АКШда учактарга тоскоолдук жараткан 70 миң канаттуу жок кылынды

© Sputnik / Юрий Кавер / Медиабанкка өтүүКанаттуулар. Архив
Канаттуулар. Архив - Sputnik Кыргызстан
Жазылуу
2009-жылы А320 учагы канаттуулар менен кагышып Гудзон дарыясына авариялык конуу жасагандан кийин ушундай чечим чыккан.

БИШКЕК, 16-янв. — Sputnik. Соңку жети жылдын ичинде Нью-Йорктун Ньюарк жана Ла-Гуардия аэропортторундагы учактардын коопсуздугун сактоо максатында 70 миңге чукул канаттуу жок кылынган. Бул туурасында РИА Новости The Guardian басылмасына шилтеме берүү менен жазып чыкты.

Куш тумоосунун кеңири жайылганынан улам, Ниигата жана Аомор аймактарында чарбадагы куштарды кыруу - Sputnik Кыргызстан
Япония: куш тумоосуна байланыштуу миңдеген тоок, өрдөктөрдү кыруу башталды
Журналисттердин айтымында, 2009-жылы А320 учагы Гудзон дарыясына авариялык абалда конгон. Адистер учак канаттуулар менен кагышып, эки кыймылдаткычы иштен чыкканын аныктаган. Ошол окуядан кийин, учактарга кооптуу абал жараткан канаттууларды өлтүрүү чечими чыккан. 

Аэропорттун ички статистикасы боюнча 2004-2009-жылдары учактар менен канаттуулардын кагышуусу 158 жолу катталган. Ал эми 2007-жылдан ушул күнгө чейин 299 кагышуу болгон. 

Маалыматка ылайык, Нью-Йорктун аба мейкиндигинде мындай окуялар маал-маалы менен катталып турат. Айрыкча канаттуулардын жер которуу убагында арбын байкалат. Мындай учурда лазердик жана алыстан үркүтө турган каражаттар колдонулуп келет. 

Ал эми аба мейкиндигиндеги учактарга тоскоолдук жараткан канаттууларды кырып салуу сунушун берген демилгечилер, программа жакшы натыйжа берип жатканын айткан. 

Жаңылыктар түрмөгү
0