АКШнын президенти Дональд Трамптын архивдик сүрөтү

Американын ири компания башчылары Трамптын качкындар боюнча жарлыгына нааразы

86
Америкадагы Apple, Netflix, Twitter, Uber өңдүү ири компания башчылары Дональд Трамптын качкындар боюнча кол койгон жарлыгына каршы.

БИШКЕК, 29-янв. — Sputnik. Американын бир катар ири компания башчылары АКШ президенти Дональд Трамптын качкындар боюнча чыгарган жарлыгына карата айтылган сын пикирлерге кошулушту. Бул тууралуу РИА Новости Mashable басылмасына шилтеме берип билдирди.

"Apple компаниясы мигранттарсыз азыркыдай өнүгүп, гүлдөө мындай турсун эч нерсе жасай алмак эмес", — деп корпорациянын башчысы Тим Кук билдирген.

Куктун айтымында, Трамптын качкындар боюнча чыгарган жаңы жарлыгы түзмө-түз айрым кызматкерлерге тийгендиктен, компания тарабынан аларга колдон келген бардык жардамдар берилет.

Ал эми Uber компаниясынын башчысы Трэвис Каланик президенттин мындай саясатына тынчсызданып жатканын айтып, анын кызматкерлери соккуга дуушар болгонун билдирген. Анын айтымында, жарлыктын залакасы "миңдеген айдоочуларга" тийген.

Сын айткандардын арасында Netflix жана Twitter компаниясынын башчылары Рид Хэйстингс менен Жек Дорси да бар. Алар компанияда мигранттар бар болгону үчүн иш илгерилеп жатканын билдиришкен.

Буга чейин, Facebook социалдык тармагынын негиздөөчүсү Марк Цукерберг дагы Дональд Трамптын качкындар боюнча кол койгон жарлыгын сындаган

АКШнын президенти Дональд Трамп Американын качкындарды кабыл алуусун 120 күнгө токтоткон жана өлкөгө кирүү эрежелерин татаалдаткан жарлыкка кол койгон. Трамптын сөзүнө караганда "экстремалдуу тандоо" деп аталган бул документтин максаты — "радикалдашкан мусулман-террорчуларды" өлкөгө киргизбөө.

Айрым маалымат булактарынын билдирүүсүнө караганда, документте Ирак, Иран, Сирия, Судан, Йемен, Ливия жана Сомали тууралуу сөз болгон.

86
Белгилер:
качкындар, сын, компания, Дональд Трамп, АКШ
Тема боюнча
Марк Цукерберг АКШ президенти Трамптын качкындарды өгөйлөгөнүн сындады
Обаманын кызы президент Трамптын чечимине каршы чыкты