Зоопарктагы кериктер. Архив

Чехия: зоопаркта мүйүзүн араалап, керикти сактоого аракет кылышууда

72
2016-жылдын жайында Зимбабведе 700 кериктин мүйүзүн таарып салуу чечими кабыл алынган. Бийлик мындай кадам жаныбарларды браконьерлерден сактоо үчүн жасалгандыгын айтууда.

БИШКЕК, 16-мар. — Sputnik. Чехияда зоопаркта багылып жаткан сейрек кездешүүчү кериктин мүйүзүн араалап салуу менен сактап калууга аракет кылышууда. Бул туурасында РИА Новости Guardian басылмасына таянып жазды. 

7-мартка караган түнү белгисиз кылмышкерлер Париждин чет жакасында жайгашкан Туари зоопаркындагы беш жаштагы керикти өлтүрүп, бир мүйүзүн сындырып кетүүгө үлгүрүшкөн.

"Бул кериктердин коопсуздугу үчүн жасалууда. Франциядагы окуя бизди кооптондуруп койду, абал чынында эле ойлондургудай болуп турат", — деп айткан Двур-Кралове-над-Лабем шаарындагы зоопарктын өкүлү гезитке.

Учурда аталган жайда 21 жаныбар жашайт.

Дегеле дүйнө боюнча бул жаныбарлар браконьерлердин бутасына алынып келет. Кылмышкерлер Африканын салттуу медицинасына пайдаланылган бул мүйүздөрдүн артынан сая түшкөнү көпчүлүккө маалым. 1977-жылы дүйнө боюнча кериктин мүйүзүн сатууга тыюу салынган. Көмүскө базарда бир мүйүздүн баасы 50 миң еврого бааланып келет.

2016-жылдын жайында Зимбабведе 700 кериктин мүйүзүн таарып салуу чечимин кабыл алган. Бийлик мындай кадам жаныбарларды браконьерлерден сактоо үчүн жасалгандыгын айткан. 2015-жылы 1,3 миң керик мүйүздөн улам курмандыкка чалынган.

72
Белгилер:
Чехия, Африка, керик, мүйүз, браконьер
Тема боюнча
Кайберендерди атууга толук тыюу салбаш керек. Себебин өкмөт түшүндүрдү
National Geographic: Кыргызстан илбирстер үчүн баш калка боло алат
Кабул шаары. Архив

ЖМК: талибдер өзбек тилин расмий макамынан ажыратып салды

58
(жаңыланган 00:12 19.09.2021)
Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

БИШКЕК, 18-сен. — Sputnik. "Талибан"* кыймылы мыйзамда көрсөтүлгөн үч расмий тилдин ордуна экөөнү калтырып, башкаруунун жаңы системасы каралган убактылуу мыйзам чыгарды. Документ РИА Новостиге кыймылдагы адамдар тарабынан жөнөтүлгөнүн аталган агенттик жазды.

"Негиздер" деген аталыштагы мыйзамда Афганистандагы ханафит мазхабынын суннит исламы расмий дин болуп эсептелээри айтылат. Ал эми пушту менен дари тилдери расмий тил деп саналмакчы. Буга чейин Афганистанда түндүк провинциянын тургундары сүйлөгөн өзбек тили да расмий болуп келген. Мындан тышкары, өлкөдө басымдуу бөлүгүн хазарийлер түзгөн шиит общинасы бар.

Жаңы документке ылайык, Афганистанда ислам юристтеринин кеңеши жана жогорку кеңеш түзүлөт. Ага саясий ишмерлер, окумуштуулар жана ар провинциядан дин кызматкерлери кошулары айтылды.

Аткаруу бийлигин президент жетектейт, аны жарандар менен жогорку кеңештин мүчөлөрү шайламакчы. Добуш берүү ачык-айкын өтүшү үчүн шайлоо комиссиясы түзүлөт. Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

Мыйзамда "британиялыктар, орустар жана америкалыктардан көз карандысыздык күнү" майрам болуп эсептелет деп жазылган.

Талибдер августтун башында активдешип, айдын орто ченинде Кабулга киришкен. Согуш аягына чыкканы жар салынып, 31-августта америкалык аскерлер толугу менен өлкөдөн чыгып кеткен.

7-сентябрда Афганистандын убактылуу өкмөтүнүн курамы жарыяланып, аны Мохаммад Хасан Ахунд жетектемей болгон. Өкмөт башчы 2001-жылдан бери БУУнун санкциясында.

Буга чейин талибдердин бийлиги менен кызматташууга Өзбекстан, Казакстан жана Кытай даярдыгын билдирген болчу.

* — Кыргызстан, Россия жана башка бир катар мамлекеттерде тыюу салынган уюм.

58
Белгилер:
Афганистан, 'Талибан' кыймылы, тил, макам, Өзбекстан, Казакстан, Кытай, мыйзам, документ
Тема:
Афган бийлиги менен талибдердин тиреши
Тема боюнча
Афганистандагы абал Борбор Азиянын келечегине кандай таасир этет? Пикир
Пикирлештердин саммити: ШКУнун Афганистан боюнча кадамы кандай болот
Россияда өтүп жаткан Мамлекеттик Дума шайлоосуна видеокөзөмөл аркылуу байкоо системасынын демонстрациясы

Мамдума шайлоосуна 7,5 миң адам видеокөзөмөл аркылуу байкоо салууда

25
(жаңыланган 18:33 18.09.2021)
Быйыл шайлоо 17-19-сентябрга белгиленген. Мамлекеттик Дума менен бирге аймактык жана муниципалдык да шайлоо өтүп жатат.

БИШКЕК, 18-сен. — Sputnik. Россияда өтүп жаткан Мамлекеттик Дума шайлоосуна видеокөзөмөл аркылуу байкоо салып жаткан парламенттик партиялардын биринен да эч кандай доомат түшкөн жок. Бул тууралуу РФ Борбордук шайлоо комиссиясынын төрага орун басары Николай Булаев билдирди.

"Ушу тапта видеокөзөмөл порталында 7,5 миң адам отурганын жазып жатышат. Алар бир эле убакта 30 миң шайлоо участкасына көз салууда. Эч биринен эч кандай доомат жок. Парламенттик партиялар биз камсыздап берген техникалык жабдууга нааразылык жок экенин айтышты", — деди Булаев.

Ал коомдук көзөмөл борборлорунда жумушчу орун жетиштүү экенин белгилеп, каалоочуларды чакыра кетти.

Шайлоо быйыл 17-19-сентябрга белгиленген. Мамлекеттик Дума менен биргеликте регионалдык жана муниципалдык шайлоо да кошо өтүп жатат.

25
Белгилер:
шайлоо, Россия, Мамлекеттик Дума, көзөмөл, БШК
Тема боюнча
Владимир Путин Мамдуманын шайлоосуна онлайн добуш берди
Москвада онлайн шайлоого катышкан 10 жаран акциядан батир утуп алды