр айым

Эмгек батыштын гана шаар башчыларын даңазалап тим болгон жок. Петрозаводск шаарынын жетекчиси Галина Ширшина ага чейин мугалим, анан басма үйүндө директор болуп иштеген. Ал шаар башчылыгына шайлангандан кийин, инаугурация салтанатын жасаган жок. Жергиликтүү кеңештин депутаттары иштен кетсе компенсация каралат деген эрежени четке каккан. Ширшина шайлоочуларына ишмердүүлүгү боюнча отчетун интернет аркылуу берип турган. Ал көчөлөргө Wi-Fi орнотуп, андан сырткары коомдук транспортто электрондук тартип менен тейлөөнү киргизген. 

Конференция RT Информация, политика, СМИ: формирование нового миропорядка
© Sputnik / Михаил Воскресенский
Лондондун мурдагы мэри Кен Ливингстон автотыгындарды жоюунун ыкмасын ойлоп тапкан

Кен Ливингстон — автотыгындарды жоюунун ыкмасын ойлоп тапты

Дал ушул адам кызматка келгенден тарта Лондондун жүзү деп аталган — эки кабаттуу кызыл автобустар пайда болду. Ливингстон автобус айдоочуларынын жүгүн жеңилдетип, атайын карточканы колдонуп интернет аркылуу жол төлөм кылуу системасын киргизди. Өзүнчө каттамдарды киргизген. Жаңы мэр Англиянын кире беришинде акы төлөй турган жайларды орнотуп, андан түшкөн каражатты муниципалдык транспортту оңдоого жумшаган. Мындай ыкма менен сааттап турган автотыгын да азайган. Ийгиликтүү деп эсептелген бул жолду дүйнөнүн башка шаарлары да колдоно баштаган. Ал эми Ливингстондун ордуна келген Борис Жонсон ишке велосипед менен келген жетекчи катары эсте калды.

Материал интернет айдыңындагы ачык маалыматтардан алынды.

523
Белгилер:
Бишкек, шайлоо, реформа, мэр, шайлоочу, жетекчи
Тема боюнча
Сооронбай Жээнбеков Бишкек шаарынын мэрлигине талапкер көрсөтпөйт
Медициналык кызматкерлер бейтап менен ооруканада. Архив

Инфекционист: COVID-19дун жаңы штаммдары мурункудан жеңил болбойт

14
(жаңыланган 11:06 28.10.2021)
Дарыгердин айтымында, мутациядан кийин пайда болгон штаммдарды мурдагыларга салыштырмалуу коопсуз деп айтууга болбойт. Анткени вирустун жаңы түрлөрү өз жашоосун болушунча узартуу үчүн күчтүү, жугуштуу болууга аракет кылышат.

БИШКЕК, 28-окт. — Sputnik. Коронавирустун "дельта" штаммынын AY.4.2 деп аталган жаңы варианты өтө жугуштуу жана оор формада өтүшү мүмкүн. Бул тууралуу РИА Новости агенттигине инфекционист Андрей Поздняков билдирди.

"Бул "дельта" штаммынын бир түрү болуп жаткандан кийин аны жеңил өтөт жана көп жукпайт деп ойлобошубуз керек. Байкоолорубузга караганда, бул вариантка кабылган бир киши 9 адамга вирус жугузушу мүмкүн. Ал эми "дельта" штаммы өзү бир оорулуудан сегиз адамга жугат. Эң алгачкы Ухань штаммы орто эсеп менен үч кишиге жукчу", — деди Поздняков.

Дарыгердин айтымында, мутациядан кийин пайда болгон штаммдарды мурдагыларга салыштырмалуу коопсуз деп айтууга болбойт. Анткени вирустун жаңы түрлөрү өз жашоосун болушунча узартуу үчүн күчтүү, жугуштуу болууга аракет кылышат.

Эске салсак, Улуу Британиядагы Сенгер жана Кембридж окуу жайларынын окумуштуулары "дельта" штаммынын 10-15 пайызга көбүрөөк жуккан AY.4.2 варианты чыкканын айтышкан. Россияда вирустун бул варианты азырынча үч кишиден табылды. Ошол эле учурда адис Россияда коронавируска каршы колдонулуп жаткан вакциналардын күчү AY.4.2 вариантына дагы жетерин билдирүүдө.

Буга чейин Роспотребнадзор мекемесинин адистери изилдөө иштери аягына чыга электигине байланыштуу "дельта" штаммынын жаңы варианты өтө кооптуу деп айтууга эрте экенин билдиришкен.

