Популярное сатирического шоу Saturday Night Live на телеканале NBC. Фото с сайта Youtube

Атамбаевдин фамилиясы америкалыктарды кантип "кыйнады". Тердеткен телешоу

1851
(жаңыланган 20:41 13.02.2017)
АКШнын маалымат катчысы Шон Спайсерди актриса Мелисса Маккарти туурап, анда Кыргызстандын президенти Алмазбек Атамбаевдин атын, фамилиясын кыйналып жатып айтты.

БИШКЕК, 13-фев. — Sputnik. АКШнын NBC телеканалындагы Saturday Night Live аттуу белгилүү сатиралык берүүсү Ак үйдүн маалымат катчысы Шон Спайсерди шылдыңдап, туураган.

Сценарий боюнча Спайсер (анын ролун гриммделген Мелисса Маккарти аткарган) Ак үйдө брифинг өткөрүп жатат. Маалымат катчынын образы жана анын журналисттерге жасаган мамилеси шылдыңдоо иретинде берилген. Анда Спайсер ЖМК өкүлдөрүн кагып, бир тутам сагызын чайнап, анысын кайра жерге таштап, трибунадан журналисттерге асылат.

"Мен азыр президенттин иштөө тартибинен баштагым келип жатат. Бүгүн президент Дональд Трамп Борбор Азиядагы өлкөлөрдүн биринин башчысы менен жолугат", — деп баштаган маалымат катчы брифингин.

Андан кийин актриса Кыргызстандын президентинин атын жана дагы бир шаарды айтууга аракет кылат.

"Кыргхаахаазтандагы маселени талкуулоо үчүн Алма… ммм Алзмабек Атимадибебе менен жолугат. …. (бир нече сөздү айып келип) Арабара… Арабара… Арабара-Абадда!", — деп маалымат катчыны туураган актриса күлүп жиберген.

Saturday Night Live шоусу чыккан NBC телеканалы жума сайын Трамптын жана анын командасын тамашалап туурашат. Азыркы президент бул берүүгө жакшы көз карашта эместигин жашырбай, берүү боюнча өзүнүн  Twitter баракчасына жазып, маектеринде да айтып жүрөт. 

​"NBC телеканалы өзү эле эң начар телеканалдардын бири. Бирок бул берүү каналдын андан дагы аброюн түшүрөт", — деп жазылат Трамптын Twitter баракчасында.

Saturday Night Live (SNL) — Американын NBC телеканалына чыккан музыкалык-сатиралуу берүүсү. Аталган шоу АКШнын телевидениесинин тарыхындагы узак убакытка созулган жана белгилүү берүүлөрдүн бири болуп саналат. Ал эфирге 1975-жылы чыккан.

Аталган тамашалуу видеону YouTube каналында бир сутканын ичинде 8 миллион адам көргөн.

1851
Белгилер:
АКШ, шоу, тамаша, маалымат катчысы
Тема боюнча
"Трамп келатат!" деген кыйкырыктан эл качууда —АКШда жаңы флешмоб
Россияда өтүп жаткан Мамлекеттик Дума шайлоосуна видеокөзөмөл аркылуу байкоо системасынын демонстрациясы

Мамдума шайлоосуна 7,5 миң адам видеокөзөмөл аркылуу байкоо салууда

11
(жаңыланган 18:33 18.09.2021)
Быйыл шайлоо 17-19-сентябрга белгиленген. Мамлекеттик Дума менен бирге аймактык жана муниципалдык да шайлоо өтүп жатат.

БИШКЕК, 18-сен. — Sputnik. Россияда өтүп жаткан Мамлекеттик Дума шайлоосуна видеокөзөмөл аркылуу байкоо салып жаткан парламенттик партиялардын биринен да эч кандай доомат түшкөн жок. Бул тууралуу РФ Борбордук шайлоо комиссиясынын төрага орун басары Николай Булаев билдирди.

"Ушу тапта видеокөзөмөл порталында 7,5 миң адам отурганын жазып жатышат. Алар бир эле убакта 30 миң шайлоо участкасына көз салууда. Эч биринен эч кандай доомат жок. Парламенттик партиялар биз камсыздап берген техникалык жабдууга нааразылык жок экенин айтышты", — деди Булаев.

Ал коомдук көзөмөл борборлорунда жумушчу орун жетиштүү экенин белгилеп, каалоочуларды чакыра кетти.

Шайлоо быйыл 17-19-сентябрга белгиленген. Мамлекеттик Дума менен биргеликте регионалдык жана муниципалдык шайлоо да кошо өтүп жатат.

11
Белгилер:
шайлоо, Россия, Мамлекеттик Дума, көзөмөл, БШК
Тема боюнча
Владимир Путин Мамдуманын шайлоосуна онлайн добуш берди
Москвада онлайн шайлоого катышкан 10 жаран акциядан батир утуп алды

Россия Казакстандагы полигондо кезектеги ракетасын сынады. Видео

27
Россиянын Коргоо министрлиги чабуулга каршы системасына кирген кезектеги жаңы ракетасын сынады. Видео ведомствонун YouTube-каналына жарыяланган.

Иш-чара Казакстандын Сары-Шаган полигонунда болуп өттү.

"Ракета бардык мүнөздөмөлөрүнө жооп берип, мыктылыгын көрсөттү. Ал шарттуу бутага таамай тийди", — деди Аба-космостук коргонуу күчтөрүнүн Чабуулга каршы коргонуу бирикмесинин командири Сергей Грабчук.

Бул система аба-космостук чабуулдардан коргонууга багытталганы белгиленди.

27
Белгилер:
Россия, Казакстан, ракета, сыноо
Тема боюнча
Х-95 гиперүндүү ракетасы: россиялык жаңы табылганын мүнөздөмөлөрү

Ошто бүгүн мэр баштаган 25 миң адам шаарды тазалоого чыкты. Видео

0
Бүгүн Ош шаарында Бүткүл дүйнөлүк тазалык күнүнө карата ишембилик болуп өттү. Мэриянын маалымат кызматы шаарды тазалоого 25 миңден ашуун адам чыкканын билдирди.

Калаа мэри Алмаз Мамбетов баштаган мэриянын аппараты, шаардык кеңештин эмгек жамааты, шаар тургундары, мамлекеттик жана муниципалдык мекемелердин, жеке ишканалардын кызматкерлери, спортчулар, журналисттер активдүү катышкан.

Анын алкагында 2100 куб метр таштанды чогултулганы айтылды.

Шаар башчысы Навои паркынын жанындагы Абдыкадыров көчөсүндөгү көпүрөнүн тегерек-четин тазалаган.

0
Белгилер:
ишембилик, тазалоо, Ош шаары, Алмаз Мамбетов
Тема боюнча
Майрамдан кийин "Ала-Тоодон" канча таштанды чыкты. Сүрөт
Ошто Казакстан мамлекеттик университетинин филиалын ачуу каралууда