Гитлердин телефону. Архивдик сүрөт

Гитлер өзү колдонуп жүргөн телефон 243 миң долларга сатылды

1174
(жаңыланган 11:20 20.02.2017)
Британиялык офицердин үй-бүлөсү аталган аппаратты 70 жылга жакын убакыт сактап келген.

БИШКЕК, 20-фев. — Sputnik. Адольф Гитлердин жеке өзү колдонуп жүргөн телефонун аукциондо 243 миң долларга соодалашты. Бул туурасында РИА Новости жазды.

Франс Пресс агенттигинин маалыматына караганда, телефонго алгач 100 миң доллар деген бааны коюлуп, өсүп отуруп 200-300 миңдин тегерегиндеги суммага чыгары болжолдонгон.

Гитлердин аты түшүрүлгөн Siemens аппараты вермахттын белеги болгондугу айтылат. 1945-жылы аны советтик жоокерлер Гитлердин бункеринен таап чыгып, кайсы бир себептер менен британиялык офицерге беришкен. Анын үй-бүлөсү аталган аппаратты 70 жылга чукул убакыт сактап келген.

Аукцион өткөргөн үй бул буюмду ааламдагы миллиондогон өмүрлөрдү алган "кубаттуу курал" деп атаган.

1174
Белгилер:
офицер, телефон, Адольф Гитлер
Тема боюнча
"Жылаңачтанган" Трамп Лос-Анжелестеги аукциондон сатылды
Аукционго коюлган "Ак-Кеме" сатылбай калды
Run the Silk Road марафондун катышчуулары. Архив

Ысык-Көл марафону Олимпиадага лицензия берүүчү мелдештердин тизмесине кирди

35
(жаңыланган 20:05 22.01.2021)
Эми Кыргызстанда өтүүчү эл аралык марафондон Олимпиада оюндарына, Дүйнө чемпионатына жана Азия оюндарына лицензиялар бериле баштайт.

БИШКЕК, 22-янв. — Sputnik. Run the Silk road Ысык-Көл эл аралык ШКУ марафону World Athletics (Жеңил атлетика федерациясынын эл аралык ассоциациясы) уюмунун календарлык мелдештерине киргизилди. Бул тууралуу Жаштар иши, дене тарбия жана спорт агенттигинин маалымат кызматы билдирди.

Эми спортчулар аталган марафондон тийиштүү нормативди аткарып Олимпиада оюндарына, Дүйнө чемпионатына жана Азия оюндарына лицензияларды ала алышат.

"Мындай жетишкендик өлкөнүн Жеңил атлетика федерациясы Эл аралык марафон дирекциясы менен биргеликте жасаган жигердүү аракеттеринин натыйжасында ишке ашкан. Эл аралык марафон трассасы сертификациядан өттү. Эми мелдештер Дүйнөлүк жеңил атлетика уюмунун эрежелерине ылайык өткөрүлөт", — деп айтылат маалыматта.

Run the Silk road IX Ысык-Көл эл аралык ШКУ марафону 2021-жылдын 15-майында Ысык-Көлдүн Чолпон-Ата шаарында өтөт.

35
Белгилер:
календарь, Ысык-Көл, Run The Silk Road эл аралык марафон
Тема боюнча
Кыргызстандан үч калыс ФИФАнын абройлуу тизмесине алынды
ЕАЭБге мүчө-мамлекеттердин өкмөт башчылары жыйыны. Архив

Февралда ЕАЭБге мүчө-мамлекеттердин өкмөт башчылары Алматыда чогулат

44
(жаңыланган 16:57 22.01.2021)
ЕАЭБ өлкөлөрүнүн өкмөт башчыларын чогулткан иш-чаралар коңшу Казакстандын Алматы шаарында боло турганы айтылды.

БИШКЕК, 22-янв. — Sputnik. Үстүбүздөгү жылдын 5-февралында ЕАЭБге мүчө-мамлекеттердин өкмөттөр аралык жыйыны жана Almaty Digital Forum-2021 форуму өтөт. Бул туурасында Евразия экономикалык комиссиясынын маалымат кызматы билдирди.

Аталган иш-чаралар Казакстандын Алматы шаарында боло турганы айтылды.

Санариптик форумдун пленардык жыйынына ЕАЭБ өлкөлөрүнүн өкмөт башчылары, ЕАЭБге байкоочу мамлекеттер жана Евразия экономикалык комиссиясынын төрагасы Михаил Мясникович катышат.

44
Белгилер:
жыйын, жолугушуу, өкмөт, Евразиялык экономикалык биримдик, Алматы
Тема боюнча
ЕАЭБ: союздаштар саясатты шайкеш келтирүүгө мезгил жетти
Артем Новиков ЕЭК кеңешинин соңку жыйынына катышты. Талкууланган маселелер
Муниципалдык кызматкер карды тазалап жатат. Архив

Ишембиге карата аба ырайы

0
23-январга караган түнү көпчүлүк аймактарда мезгил-мезгили менен кар жаайт. Жаан-чачынга байланыштуу өлкөнүн тоолуу райондорунда кар көчкү түшүүсү ыктымал. Бул тууралуу Кыргызгидромет билдирди.

БИШКЕК, 22-янв. — Sputnik. Ишембиде күндүз республика боюнча жаан-чачын күтүлөт. Жолдорго муз тоңуп, тайгак болот. Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй облусунда -4…-9, Таласта -3…-8, Ош, Жалал-Абад, Баткен аймактарында 0…-5, Ысык-Көл жергесинде -2…-7, Нарын өрөөнүндө -8…-13 градус болору айтылды.

Термометрдин көрсөткүчү Бишкекте -5…-7, Ош шаарында -2…-4 градус болот.

0
Белгилер:
Кыргызстан, январь, аба ырайы
Тема боюнча
Абайлагыла, сак болгула! Айдоочуларга эскертүү берилди