14
Тема:
Дүйнөгө жайылган коронавирус
Тема боюнча
Коронавирус дагы үч адамдын өмүрүн алды, 124ү жаңы жуктурду
Колбаса азыктары. Архив

Жумасына жарым килограммдан көп жебеш керек. Эттин кооптуулугу эскертилди

62
(жаңыланган 09:57 28.10.2021)
Адис "жаман" майлар туурасында да эске салып, алар майонезде, маргаринде жана чочко майында бар экендигин айткан.

БИШКЕК, 28-окт. — Sputnik. Адам ичегисинин былжыр челин жакшы абалда сакташ үчүн кооптуу деген азыктардан баш тартып койгону дурус. Бул туурасында немец дарыгери Томас Фрилингдин башка басылмаларга айткандарына таянып РИА Новости жазды.

Адис колдон келсе жебей койгондон өтөрү жок деген азыктардын башына кантты койгон. Дарыгер таттуу болгон жерде бактериялардын кайсы бир түрү жакшы көбөйө тургандыгын эскертти. Андан аркы тизмесине туздалган, ышталган тамактар жана колбаса азыктарын кошкон.

"Булар канцероген заттары бар делген тизмедеги тамактардын катарына кирет, ошон үчүн кадимки кызыл этти (балык менен тооктукунан башкасын) да жумасына 500 граммдан ашык жебеш керек", — деген Фрилинг.

Адис "жаман" майлар туурасында да эскертип, алар майонезде, маргаринде жана чочко майында бар экендигин айткан.

Фрилинг пайдалуу азыктарды да санап берген. Биринчи орунда жашылча жана буурчактар турарын, алардын курамында клетчатка сыяктуу азыктар бар экенин айткан. Андан кийинки орунга банан, балык, жемиштердин пюреси, мундир кылып жасалган картошка жана кара нан чыккан.

62
Белгилер:
ден соолук, азык, дарыгер, кеңеш, колбаса, зыяндуу, банан, пайдалуу
Тема боюнча
Диетолог суукта, локдаунда кантип салмак кошпой жүрүүнүн жолун айтып берди
Дарыгер пиязды ашыкча колдонуунун кесепетин айтты
Капельницалар улануу учурунда. Архив

Бишкекте тамакка ууланган адамдардын саны 300гө жетти

5
(жаңыланган 11:13 28.10.2021)
Уулануу өткөн ишембиде катталып, жабыркагандардын саны улам өсүүдө. Учурда ооруканада 31 киши дарыланып жатат, анын бешөө балдар.

БИШКЕК, 28-окт. — Sputnik. Бишкекте тамактан ууланып ооруканага кайрылгандардын саны 300гө жетти. Бул тууралуу Sputnik агенттигине Бишкек шаардык санитардык-эпидемиологиялык көзөмөл борборунун бөлүм башчысы Махамат Мурзашев билдирди.

Буга чейин кайрылгандар 253 болчу. Мурзашевдин айтымында, кечээ кечинде алардын саны 290го жетип, эртең менен 300 болду.

Учурда ооруканада 31 киши дарыланууда, анын бешөө балдар. Абалы туруктуу деп бааланууда. Бейтаптар акырындан үйүнө чыгарылып жатат. Кечээ стационарда 60 киши бар болчу.

Эске салсак, тамакка уулангандар 23-24-октябрь күндөрү ооруканага түшө баштаган. Санэпидкөзөмөл уулангандар Бишкектеги "Империя пиццы" кафесинин төрт филиалынан суши-ролл жегенин кабарлаган. 25-октябрь күнү уулангандардын саны 85ке, 26-октябрда 179га жеткен.

Белгилей кетсек, Саламаттык сактоо министрлиги 25-октябрдан тарта ууланып ооруканага кайрылган адамдардын саны боюнча маалыматтарды берип жатат. Бирок пресс-релизде жабыркагандар кайсы жерден жана кандайча ууланганы так көрсөтүлгөн эмес. Болгону "Бишкектеги массалык уулануу" деп жазылган.

Ал арада Кыргызстанда тамак-аш саткан объектилерди текшерүүгө киргизилген мораторий жокко чыгарылды.

Кафенин филиалдарынын администрациясына жалпы суммасы 30,5 миң сомдук беш протокол түзүлгөн.

5
Белгилер:
Бишкек, тамак, уулануу, бейтап
Тема:
Бишкектин кафесиндеги массалык уулануу
Тема боюнча
Кыргызстанда кайсы объектилер капилет текшерилиши мүмкүн. Тизме